مشكلتي عويصه

[كدري الرتقه]

السلام عليكم

عندنا بالبيت كاسكو رمادري العادي والثاتي الاخضر وانا مشكلتي مع الاخضر
الرمادي حبوب ويتكلم ويلعب عرفتو شلون اما الاخضر يالهوي اول ما يابو البيت انا كنت شوي متنرفز
وقتها شهر 4 جنه مو رامي حمام مادري شسالفتي المهم مريت يم القفص ماله وكنت اول مره اشوفه وانا معصب جان اطق حيل على القفص ومن يومها صارلها السالفه سنه كل ما ابي اللمسه ولا امسح على راسه يبي يعض ويجعر جمت اساحله اييبله تفاح ماكو فايده شسوي

؟؟؟؟؟؟؟؟؟

[بوفهد]

انا اقول قدمله كتاب عتذار رسمي علشان يرضى عليك ياكدري الرتقه......لوووووول اتغشمر


لاتحاتي يابوجاسم الشباب ماراح يقصروون معاك وخاصة انه عندنا جم واحد من الاعضاء فلته في تربية البغبغاء

تحياتي

[nevada]

اخوي طيرك ماله الا حل واحد انك ترميه.....
لا اتغشمر معاك....
شوف حبيبي اول شي يوع الطير خلا يوم او اثنين بدون اكل بعدين حاول انك تعطيه الاكل بيدك
او تخليه يشوفك وانت اتحطله الاكل بالصحن واذا ما فاد مالك الا الحل اللي قتلك عنا الرمي

تحياتي...

[قناص]

حبيبي كدري المحبه قصدي كدري الرتقه . .

بالنسبه للببغاوات بشكل عام سواء الكاسكو الرمادي أو الأمازون أو المكاو أو الكوكاتوه . . من الملاحظ أنهم أحيانا يكرهون الرجال بشكل عام أو يكرهون الحريم بشكل عام . . بالذات اذا كنت شاري الببغاء من أشخاص أنت لاتعرف معاملتهم له . . ممكن الحريم يقومون بايذاءه بالتالي يكره الحريم أو الرجاجيل يقومون بايذاءه فيكرههم بشكل عام . . وبعضهم يكره الشخص ذاته الذي قام بايذاءه فكل واحد له طبع خاص فيه . .

والببغاء طائر حساس وذكي ويأخذ موقف من الشخص الذي يعامله سواء بالطيب أو بالعنف . .

عموما الحل قد يكون كاتالي :

1- الانتظار عليه فتره من الزمن لأنه قد يكون جديد على المكان فيجب الانتظار حتى يتعلم على المكان الجديد .
2- بعدها وضع الببغاء على استاند خارج القفص مع ضرورة قص الجنحان قليلا .
3- ضعه في مكان يجلسون فيه الأهل وأنت معهم مثل الصاله واجعله يقف على الاستاند .
4- امنع عنه الحب الشمسي واعطه طعام آخر واجعل الحب الشمسي فقط لاطعامه من يدك . . ودائما قدم له الطعام الذي يفضله بيدك .
5- ووفر له جميع سبل الراحه مثل الطعام الجيد والشراب النظيف والنوم ليلا في مكان هادئ ومعتم وتنظيف دوري للقفص .
6- والأهم من ذلك كله الصبر ولا تتنرفز عند صراخه .
7- ودائما حول ان تكلمه .

وانشاء الله يصير مضبوط . . واذا ما تضبط جحشه . .

تقبل تحياتي . .

[بوفهد]

والله ياقناص الريال مجحش الكاسكو من زمان ارجوا انك تعطيه حل ثاني او انه يعطي الكاسكو هدنه ومايجحشه

تحياتي للكل

[بو تركي]

ههههههههههههههههههه يا شباب الريال يبي حل

[كدري الرتقه]

شكلي برميه والله عادي المصجمه هني يمي جني مادري احط قوطي فوق القفص وجنس مادري انزل النيشان ولا الراس لووووووووول وشكرا

[بوفهد]

لووووووووووووول يامجرم تسويها والله

تحياتي

[fr3on]

شوف ياالحبيب لا تلعب مع الكاسكو الرمادى جدامه ويوعه يوم كامل ووكله من ايدك وخله اعض ايدك عضه خفيفه عشان اطيح الى ابراسه

[لحن الخلود]

يعطيكم العافيه اعزائي على السؤال الاجوبه الجميله والمفيده



.
تحياتي