كلب للزينه ومجموعه استفسارات للخبراء

[Dr.Alia]

السلام عليكم ورحمه الله وبركاته
انا ابي اشتري كلب للزينه صغير وكيوت ولدلع البنات
ومن خلال بحثي حبيت نوعين من كلاب الزينه

الاول : pomeranian dogs

لكن قالوا لي انه نادر مع اني تصفحت موقع اجنبي مكون من 150 صفحه
وكل صفحه فيها 9 اعلانات بيع لنفس نوع هذا الكلب فكيف يقولون نادر ؟
الشي الثاني قالوا لي بيموت مع الاجواء في السعوديه !
وانا مخصصه له غرفه تكيف مناسب بالصيف واجهزه تدفئه بالشتاء
يعني ما بخليه بالحديقه يمرض مع البرد او مع حراره الجو

هل فعلا شراءه مستحيل ؟
كيف اقدر احصل عليه ؟
هل يباع في السعوديه ودول الخليج ؟
هل يمكن اطلبه من الخارج وكيف الاجراءات ؟
هل فيه محل ممكن اعطيه اسم النوع هذا ويوفره لي ؟

الثاني : maltese puppy

ايضا جميل وابي اعرف من وين ممكن اشتريه
تخبرون لي شخص يوفره لي وياخذ اتعابه ؟
او محل ترسلوني له ويجيبه لي ؟

انتظركم يا الغاليين والله في حاجه ماسه لمساعدتكم
بعيد عن كلمات التحطيم وما تقدرين والخ

واذا فيه شخص يتكفل بموضوعي وله عمولته واتعابه اكون شاكره

[jassim99]

اهلا وسهلا اختي

بالنسبه للأنواع الي ذكرتيها

تعتبر انواع منتشره و جميله

و متوفره في دول الخليج

و كل الكلاب بشكل عام تحتاج غرفه مكيفه صيفا و مدفئه شتائا.... ذلك لصحة الكلب وزيادة جماله

الا في حاله وحده وهي ان يكون الجو معتدل في البلد المراد العيش فيه مع الكلب

اما بالنسبه للمحلات او الاشخاص الي بيساعدون (الرجاء التواصل عبر الرسائل الخاصه)

[s3ood-qtr]

السلام عليكم ورحمة الله وبركاته

بخصووص النوعين اللي ذكرتيهم متوفرين وسهل ايجادهم مثل ماقال

اخوي جاســـــــــــم

...

بشكل سريع راح اقولج معلومات بسيطه عن النوعين

نبتدي بالبومارينين



يعتبر هو واحد من الكلاب اللي نجوا من غرق سفيتة تايتنك

من المعروف ان اشكالهم حلوه، ويجون في العديد من الالوان بس الحجم واحد


وزنهم من 4 الى 6 باوندات

...

هل تعلمين ان البومرينيان قديما كان وزنهم 30 باوندا واشكالهم كلها بيضه


و الشخص المسئول عن تعديل اشكالهم هي

ملكة بريطانيا الملكه فيكتوريا

في نهاية عام 1800

افتتحت كنل خاص فيها وقامت بستيراد pomarenians ذات احجام صغيره وقامت بانتاجهم

الى ان توصلت الى الكلب اللي نشوفه اليوم

...

اجداد هذا الكلب هم

الاسكن مالموت

السامويد

الهاسكي

و الكيزهوند

ولو تبحثين في الانترنت بتلاقين الكثير من الصور لهم وهم يجرون العربات


طبعا لان اجدادهم كلاب شغل وخصوصا جر العربات

...

من اهم خصائص البومرينيان

1- Double coat الدبل كوت
2-اذانهم مستقيمه تشبه اذن الثعلب
3-و الذيل دايما يكون ملفوف على الظهر
4- والاهم من هي كله ان خلف هي الشعر والشكل الكيوت يوجد شخصية كلب كبير في جسد او جسم صغير

...

وهل كلاب تميزوا في
1-soprt (sport dogs)s
2- obedience (الطاعه)
3-agility
...

اذا كنتي نفكرين في امتلاك واحد هناك بعض الاشياء اللي لازم تنتبهين عليها

رغم حجمه الصغيز هل كلب يحتاج المشي وبصوره منتظمه

هل نوع من الكلاب معروف بكثرة النباح يعني لازم تشتغلين على هل مشكله من البدايه

او جيرانكم راح ينزعجون

معدل المعيشه من 12 الى 15 سنه

معروفين بفقدانهم لاسنانهم يعني احسن اكل لهم بيكون الدراي فود

و اكيد التمشيط اليومي مهم جدا لتفادي تشابك الشعر

ممتازين مع العائله

جدا اذكياء بس احيانا يكون راسهم يابس ويسوون اللي يبونه
....

