إلحقوني قطتي الصغيره معاها سخونه وإسهال

[lorelored]

السلام عليكم ورحمة الله وبركاته

لو سمحتوا أنا عندي قطتين جديده وحده منهم عمرها شهرين لونها رمادي غامق مخطط والثانية شهر بيضاء وشعرها طويل كلها بس ماأعرف نوعها واللي عمرها شهر وأناشايفتها بالمحل بدون أم ولا تدفئه ولاترضيع وتاكل أكل على بالي ماتحتاج رضاعه خلاص يعني إنفطمت ولمني إشتريتها عطاني صاحب المحل أكل خاص فيها دجاج معلب و لمني وصلت البيت أعطيتها منه وأكلته وبعد 5ساعات تقريباً جالها إسهال وهي من أول ماجبتها ماتشرب حليب ماتبغى تشربه نهائي حطيتلها حليب قطط كيتين وحليب السعوديه موراضيه تشرب أبداً وإلى الآن الإسهال فيها ولاحظت إنه مكان البراز منتفخ وبطنها نحيفه شوي وبردانه مرره بس تبغاني أحطها في حضني عشان تتدفى وهي المشكله وسخه من الإسهال وعشان كذا ماأقدر أحطها في حضني عشان أدفيها والمشكله إنه ماأقدر أروشها عشانها صغيره وماتبغاني أنظفلها كل مابحاول أنظفلها تنونو بقوه وماتبغاني أمسكها وأنظفلها مرره! ومعاهاسخونه وطول الوقت نايمه ماتصحى إلا لما بتاكل أو بتعمل حمام إيش الحل معاها؟؟ مع العلم إني إعطيتها بيتاموكس ومستمره في علاجها بالبيتاموكس من أمس بديت يعني هذا اليوم الثاني اللي بتاخذ العلاج فيه والله خايفه عليها كثير إيش أسوي فيها؟؟؟ مع العلم إنها بمبلغ وقدره (1000ريال)ومالها إلا5 أيام عندي! وتعتقدون الإسهال من البرد ولا من علبة الدجاج اللي أكلتها؟ وهل أأكلها دراي فود ولا أمنعه عنها في هذي الحاله وإيه أأكلها بالضبط؟ الرجاء المساعده في علاجها ووضع كل الحلول الممكنه وشكراً

[تجيني ولا اجيك]

اختي اذا بطنها نحيفة واسهال هذا جفاف معاها الحقيها قبل تموت اشتري لها محلول جفاف بدون نكهات ...
وفيه علاج اسمه كابكت اعطيه لقططي اللي معاها اسهال رهيب مرة ...
اعطيها نص مل ...

[lorelored]

المشاركة الأصلية كتبت بواسطة تجيني ولا اجيك

اختي اذا بطنها نحيفة واسهال هذا جفاف معاها الحقيها قبل تموت اشتري لها محلول جفاف بدون نكهات ...
وفيه علاج اسمه كابكت اعطيه لقططي اللي معاها اسهال رهيب مرة ...
اعطيها نص مل ...

ألف شكرعلى الرد الحلو لكن هل كابكت هذا موجود في الصيدلية البشرية ولا البيطريه؟ وهل إذا جيبته وبستعمله أوقف البيتاموكس أو أستخدمه معاه؟؟ وهل مفعوله سريع عن البيتاموكس ويصلح للقطط بعمر شهر؟؟

أرجوا الرد سريعاً وشكراً

[فاتـــو]

اهلين اختي

هدي نفسك حبيبتي كل شي بيصير تمام

اعتقد ان عمرها ماتجاوز ال3 شهور على حسب كلامك

الانتفاخ طبعا من كثره الاسهال

جيبي لها كابتين او فلاجيل

وعطيها نص مل مره باليوم

استمري على بيتاموكس نص القطارة

وضروري جدا محلول جفاف للأطفال مره في اليوم

وعطيها سريلاك بالرز وخضار ولحمه حمراء بمرقتها ومهلبيه بالليل

امنعي الحليب او اي نوع اسماك وانتبهي تنام على السراميك البرادة

سوي لها كمادات دافيه على فتحة الشرج

وكمادات بارده ( من الحنفيه ) على بطنها واطرافها

وطمنيني عنها

[lorelored]

