ساعدوني :(

[دلعي يتعبك]

الكاسكو تبعي له اسبوع مزكم
وقلت البيطري قالي مافي علاج لزكامه


الئ عنده خبره يعطيني لا تبخلون علي


لان مره طول بالزكام واشتقت امسكه مثل قبل واخاف زكامه يعدي




انتظر ردكم

[ام ماجد]

مايعديك حبيبتي لا تتعبين نفسيته يفقدك ويزيد مرضه
اهم شي النفسيه
حطي له علاج التايلان ودفيه اكثر لايبرد
وإذا تبين علاج طبيعي حطي له كل يوم فص ثوم نقعييه بمويه ربع ساعه عقب حطي قطرات ليمون
خوذي منه
وحطيه بمشربية الطير 4 ساعات وشيليه لايطول
كل يوم اسبوع والله يشفيه

[تشآرلي]

ربي يشفيه ان شاء الله

دام الزكمه استمرت اكثر من اسبوع لازم تبدا معاه بالعلاج

انت جرب بيطيري غيره واطلب علاج للاعراض البرد مثل التايلان او غيره


او الخلطه الثوم بالليمون

[سمسم746]

عليك بخلطة الثوم و الليمون جداً فعاله
و الأهم ابعديه عن التيارات الهوائية
الله يشفيه و يطمنك عليه

[دلعي يتعبك]

والله طول حيل معاه الزكام وناس عندي اعوذ بالله

خلاص بيموت ويستهبلون وانا مؤ رايقه

طيب العلاج الئ قلتو عنه القاه عند البيطري

وكيف طريقته والا تنصحوني بالثوم والليمون

بصراحه البيطري احسه غبي انا حبيت اعالجه بأشياء طبيعيه

مثل الليمون قمت عصرت له بالماي وخليته يشرب اما الثوم للحين ما جربت

لاني بصراحه خايفه له اسبوع واشوي تقريبا واقلقني


تخلصت من التسمم وجاني الزكام البيطري يقولي دامه ياكل لااخاف هو بصراحه شهيته مره مفتوحه بسم الله عليه

بس الزكام زهقني مره لبى قلوبكم اذا الثوم والليمون مفيده اكثر قولو لي محتاجه استفيد

وابي اعرف الزكام يخلي الطير يموت لان ناس نفسيه يفكرون يضحكون يقولون خلاص بيموت

انتظر كم وآسفه على الاطاله

[عزوزالعبدالله]

الثوم والليموون احسن شي مفيييييد جداً

اما من ناحية الموت الزكام ما يموت الطير والاعمار بيد الله
الله يشفيه

[بلاك بيري]

بخصوص الزكام نقول فيه ما يلي

عاده الزكام يبدأ عند طيور الببغاء بسبب التهاب فايروسي للجهاز التنفسي وان طول (( اكثر من اسبوع )) يتحول لبكتيري

احنا من وجهه نظرنا الطبيه نقول انه لو كان المرض فايروسي فلا مانع من استخدام الثوم بالليمون كوسيله لمحاربه الفايروس على الشاكله المناعيه

لكن لو كانت بكتيره فنحن نحرص وبشده على استخدام المضاد مثل السبيكتولين والتايلان لأنه الثوم بالليمون ستخفف من حده المرض ولكن لن تعالجه والعلاج ما هو الا استئصال كامل للبكتريا المسببه للمرض

في حاله الأهمال تؤدي للوافه بسبب فشل الجهاز التنفسي عن العمل بالشكل المطلوب

بخصوص العدوى هي غير وارده ولكنها ممكنه

تحياتي

[دلعي يتعبك]

طيب اخ بلاك وشلون اعرف انها بكتيريا

اليوم شفت بلسانه شئ اخضر مدري وش من الزكام والا في شئ ثاني الحين حطيت له ثوم وليمون بس بشوف لو مانفع بوديه
مره ثانيه وثالثة ورابعه لاني بصراحه طفشت له ٣ أسابيع مريض

بس بالنسبة للأكل والتصفير رجع مثل قبل يصفر ويجعر ومخنفر ويلعب بس مره خشمه ولسانه كله اخضر


بس ابي اعرف الحين لو عطيته هال علاجات بتنفع معاه والا بس تخفف وهي حقت أعراض الزكام والا بس تخفف


معليش كثرت عليكم أساله بس والله خايفه من مرضه والعدوه ووووو

باخذ التايلان دام كلكم متفقين عليه

[بلاك بيري]

المشاركة الأصلية كتبت بواسطة دلعي يتعبك

طيب اخ بلاك وشلون اعرف انها بكتيريا

اليوم شفت بلسانه شئ اخضر مدري وش من الزكام والا في شئ ثاني الحين حطيت له ثوم وليمون بس بشوف لو مانفع بوديه
مره ثانيه وثالثة ورابعه لاني بصراحه طفشت له 3 أسابيع مريض

بس بالنسبة للأكل والتصفير رجع مثل قبل يصفر ويجعر ومخنفر ويلعب بس مره خشمه ولسانه كله اخضر


بس ابي اعرف الحين لو عطيته هال علاجات بتنفع معاه والا بس تخفف وهي حقت أعراض الزكام والا بس تخفف


معليش كثرت عليكم أساله بس والله خايفه من مرضه والعدوه ووووو

باخذ التايلان دام كلكم متفقين عليه

معرفه انه بكتريا عاده ما تكون بالخبره وبالعلامات الحيويه ومدى استجابه الطير للمضاد الحيوي الفعال ضد البكتريا بخصوص الغشاء الأخضر دلاله كبيره على الأصابه البكتيريه لكن تروح عليكي بالتايلان

[عزوزالعبدالله]

خليك على الثوم والليمون خمس ايام وانشاء الله بيتحسن
واذا لاحظت انهه يتحسن استمر عليها

ولا تعطيه التايلان الحين حرام عليك كل شوي علاج والا مضاد كذا انت بتتعب الببغاء
استمر على نوع واحد

واذا على الزكام استمر على الثوم والليمون متاكد بإذن الله انه بتنفع 100%

((( لا تخربط بالادويه))) اككبررر غلط