كوكو بيموووووت !! أريد مساعده من الخبراء ضروري

[كاسكاوي هاوي]

السلام عليكم

كوكو اليوم (الببغاء الأفريقي) اللي عمره حوالي سنة و شهرين صارله كم يوم تعبان
ما ياكل عدل ، حتى الخارج منه أعزكم الله سائل مش متماسك مثل أول

و كل يوم أحسه يتحسن شويا و بعدين يرجع لنفس الحاله

بس اليوم زادت عليه على الأخير و صار يطيح من فوق الستاند !!!!!! و يرفرف على الأرض و هو مقلوب على ظهره و بعدين لما أمسكه يهدى شوي شوي لين يرجع لحالة المرض الطبيعي و هو واقف على الستاند ، سوى الحركة مرتين اليوم

على فكره الحركه هذي أول مره سواها كان قط بيت أخوي الجديد ، نط عليه نطه قوية ، و خاف جدا ، و جتله هذي الحاله ، انه يكون شكله كأنه مشلول ، و شويا شوي يرجع لطبيعته !!

يا ترى في أحد عنده حل لهذي الحاله ؟؟ انا أريد الخبراء اللي هنا أول يردوا عليا لأني كاره أطباء مستشفى البيطري اللي هنا ، كلهم فلبينين و مو خبراء ، آخرهم نتف ريش و يعطوك دوا حساسية و بس

و شكرا لكم

[محبـه الكوكاتيـل]

لاحول ولا قوه الا بالله
وانتوا وينكمـ لما نط عليه البس

لاتعليــق والله


الله يشفيه وربي حزنت عليه

[روهلات المعالي]

الله يشفيه

كان عندي ببغاء لوري .. مره صابته نفس الحركة وكأنه مشلول لكن عادي رجع مثل ماهو

ان شاء الله ان طيرك بخير وديه بيطري افضل

[كاسكاوي هاوي]

المشاركة الأصلية كتبت بواسطة محبـه الكوكاتيـل

لاحول ولا قوه الا بالله
وانتوا وينكمـ لما نط عليه البس

لاتعليــق والله


الله يشفيه وربي حزنت عليه

انا قلت نط عليه مو أكله !!
كلنا كنا موجودين ، بس للأسف أخوي ما قال لي ان عنده قط جديد و انا اتفاجأت بقت داخل بسرعة و نط عليه نزله من على الكرسي على الأرض ، و انا قمت على طول شت القط (طبعا بويش و مو في وجهه علشان ماحد يفكر اني قتلت القط) و بعدها شفت كوكو تعبان و ما يتحرك عدل

قلبي انحسر عليه

[طير جديد]

اخوي الغالي انصحك ود الطير البيطر حتى لو ما في فائده بس شف وشو فيه واذا تبي لا تاخذ منه علاج

وبخصوص الحركه اتوقع حاله نفسيه من موقف القط

هذي القصه صارت لي بس مو مع كاسيكو لا مع كناري

كان عندي طيرين كناري مع بعض كنت اطلعهم في الحوش يغيرون جو
وجاء يوم واطلعه من الصبح الى الساعة 3 العصر الصراحة نسيتهم وكان الجو حار جدا
واحد من الطيور مات والثاني بقى حي

المهم طير الكناري الثاني جاته حاله نفسه بعد ذا الموقف

اذا طلعته في الحوش دقيقة كانه بيموت يطيح ع ارضية القفص ولا يتحرك كانه منشل ويضل 10 دقائق بعدين يقوم
شوي شوي



علشان كذا قلت حاله نفسيه

ربي يشافي طيرك ويرجع مثل اول واحسن وحطه في مكان دافي يمكن جاي له برد

بالتوفيق يالغالي

[Budgerigar]

ماعندي تعليق بس الافضل تحاول زي ماقالوا تبعده عن اي شي مضر

برد وعن القط لا يسمع صوته او حتى يشوفه غير كذا تقول عنده اسهال تقريباً الافضل تعالجه قبل يحصله شي


ربي يشفيه بالتوفيق

[عش البلبل]

السلام عليكم اخوي جرب التايلان انا مجربه النتائج كانت ممتاز ولله الحمد استمر على هذا الدواء اسبوع كامل وان شاء الله يتحسن حالته

[fawzi]

الله يشفيه ان شاء الله اخوي اطير الي عندكم مريض لازم توديه للبيطيري والشافي الله سبحانه وتعالي حرام تخلي الطير من غير علاج وصدقني الشخص المختص في هذه الامور هو البيطيري

[snow11]

..الله يشفيه ويخليه لك ..
اذا انت ماعندك خبره فما بتقدر تسوي له شي صح ..
الافضل اذا انك توديه لطبيب بيطري ..
دور له على بيطري عدل ووديه له لان اذا بتخليه كذا بيموت ..

[1Njood]

الله يشفيه ويرجعه زي اول =(
ضاق صدري عليه
انا اتذكر كان عند ابوي ببغاء ومدري وش نط عليه وارتاع وجته حاله نفسيه ومات الله يرحمه
انت حاول تهديه خلك جمبه ووشسسمه لو ما لقيت حلوول هنا وده طبيب بيطري دور واحد زين
لازم انا مثلك ما احب بس اخر امل