'طيري يبي فزعتكم ياخبراء

[متعب القحطاني]

السلام عليكم ورحمة الله وبركاته



يا حبايبي انا عندي ببغاء غيني طيري ياكل ماشاء الله عليه وحركته بس فيه مشكله

الي هي ان برازه اكرمكم الله واعزكم انه يكون عالق في فتحة الشرج وبعض الاحيان يخرجه طبيعي

من دون ما يعلق استمر على هالحاله اسبوعين واثلاث اسابيع حطيت له ثوم في المشربيه فص واحد لمدة ثلاث ايام ما فاد

المهم ما صبرت رحت للبيطري وشافه قال فيه نزله معويه قلت ينفع علاج تايلان المضاد قال لا ما ينفع

صرف لي هالعلاج يقول حط له 2 سم في المشربيه لمدة 5 ايام


سؤالي المهم الي جاي انا على شانه هل علاج ينفع له


هاذي صورته






اتمنى افادتي ياخبراء على شان اجطه له من بكره


ولكم كل الشكر ولا يحرمني منكم

[متعب القحطاني]

[الكاكي]

التايلان لامراض الجهاز التنفسي
وهو معاه اسهال...............
علاجك هذا ما اعرفه
علاج الاسهال المعروف والمجرب صناعته تركيه

[متعب القحطاني]

اخوي الكاكي

طيري ما معه اسهال طيري فضلاته الله يكرمك ويكرم من يسمع متماسك
بس يكون عالق في فتحت الشرج وبعض الاحيان يخرجه طبيعي مامعه اسهال والله الحمد



مشكور ياكاكي الله يجزاك كل خير ويبيض وجهك

[الكاكي]

اخي متعب متى اخر مره اكل فواكه؟

[متعب القحطاني]

المشاركة الأصلية كتبت بواسطة الكاكي

اخي متعب متى اخر مره اكل فواكه؟

الفواكه اعطيه في الاسبوع مره وحده

اخر مره اكل فاكهه اليوم ومو كثير وطير على برازه هاذى ما تغير اعطيه فاكهه ولا لا

بس الي خايف منه العلاج هاذى كويس ولا لا بس


انا خايف يكون هالعلاج يسبب له مشاكل وتتزم حالته

[الكاكي]

الحين اجيب لك العلم لي عوده

[الكاكي]

سبكتولين منتج هولندي من أنتاج شركة فارفيت الهولندية سعرة في السوق 25 ريال تقريبا
البطري واصفه على ان الطير فيه اسهال
وبقاء البرازعلى الريش المحاط بمكان الاخراج اعزك الله هذا من علامات الاسهال...............................
زلكن على كلامك انه مو دائم معاه وحركته وشكله واكله طبيعي مافيه الا العافيه.
على فكره الفواكه تسوي اسهال وقتي ويزول طبيعي جدا......................

[متعب القحطاني]

المشاركة الأصلية كتبت بواسطة الكاكي

سبكتولين منتج هولندي من أنتاج شركة فارفيت الهولندية سعرة في السوق 25 ريال تقريبا
البطري واصفه على ان الطير فيه اسهال
وبقاء البرازعلى الريش المحاط بمكان الاخراج اعزك الله هذا من علامات الاسهال...............................
زلكن على كلامك انه مو دائم معاه وحركته وشكله واكله طبيعي مافيه الا العافيه.
على فكره الفواكه تسوي اسهال وقتي ويزول طبيعي جدا......................

لبى قلبك والله


صح هو فعلاً منتج هواندي

يعين وشلون يالغالي اعطيه ولا لا ؟

وش الحل بنظرك طال عمرك ؟



تعبتك معي عسى الله لا يحرمنا من طلتك بلمنتدى

[الكاكي]

لا ابدا لا تعب حنى اخوان ونخدم بعض
هذا العلاج مجموعه من الفتيمنات ومقوي عام يعني تصريفه لاي بيطري ما يفهم (انا شفت تركيبته)
اقطع العلاج هذا وطيرك مابه الا العافيه بس دفه زين وانتبه من التيارات البارده