مكاو في البحرين بـــــــ

[moody-lonely]

السلام عليكم اعزائي الشباب والصبايا والشيباااااان هع هع


سلمكم الله امس رحت البحرين زيارة للأهل قلت امر سوق واقف اشوووف الطيووور واخذ لي كم دواء احتياط ولو صيدلية صغيرة


الموووهييييم


شفت مكاااااو ماشاء الله عليه


قلت له بكم يقوووولي 350 دينار


وفييييه نوع من الامازون اخضر وفي راسه من ورااااء بقعة صفراااء عمر 8 شهور تقريبا اقوله بكم يقوووولي 170 ديناااار


وسلامتكم

[ارجوا الرد]

اخوي المكاو يعني سعره 3500 سعودي والله زيم يتكلم ولا لا

[*هاوي البادجي*]

سعر حلوو 3500 ريال


بس بو طقه صفره ورا راسه

اذا كان هذا





فمستحيل يكون سعره

1700 ريال

لو صدق ذا سعره

تشتريه ب1700

تبيعه ب 9000

وعلى حسب الالافه والكلام



وياريت تسوي تقرير

عن كل السوق في البحريين


اخوك فواز

[صوغة]

وعليكم السلام

مكاو ب3500 ريال؟؟ غريبة

اعذرني أكيد فيه حاجة خلاهم ينزلون قيمته جذيه

ما أذكر شفت مكاو أحمر بأقل من 5000 أو 7000 ريال

لايكون كبيير سن او مريض ؟

[*هاوي البادجي*]

لا يا صوغه

عيونه بيضه

يعني نقوول سنه ونص


حتى لو سنه ونص ما يوصل 3500


ومن الصوره واضح صحه ماشاء الله

[صوغة]

الله العالم

بس الموضوع فيه أن

حسب ماشفت بالسوق مافيه مكاو اقل من 5000 لكن تظل الاسعار تختلف من بلد لبلد

[ولد حرب]

ياخوان ركزو يقول ب350 دينار يعني دينار بحريني

يعني بالسعودي تقريبـا 3,482

[صوغة]

ولد حرب

ركز معنا

واحنا حولنااها

وقلنا 3500 ريال

نعرف انحول الدينار الى الريال

[moody-lonely]

السلام عليكم يالحبااااايب


اخوي أرجو الرد (والله مادري هو يتكلم لو لا بس اشوووفه اليف )

اخوي هاوي البادجي (نعم سعره 3500 ريال سعودي تقريبا وعنده ثلاثة وربي يشهد ... نعم الامازون ابو طقه صفرا بس انا عن نفسي استغربت لمن قالي 170 ديناااار)

اختي صوغه (انا عن نفسي ما استغرب ان مكاو بـ 3500 ريال سعودي لأن اللي اشوفه ان الطيور بالبحرين ارخص بكثير من السعودية حنا في السعودية احس طيووورنا اسعارهم نااااار وعلى فكرة الطير بصحة جيدة ومتعاااافي ماشاء الله عليه واحسه عملاق وعلى فكرة الصورة مقصوصة لأن عمي واقف يسار الصووورة هع هع هع )

اخوي ولد حرب (شكرا على الرد الحلو)

وربي يعطيكم الف الف عافية ايها الاعضاااااء الاعزااااااء ولكم خااااالص تحياتي واحترامي

[بعبورة]

ياجمااااعة ليش مستغربين !!!!!!!!!!

انا من البحرين وفي عند صديقي مكاو يجي على الايد ويرقص ويسوي حركااات ويصفر واليف مرررررة

مطلووووب فية 330 دينار بحريني يعني 3300 ريال سعودي والي يبية حياااه البحرين

وانشاااء الله باحط ليكم الصور قريبا