بقعه على قطوتي

[TSUBAKI]

انا احطه بسرعه لها بس احس وجهها مدري كيف احسها ضايق صدرها و ماتاكل كل صحنها

[فاتـــو]

معليش هذه مرحله وبتعدي طبيعي يقل اكلها ولعبها بسبب العلاج لكن صدقيني بعدين بترتااااحون

جمدي قلبك وعطيها بالمواعيد هذا لمصلحتها وبتطيب بأقرب وقت

موفقة ياقمر

[TSUBAKI]

صدق طبيعي ما تاكل الدراي فود اللي حاطته لها ما تحرك ابد و اسلق لها دجاج و خضار و اعطيها تونه تاكل شووي مره والا ما تاكل
و اليوم دخلتها عند صغارها رحمتها قلت يمكن فاقدتهم و قرب منها واحد منهم بخت في وجهه مسكين و انحاش تتوقعين عارفه انها مريضه و ماتبيهم يقربون منها والا كذا بس معصبه

و شي ثاني مالع علاقه ابي مرهم او كريم يزيل اثار المخشات يدي صارت خريطة XD

[فاتـــو]

ههههههههههه

الله يعينك عليها

تقدرين تطهرين يدينك بمطهر بيتادين اللي هي تستخدمه والحروج بتلتئم في اسرع وقت

ولا تبعدين عنها ابنائها اوقات طويله حتى ماتفتقدهم او تنساهم

[TSUBAKI]

اهااا اجل بخليها تلعب معهم بس وقت النوم تنوم في الغرفه الثانيه

اليوم الحمد لله احسها تحسنت كلت و ركضت شوي

[TSUBAKI]

البقعه توسعت مدري ليه
اليوم سادس يوم من العلاج و قطعه من جلدها مدري قشور متراكمه طاحت وانا اغسلها

<a href="http://tinypic.com?ref=t6ug5d" target="_blank"><img src="http://i42.tinypic.com/t6ug5d.jpg" border="0" alt="Image and video hosting by TinyPic"></a>

كذا صار شكلها مسكينه

[فاتـــو]

ايوه القشور معناته بدايه العلاج

لاتقلقين هذا طبيعي لان المنطقة المصابة اثناء العلاج تمر بكذا مرحلة حتى الشفاء

استمري على العلاج والتعريض للشمس بشكل يومي

واهم شي النفسية الجيدة

وان شاء الله بتطيب قريبا

موفقه ...

[TSUBAKI]

الحمدالله يعني موب شي خطير طيب كبرت و توسعت
و الشعر اللي سقط مع قطعة جلد وشي والا القشور تقشرت
و الحمدالله نفسيتها تحسنت و صارت تاكل اكثر و تلعب شوي اتوقع تقبلت انها تعبانة
ان شااء الله تطيب بسرعه

[فاتـــو]

ان شــاء الله

[TSUBAKI]

قطتي سائت حالتها و الحين مزكومه مرره و انفها مسدود و تنفسها صعب مدري وش اسوي و المحلات مسكره عشان العيد