علاج الاسهال (زيزو وطريقة علاجه )

[sunset]

السلام عليكم

اخواني واخواتي

زي ما وعدتكم اني انزل موضوع بطريقة علاج زيزو من الاسهال وكان لدرجه الموت

اول شي اشكر الله

وثاني شكر لا اخواني بل منتدى الرائع الي تابعو معاي الموضوع

والحين ابتدي معاكم الطريقه من ال ا_ي

اول شي بذكر لكم كيف مرض الطير

انا اشتريت الطير بوقت ليل وعلى الشارع العام شفت الطير وكان بل قفص 3 طيور وغلطتي ما ركزت بأرض القفص

المهم ثاني يوم اطل على الطير ولقا حولين عيونه مورمه وحمرا وطل بأرض القفص القا
الفاجعه الطير معاه اسهال اخضر مررررررررره سائل
لبست الي طلع قدامي شورت وعلاقي <====== طالع بحر وطيران للدكتور
المهم عطاني مضاد حيوي الدكتور وقالي تابعه

رجعت للدكتور بعد يوم قالي عادي كمل العلاج معاه كان في وحده امريكيه جايبه كلب مريض سألتني وش طعميه قلت لها حب و سيريلاك قامت تترجاني اني ما اعطيه سيريلاك
والدكتور قالي طعميه سيريلاك احترت بينهم
المهم اخواني هنا قالولي طعميه سيريلاك قلت سيريلاك سيريلاك بعد يومين القا الطير نفس الشي صحيت من النوم قالتلي امي انا بعالجه وما عليك من الدكتور

وهذي الطريقه الي عالجت فيها الطير

هذي الصوره كيف صار وضع الطير بل مرض



والحين طريقة العلاج

جبت رز وسلقته على النار



وحطيته بل خلاط



وبعد ما خلطه حطيت معاه شاي



والحين خلط الشاي مع الرز



وهذا علاج حق الاطفال الي معاهم اسهال (مصل) طبعن امي تطه بل ابره وشتربه ويعوض الجسم بل املاح



وهذي علاجات الدكتور مضاد حيوي احطله هو مع الماء مع فيتامين



هذي صورة الطير بعد ما بدت علاجه امي بيوم ويبان انه الاسهال خف معاه



وهنا ونا جالس اغره وحب الرز الطير



وهنا اذكرو الله ما شاءالله صورة الطير والحين هو الحمدالله احسن من الصوره بكثير



ولكم مني جزيل الشكر على مساعدتكم

[yasser2ysh]

ماشاء الله تبارك الله
الله يحفظه لك بصراحة اول مرة اسمع بهذي الطريقة بس نتائجها مذهلة
ومشكوووووووور على الطريقة

[مجننهم]

مشكوووور ياغالي وربي اول مره اسمع بذي الطريقة

بس حلوه وربي

[ستيف خرجاوي]

الله يخليلك طيرك يارب والحمدلله على سلامتة وشكرا على العلاج والمجهود اخوي لك مني اخلص التهاني

[عاشق الكوكتيييل]

ماشاءالله تحسن الطير بشكل مذهل والفضل يعوود للوالدة الله يخليها لك والعلاج طبيعي 100%

[شاهيـن]

الحمدلله على سلامة الطير
وأكثر أمراض الفروخ سببها التغيير المفاجئ في نوعية الأكل يعني يكون ينغر و فجأه يقلب على الحبوب و الفول السوداني والذرة و هي صعبة الهضم بالنسبة لطائر متعود على أكل سائل يعني لازم ما نستعجل بفطم الطيور و نخليهم على راحتهم

[no0La]

مشكــور اإخوي ع الطريقه

والله يحفظ لك طيرك يارب وتشوفه احسن وافضل من اإول

[حب استطلاع]

المشاركة الأصلية كتبت بواسطة شاهيـن

الحمدلله على سلامة الطير
وأكثر أمراض الفروخ سببها التغيير المفاجئ في نوعية الأكل يعني يكون ينغر و فجأه يقلب على الحبوب و الفول السوداني والذرة و هي صعبة الهضم بالنسبة لطائر متعود على أكل سائل يعني لازم ما نستعجل بفطم الطيور و نخليهم على راحتهم

يعطيك العافية أخوي شاهين
ذكرت نقطة مهمة وهي التدرج بالفطام

ولازم يكون بالقفص الحبوب اللينة ( منقوعه أو مسلوقه سلق خفيف )
بالإضافة للإطعام اليدوي

ونبدأ بالتدريج بتقليل الإطعام اليدوي
حتى يتعود على الحبوب

والله يحفظ طيوركم

[sunset]

اشكركم كل واحد بسمه واتمنا اني اكون افدتكم

اخوي شاهين صحيح كلامك 100%100 ونا سويت نفس الكلام الي انت قلته بس مرض الطير ما كان من تنوع الاكل
مرض الطير انفلونزا وتطورت لا التهاب التنوع بل اكل يجيب اسهال بس الطير حتا عيونه كانت مورمه

اشكركم اخواني والله يحفظ لكم طيوركم

[صقر شجاع]

والله طريقه غريبه :d

الله يخليلك الوالده ويطول بعمرها ..

والحمد لله ع سلامه الطير

وانتبه له زينـ ..

تحياتي ,,