وعليكم السلام
ما شاء الله تبارك الله
بخصوص الجوز الاول .. الذكر ما يضرب الانثى الا اذا كانت تبي تبيض
وحسب كلامك اللي ذكرت اتوقع انهم ذكور للاسف .. الا اذا كانت تبي تاخذ الزاويه عش تبيض فيه
اسمع الصوت اللي سواه في الزاويه .. اذا كان قوي يعني ذكر
وحتى لو كانو ذكر وانثى .. بيكونون غير متوالفين
...
الجوز الثاني اكيد انهم جوز ما شاء الله وعقبال الانتاج
واذا ما تفرق بينهم جيب حنا وحط شوي على جناح واحد منهم
...
بالنسبه للشيرازي يبين اذا كانو جوز او لا من تصرفاتهم بس اولا لازم تتاكد من صاحبهم ان الجوز كبير ومنتج
اذا شفتهم جنب بعض اغلب الوقت واحيانا يمسحون راس بعض يعني جوز متوالف
ولو كانو يبغبغون ويتهاوشون يعني ذكور
المشكله اذا كانو جوز متوالفين والانثى دايم تبقى بالعش بس ما تبيض
يعني جوز ما ينتج والمشكله من الانثى
...
اخي العزيز
ما انصحك بالمعالف اللي تستخدمها .. هذه للطيور مثل الكروان وغيره لكن مو للحمام
في قطارات تلاقيها بمحلات الحمام او الطيور بشكل عام .. تبقى المويا نظيفه لثلاث او اربع ايام
واما اللي تحط فيها الاكل تلاقي بالمحلات فخار استخدم فيه الاكل
ولا تنسى صحون الفخار حتى يعشش و يبيض فيها الحمام