و الحين نروح للمالتيز


احب هل كلب واجد واجد

وهي بعض المعلومات عنه

يعتبر من اقدم الكلاب على وجه الارض

وكذلك واحد من اغنى الكلاب :wao

؟؟؟

قابلوا الكلب تربل اللي ورث 12،000،000 دولار من صاحبة الفنادق


كذلك هل كلب يعتبر اختيار المشاهير للعيد من الاعوام

والفراعنه كانوا يقدسون هل كلب

يعتقدون الخبراء انه اول مره تم العثور على كلب المالتيز

في جزيرة مالطا

لذلك سمي بهذا الاسم

يعتبر المالتيز من كلاب الصيد

من افضل الكلاب اللي الواحد يعاشرها (صديق درب وفي )

من مميزات هذا الكلب انه يمتلك
عيون سوداء مدوره

وخشم واسود


ولون واحد فقط انا وهو الابيض

...

هل كلب يمتلك شعر

وليس فرو كباقي الكلاب

يعني شعره

يطول ويطول ويطول

الى ماله نهايه، وشعره مايتساقط بكثره يعني ممتاز للناس اللي عندهم حساسيه

رغم حجمه الصغير يمتلك هذا الكلب قلب كبير

يستطيع الغيش في اي مكان عكس الكثير من الكلاب

ذكي وسهل التدريب جدا

كلب صحي و لا يعاني الكثير من الامراض او طفرات وراثيه

بس احيانا يمكن يعانون مشاكل مع اسنانهم

يعني تنظيف اسنانهم من مره الى ثلاث مرات اسبوعيا


مهم مهم جدا

او سلامتكم

[Dr.Alia]

المشاركة الأصلية كتبت بواسطة jassim99

اهلا وسهلا اختي

بالنسبه للأنواع الي ذكرتيها

تعتبر انواع منتشره و جميله

و متوفره في دول الخليج

و كل الكلاب بشكل عام تحتاج غرفه مكيفه صيفا و مدفئه شتائا.... ذلك لصحة الكلب وزيادة جماله

الا في حاله وحده وهي ان يكون الجو معتدل في البلد المراد العيش فيه مع الكلب

اما بالنسبه للمحلات او الاشخاص الي بيساعدون (الرجاء التواصل عبر الرسائل الخاصه)

الله يجزاك خير كلامك ريحني كثير
حاولت اراسلك لكن مشاركاتي لابد تكون 50 مشاركه
اذا فيه مجال نتواصل عبر البريد الالكتروني اكون لك شاكره

[Dr.Alia]

السلام عليكم ورحمة الله وبركاته

بخصووص النوعين اللي ذكرتيهم متوفرين وسهل ايجادهم مثل ماقال

اخوي جاســـــــــــم

...

بشكل سريع راح اقولج معلومات بسيطه عن النوعين

نبتدي بالبومارينين
p=2811837&posted=1#post2811837#ixzz2K9RznMsu

يا سلامي عليك رغم كثره البحث الا اني ما عرفت هالمعلومات القيمه الي كتبتها لي
اهنيك بصراحه عليها اعطتني فكره شامله عن الكلب الي اتمناه

وانا في خاطري بالبومارينين اكثر من اي شي ثاني
واذا يآست ما لقيته بشتري النوع الثاني بآذن الله

ربي يسعدكم كلكم والله ما قصرتوا معي ،

[Dr.Alia]

pomeranian dogs





maltese puppy

[s3ood-qtr]

العفو

و الله كنت حاس انه ودج في البومرينيان اكثر

عشان هشكل تطرقت له قبل المالتيز

معني انا احب المالتيز اكثر

انشاء الله تلاقينه.... ومثل ماقالج الاخ جاسم وجوده سهل

ومتوفر بكثره

الله يهنيج مقدما

واذا عندج اي اساله ثانيه ترا احنا حاظرين

[Dr.Alia]

اما بالنسبه للمحلات او الاشخاص الي بيساعدون (الرجاء التواصل عبر الرسائل الخاصه)

يا قهري والله تآملت كثير وكلامك فعلا يدل على انك تقدر توفره لي
ما توقعت ابدا تكون مخالفه جملتي للقوانين

~ I am very frustrating

[Dr.Alia]

انشاء الله تلاقينه.... ومثل ماقالج الاخ جاسم وجوده سهل

ومتوفر بكثره

لو انطق بحرف وآسآل وين متوفر
بعد بتجيني مخالفه



شفت قد ايش لما تتمنى شي وما تحصله وتتآمل كثير فيه
كنه حد يصب عليك الماء الحار فوق راسك

[jassim99]

افاااا

اختي لا تاخذين الموضوع على محمل شخصي

ابدا بالعكس احنا نعين ونعاون بالي نقدر عليه

والجمله الي اقتبستيها هذي مجرد التزام منا جميعا بقوانين المنتدى

وذلك لمصلحتك عشان مايغلق الموضوع ونفتح باب اكبر للمساعده

لو تفكرين تطلبينه من الخارج الرجاء اعلامنا ليتم نصحك بالاجرائات للأستيراد

و طبعا اذا بتطلبينه لازم تعلميننا بلد اقامتك

لانك كاتبه محل الاقامه برلين و سؤالك عن توفره بالمملكه

نتمنالك التوفيق جميعا