مساعده بخصوص أكل فرخ البلبل ..

[آنـــــو]

.
.
.

السلام عليكم ..

ويسعد أيامكم بالخير والرضا
،

،

،

اليوم وأنا راجعه البيت حصلت بلبلول صغير طايح عــ الأرض وبالشمس

كسر خاطري وخذيته

بس متوهقه بأكله وعندي شوية أسأله

سويت بحثت بالقسم لعلى وعسى القى موضوع يفيدني بشكل كامل وواضح بس ماحصلت

أول شي هذي صورته كم تقريباً عمره .. ريشه مكتمل ومرتب ونظيف ،، يطير مسافه قصيره وبالكاد ويطيح ..






سؤالي

ماالأكل المناسب له بهالعمر أنا قرريت رد للأخ مسمار يقول نطمعه سيريلاك مع فول مهروس .. ؟؟

المشاركة الأصلية كتبت بواسطة مسمار

بلابلي الصغيره


ملاحظة صغيرة على نوع الطعام التي تقدمينه وهو الكيماوي انا ضد اطعام الطيور او الحيوانات الاكل الكيماوي وافضل الاكل الطبيعي ......!!

عليك بخلط التمر او حبة الباجلا (الفول ) بالسيريلاك (سيريلاك بالعسل او القمح ويفضل القمح ) وعليك تعويده على اكل الرز الابيض بدون دهن وعجينة الخبز كل هذه الاشياء تهرس لينة كل نوع لوحدة حتى يستفيد من جميع مكونات تلك الاكلات المختلفه

حتى يتعودوا الاكل ويعودوا يأكلوا كل شىء لاتفرطين باطعامهم ودعيهم يشعرون بالجوع قليلا ليحاولوا ان يأكلو بمفردهم ,,, تحيــــــــــــــــــــــــــــــــــــــــــــــــــــــــاتي

أعطيه بالسرنجه ؟؟ وغيررر السيريلاك ؟!!

أرسلت السايق يجيب لي حبوب البلابل الجاهزه و أذوبها بمويه .. من رد الأخ كاسكو

المشاركة الأصلية كتبت بواسطة كاسكـــو

لكن اذا كان صغير ولا يعتمد على نفسه لايصلح له الرز لازم انت تطعمه بشي مخلوط معه ماء

عشان يكون اكل وماء بنفس الوقت .. مثل اكل بلابل مخلوط بالماء لحد مايصير لين زي السريلاك لما تحط معه ماء

وهل أقدر أعطي الخبز والأرز الأبيض بعد تذويبها بمويه دافيه ؟؟

مالكميه المناسبه ؟؟ وكم مره أعطيه باليوم ؟؟

أشربه مويه ولا السوائل اللي بالأكل تغنيه ؟؟


وشفت بموضوع المشرفه ليلي ذاكره بموضوع الخردل .. هذي صورته



أنا عندي منه شريته من قريب لأرانبي وطبيعي أسميه علف الأرانب .. هل هو نفسه ؟؟

فكرت أعطيه منه لكن قلت أسأل بالأول وأتاأكد



بليززز أبي رد شافي وافي ،، المسكين ماأكل شي من الظهر ..