ابشركم شريت افريقي بس فيه مشكله اتمنى تفيدوني فيها

[طـــارق]

السلام عليكم ورحمة الله وبركاتة

الحمد لله تمت عمليت الشراء امس ببغاء افريقي جامبو عمره تقريبا من 5 الى 7 شهور والحمد لله حركته داخل القفص حلووه يتحرك ونشيط والجعره خفيفه مره ولا يجعر الا اذا خاف او حس بهجوم عليه . ولكن فيه مشكلتين اتمنى منكم تفيدوني فيها .


الاولى : اذا قربت منه او حاولت اقرب يدي منه وهو داخل القفص ينفش ريشه ويفتح فمه من غير تجعير .
فتحت الفم ممكن تكون استعداد للهجوم والعض في حالة حس بخطر ..؟
ونفش الريش وش ممكن يكون سببه مرض او طبيعي .؟


الثانيه : وراح انزل صوره للمشكله الثانيه . احيانا اشوفه فاتح فمه ويلهث واحيانا اسمع صوت تنفسه يعني ممكن نفسين او ثلاثه كذا اسمعه وبعدين يروح الصوت بس يبقا فاتح فمه ويلهث خفيف .
طبعا يوم اخذه من الرجال مو موجوده المشكله هذي طلعت عندي اليوم وش ممكن يكون السبب .؟ واذا فيه شي وش علاجه .؟


وهذي الصوره :

[IMG][/IMG]

سؤال اخير هل البليله تسبب له شي او عادي اطبخها في ماء واقدمها له .؟
لاني اشوف في بعض المحلات يقدمونها لها مع الماء..

وسسسسلامتكم .

[أسيــــر]

مبروك الطير الله يهنيك فيه

الاولى : اذا قربت منه او حاولت اقرب يدي منه وهو داخل القفص ينفش ريشه ويفتح فمه من غير تجعير .
فتحت الفم ممكن تكون استعداد للهجوم والعض في حالة حس بخطر ..؟
ونفش الريش وش ممكن يكون سببه مرض او طبيعي .؟

فتحة الفم هذي نتيجة خوف وستعداد في نفس الوقت ونفش الريش طبيعي جدا لانه مزال في طور التدريب

الثانيه : وراح انزل صوره للمشكله الثانيه . احيانا اشوفه فاتح فمه ويلهث واحيانا اسمع صوت تنفسه يعني ممكن نفسين او ثلاثه كذا اسمعه وبعدين يروح الصوت بس يبقا فاتح فمه ويلهث خفيف .
طبعا يوم اخذه من الرجال مو موجوده المشكله هذي طلعت عندي اليوم وش ممكن يكون السبب .؟ واذا فيه شي وش علاجه .؟

ممكن يكون نيتجة ارهاق او تغير الجو عليه يمكنك حاطه في مكان حار جدا

وطبيعي الطيور تلهث في الصيف
ودعم الطير بالتغذيه المناسبه
وبنسبه للعلاجات اعطي مضاد حيوي للوغايه 3 ايام
بنسبه للبليلة تنقع في الماء وبعد متصير لينا غدمها له
تحياتي

[طـــارق]

الله يبارك فيك اخوي اسير ويجزاك خير

مشكور على المعلومات الله يعطيك العافيه

باقي فيه مشكله نسيت اقولها . اجنحته احيانا تكون مرتخيه مره وش ممكن يكون منه ..؟
مع العلم ان المكان اللي هو فيه حلو لا بارد ولا حار وسط وهذي صور لجناحه ..

[IMG][/IMG]

[IMG][/IMG]

[IMG][/IMG]

[فرفووش]

تنزيلة الجناح علامه ان الجو حر حاول تعدل جو الغرفه لا بارد ولا حار

اما مشكلتك الاولى في انصحك انك ماتحاول تدربه الوقت الحالي لان المكان جديد عليه وانت بعد جديد عليه

فحاول الاسبوع الاول بس تغير له اكل وماء واجلس عنده مايقل عن ربع ساعه على بعد مترين تقريبا حتى تحس انه ارتاح لك ابدا معه ترويض اذا حاب بالتدريج

[Thamer8668]

اذا كان فاتح فمه ومنزل اجنحته على غير العاده

معناتها ان الجو حااااار

بس انتبه ترا المكيف يضر فيه يعني حاول تشغل المكيف الي بالغرفه المجاوره لو كان بالصاله

او يكون بمكان مفتوح وفيه تكيف والمكيف ما يكون بشكل مباشر على الطيررررر

يعني شغل مكيف الصاله مثلا وخل الطير في الممر بحيث يكون الجو مناسب غير بارد وغير حار


او حاول ترشه برذاذ ماء بشكل بسيط جدا عشان ينتعش بس لا ترش على وجه الطير
ولايكون الجو بارررد


لان التيار الهوائي البارد المباشر يمرض الببغا وممكن يموت

[طـــارق]

مشكور علي المرور اخوي فرفووش الله يعطيك العافيه

[طـــارق]

هذا اللي صار اخوي Thamer8668 زودت البروده شوي لان مكانه الاول كان مايل للجو الحار اكثر والحمد لله الحين تمام .

بيض الله وجهك اخوي ماقصرت ..

[ابو على2]

فتح الفم معناتهى الهجوم لازم تعطيه فرصه علشان يتعود على اهل البيت ثاني شي تنزيل الجناح معناتهى ان الجو حاربتوفيق

[طـــارق]

ياهلا فيك ياخوي ابو علي اتشرف بردك على استفساراتي

وابشرك ضبط وضعه صار يلم جناحه وخفت فتحت الفم نوعا ماء والاهم من هذا صار ياكل من يدي اعطيه الحب الشمسي واعطيه تفاحه وبرتقال ويتقبلها من يدي صار احسن الحمد لله.

حاليا ماطلعه من القفص له عندي ثلاث ايام تقريبا طلعته اليوم ربع ساعه ورجعته وان شاء الله بعد اسبوعين يهداء تماماً وابداء معه بتدريب وان شاء الله اموره عال العال .

بس سؤال ابو علي الحين انا احط عسل على العود الخشب هذا حق الشوي اكيد عرفته؟
احط عليه عسل واخليه يلحسه واحيانا يعضه بس اذا عضه سحبت العود من فمه
هل هذي الطريقه ممكن تفيد في مسألة العض انه مايصير يعض ولا لازم تكون من اصبعي مباشره ...؟

[انسان عاشق حر]

كل شيء طبيعي و لكن يلهث جديده ما أعرف شو علاجها بس أتوقعها طبيعيه و الببغاء طير و الطيور تحب تطير و تفرفش بالجناح و هذي مع التعود بيصير كويس كثير و بالتوفيق لك أخوي العزيز