يأهل الخبرة و المعرفة فزززززززعه تكفون

[abo.ali]

هل الفلفل الحار ينفع للببغاء الافريقي من ناحية تنظيف الباطن و قتل الديدان الي في الطير ؟

هل الطير اذا كان عمره 6 شهور يظره الفلفل الحار او لا ؟

اليوم ياشباب الطير رحت فيه لم الدكتور البيطري و شافه قال يبغاء له علاج حق التنفس و حق الله يكرمكم الاسهال فصرف علاج كرتونه ازرق في صورة رئتين فيه صورة بقره و حصان و خروف و دجاجه قال هذا لضيق التنفس و للاسهال يقول ينفع للحالتين سوى و صرف حبوب للديدان وتسمن كمان على كلامه و حبوب فيتامين كلها كبسولات فا احترت الصراحه احشر الطير با العلاجات هذي سوى او انتضر و هل علاج الاسهال سريع مفعوله او ياخذ وقت ؟

و في حالت الطير الي عندي ينفع له خضروات او فواكه معينه اذا تنفع لي تذكرون بعضه ؟

الطير في بداية الترويض ايش رايكم اوقف الترويض او استمر معه ؟

و بعدين كثرت النوم هل هي طبيعية للطير الجديد ماله إلى اسبوع واحد بس ؟

[صوغة]

الفلفل الحار مايضر اذا مره ولا مرتين بالشهر

والكورس الي سواه البيطري لطيرك ضروري

دائما اول مانشتري ببغاء جديد نعطيه كورس مضادات وطارد للدود وفيتامينات

يمكن البيطري لاحظ ضيق تنفس عند ببغاءك وصرف له هالعلاج لكن مافيه افضل من التايلان للبرد والالتهابات التنفسية

اتفضل هالرابط راح يفيدك مستقبلا
http://www.2zoo.com/vb/showthread.php?t=228093

[abo.ali]

الف شكر على الرد لا كن والله اليوم لما قمت الصباح وكنت معطي الطير الحبوب حقت الديدان شف في ارضية القفص شي غررررررررررررررريب انه الطير مطلع كل الي في بطنه تقول كنك تشوف قفص ما نظف له ثلاث ايام او اكثر مع انه ماله إلى نص يوم بس
هل لحبوب الديدان دخل في الموضوع و هي تنظيف البطن ام لا ؟

[RmaD AnSaN]

شوووف حبيبي آذآ هي ع الاسهآل وآنت بكرآمه آنصحك بالثووم فص ثووم مع موييه ولييمون مرره ممتآزه آنآ مستخدمهآ وآلنتيجه ممتآزه جدآ

[ابو شيخه 11]

الفلفل الحار مفيد اذا تعطيه بشهر مرتين لا تكثر ينشط الدوره الدمويه لطير ويقتل الديدان بس هذا مايمنع انك تستخدم دواء الدود تحط له بلمشربيه اول يومين ثم تقطعه عنه سبوعين لين بيض الدود الي في بطنه يفقص ثم تعطيه الدواء مره اخرى .

بنسبه لترويض انصحك اول تعالج الطير بما انه له اسبوع عندك وهذي مده غير كافيه للبداء بترويض عالجه ثم ابداء بترويض معه بهدؤ
بنسبه للخضار احرص على الخضار الي فيها كالسيوم وفسوفور وبوتاسيوم وحديد مثل الخس والملفوف والجرجير وعطه طماطم ونوع له بلفواكه مره بل اسبوع عشان مايمشي بطنه واتمناء لك التوفيق