استفسار بخصوص مقاسات حوض واﻻحطيتات من ضغط الماء

[abdelruhman*]

السلام عليكم
انا روحت علشان اعمل حوض فقلت للراجل 90*40*40 قالى كبير علشان ضغط الماء قالى اقل شيئ 60
ولكن قالى لو انا عايز 90 هيعملو ولكنو مش مسؤل لو حصلت اى مشاكل لقدر الله
وطبعا كلامو صحيح
فانا هعملو 90*40*40 والسمك هيكون 6مم فما اﻻحطيتات من ضغط الماء؟
وعندى قطعة فلين هحطها تحت الحوض وسمكها 5سم
فهل ابدأ بتنفيذ تفصيله؟ ولو هفصلو اريد من حضراتكم خطواط اﻻمان علشان ضغط الماء
واسف على اﻻطالة

[Egyptian Eagle]

و عليكم السلام و رحمة الله و بركاته

اخي مع كامل الاحترام كلام صاحب محل الجاج غير صحيح فالجميع يقوم بعمل احواض و هناك احواض يبلغ طولها 150 سم و 200 سم , يبدو انه ليس له خبره في تفصيل الاحواض فنصيحه ان تجد شخص ذو خبره يكون افضل

نصيحه اخي طالما نويت تفصيل حوض كبير اجعله 100 ×40×40 , او 100 ×40×50
و القرار لك اخي

بالنسبه لسمك الزجاج يكون 8 ملم , و الافضل ان يكون الزجاج سيكوريت
طبعا هنا يجب عمل دعامات او شدادت علويه لتدعيم الحوض ,و لو صاحب محل الزجاج ذو خبره في تفصيل الاحواض كان لابد ان يعمل مثل هذا الامر

مثال على شكل مثل هذه الدعامات



طبعا بالنسبه لحوض 90 سم او 100 سم يكفي فقط دعاماتين في المنتصف

[abdelruhman*]

هو للاسف مش هقدر ازود اكثر من 90 ﻻن والدى وافق بالعافيه
بالنسبه للحوض ال 90 6ملم كويسه او 8ملم افضل؟
واعبئه ميه بعد اد اى؟ ﻻنى هجيبة واعبئه الماء وسأتركة لمدة 3 ايام فى الحمامﻻرى اذا لقدر هيحصل شئ وهحط تحتة قطعة فلين وهل الشدادات مهمة للحوض ال90؟

[abdelruhman*]

انا ذهبت وهيكون جاهز غدا وهو 90*40*40 السمك 6ملم
وانا خائف من ضغط الماء الموضوع ده قلقنى اوى
والشدادات عباره عن قطع زجاج فقط؟ ﻻنى عندى قطع زجاج كبيره هل يمكننى قصها ولزقها كشدادات؟
وماذا افعل فى تجهيز الحوض؟ وهل املئه لمدة يومين واتركه فى مكان امن حتى ارى اذا لقدر الله هيحصل شيئ؟

[Egyptian Eagle]

على بركة الله اخي

قياسات الحوض 90 ×40 × / 1000 = 144 لتر هو حجم الحوض
سمك الزجاج 8 ملم على الاقل مع وجود الشدادات او الدعامات يكفي 2 >>> للامان <<<
الافضل ان يكون زجاج سيكوريت >>> للامان <<< طبعا على حسب الامكانيه
يجب تفصيل الحوض بصوره جيده من حيث قص الزجاج و لصقه , و استخدام نوع ممتاز من السيليكون المخصص
بعد انتهاء التفصيل يترك الحوض ليجف في مكان جيد التهويه بعيد عن اشعة الشمس او الماء لمدة 4 ايام على الاقل و لا بأس ان زادت لضمان جفاف السيلكيون تماما و زوال رائحته
بعد ذلك يغسل الحوض جيدا بالماء الساخن و الملح ثم يتم عمل اختبار للحوض بتعبئته بماء نظيف و تنتظر يوم للتأكد من عدم وجود اي تسريب للماء , بعدها يتم افراغ الماء, و يتم تجهيز الحوض استعدادا لتشغيله

ملاحظات هامه
اخي لابد من تفصيل الحوض بصوره جيده و الافصل و الاسلم ان يتم تفصيله عند محل سبق له تفصيل احواض قبل ذلك
لا تتجعل في تشغيل الحوض بل الصبر و التأني هو مفتاح النجاح في هذه الهوايه
خلال هذه الفتره حدد ماذا تريد ان تربي من الاسماك و اقرأ عنها جيدا
لا تنسى الدوره البيولوجيه عند الانتهاء من تجهيز الحوض بالكامل

و اي سؤال او استفسار لا تتردد
بالتوفيق

[abdelruhman*]

شكرا جزيلا لك يا استاذ egyptian eagle
انا هستلمه بكره وهستنى 4 ايام حتى يجف السليكون
وبالنسبه للسمك انا عندى سمك اﻻوسكار وانا جايبله الحوض ده ليه علشان اقلل من خناقهم طولهم حوالى 7 او 10سم
وبالنسبه للدوره البيلوجية هى مكتمله فى حوض اﻻوسكار الصغير فهفضى ماء اﻻوسكار مكتمل الدوره فى الحوض الكبير ومع الفلتر لنقل الدورة من حوض للاخر
عندى سمكة فايتر فى حوض لوحدها بس هى بتركد فى قاع الحوض كأنها ميتة ولكن لما بخبط بتتحرك فهل هذا تصرف طبيعى؟
وفايتر اخر ولكنه مع صديقى وللاسف حاطو فى بطرمان ولكنه ﻻحظ ان الوانه بهتت فما السبب؟
واسف على اﻻطالة

[4messi4]

مبروك الحوض الجديد
بالتوفيق اخي الكريم

[abdelruhman*]

المشاركة الأصلية كتبت بواسطة 4messi4

مبروك الحوض الجديد
بالتوفيق اخي الكريم

الله يبارك فيك
وشكرا لزوءك اخى 4messi4
استاذ egyptian eagle
انا روحت القى نظره على الحوض وعمله وحطلة طبقتين سليكون وقلتله فكرة الشدادات هو انا مش عارفها بس انا ضغط على الحوض وهو ضع قطعتين الزجاج فوق الحوض وقام بلزقهم بسيلكون فهل صحيح؟ واذا خطأ ارجو من حضرتك توضيح فكره عملها؟وشيئ اخر هل زوى اﻻلمونيوم مهم للحفاظ على الحوض من ضغط الماء؟

[abdelruhman*]

انا اسف اخر شيئ
الحوض اكتمل 90*40*40 والسمك 6ملم وعملتلو 2 دعامات من فوق ولكنى تركتة علشان هركبلة المونيوم وهستلمه غدا وتحت الحوض هيكون تحتيه فلين سمكه 5سم
بردو انا قلقان من ضغط الماء فأرجو من حضرتك لو فى شيئ اضمن بيه اكثر اعملو

[Egyptian Eagle]

يا عزيزي كان الافضل و الاسلم ان يكون سمك الزجاج 8 ملم
على اي حال الدعامات من اعلى و الفلين اسفل الحوض ان شاء الله تفي بالغرض من حيث الامان
مبروك عليك الحوض , و اي سؤال او استفسار بشأن تأسيس الحوض لا تتردد في طرحه
بالتوفيق باذن الله