هلا فيكي أختي فاتو وكل اللي رد عليا بس حابه أقولك:
أنا معتمده على دواء بيتاموكس أعطيه منه لأن البيطري قال لأخويه تعطيه منه مرتين في اليوم صباح ومساء وكلها كم يوم ويتوقف الإسهال وملتزمه بكلامه أنا أعطيه مرتين باليوم صبح ومساء لكن لاحظت إن الإسهال توقف ماصار ينزل ومنطقة الإخراج مو متورمه لكن لونها أحمر وهو يلعب وعادي ماشاء الله تبارك الله ماكأنه فيه شئ لكن كل بعد فتره يمسح منطقة الإخراج ممكن يكون جاه إمساك وراح منه الإسهال؟ولا كيف؟وشئ ثاني لاحظته فيه إنه يلعب وياكل عاااادي لكن مويا أبداً مايشرب قد ماأحاول معاه مايبغاها رغم إني أغيرها كل يوم لهم جربت وقلت يمكن من الصحن حق المويا فجبت صحن جديد وبرضوا قد ماياكل مايشرب مويا! غريبة ليش؟؟؟ فصايره غصب عنه أشربه مويا بالسرنج لكن إيش السبب في عدم شربه للمويا؟؟؟ مع إن أكله دايماً دجاج مع مرقته ودراي فود. أتمنى تجاوبولي وجزاكم الله خير.

[شاهستا]

اهلا بيكى
قطك كوي س ومفهوش حاجه
هتجيبى قطنه وفيها بيتادين سائل بتاع الجروح
وهتمسحى بيها منطقهه الاخراج هو بس ملتهب من الاسهال
والمايه متغصبيش عليه هو لو عطشأن هيشرب
فى قطط طبيعتها كده
وكمان احنا ف الشتأ يعنى شربهم للمايه قليل

[lorelored]

مشكورة أختي شاهستا على ردك الجميل لكن إذا معناته كويس الحمدلله يعني أوقف عنه الدواء (بيتاموكس) خلاص ولا كيف؟ وعشانه صغير (قريب يكمل شهر ونص )محتاج حليب فعادي لوإني أعطيه حليب خلاص ولاممنوع؟ عشان خايفه من إنه يرجع الإسهال ثاني مع العلم إني عندي حليب خاص بالكيتن لكن برضوا خايفه أعطيه إياه فكيف أعطيه إياه ولا كيف؟؟ ولا أنتظر كم يوم ثاني وأعطيه إياه؟؟ وإذا أعطيه فكم مرره في اليوم أرضعه وقد إيش؟ ومعليش لوكنت تعبتكم الله يجعله في ميزان حسناتكم يارب آمييييييين.

[بسبس مياو]

القطة المفروض في حضن امها ترضع
الاسهال والانتفاخ اكيد من قبل لاتشتريها لأن راعي المحل حسبي الله عليه بعدها عن امها واعتمد يأكلها معلبات
والمعلبات ضارة جدا جدا بالقطط الكبيرة فما بالك بشهر
وقف المعلبات نهائيا مهما كان نوعها والدراي فود بعد
مافي اي معنى حاليا لاعطائها الحليب لأنها انفطمت, اعتمد في تغذيتها على الدجاج المسلوق بدون اي اضافات
لا ملح ولا بهارات ولا خضار لأن معدتها حساسة ولسه ما اكتمل نموها وكمان الخضار راح تزيد الاسهال لأنها ملينات
الجبن مره في اليوم وزي ماقلتلك وقف الحليب مادامها ترفضه واعتمد عالدجاج
البيتاموكس مدة صلاحيته بعد الخلط بالماء من خمس لست ايام بعدها توقفه
ممنوع التحميم والماء يبقى قدامها على طول....الزبادي قليل الدسم ممتاز جدا لها مره كل يومين او ثلاث ايام
ولوتحط عليه شوي عسل كويس بس مش كثير
الدراي فود تبدأ تاكله لما تكمل شهرين وبكمية قليلة
لازم تدفيها وتبعدها عن السيراميك واي كمادات تعتمدها لازم تكون غير رطبة علشان ماتتبلل القطة
سيريلاك الرز كويس للاسهال ولما يوقف يصير مرتين في الاسبوع علشان مايقلب امساك

[شاهستا]

لو ادتيه العلاج لمده 7 ايام خلاص وقفيه
وحاليا ممكن عادى ترضعيه من لبن الكيتن. مرتين او تلاته ف اليوم كميات بسيطه
عشأن هو مفروض يتفطم بعد مايتم شهرين

وتقدميله دجأح مسلوق او لحم مفروم وبطاطس مسلوقه وبيض
ودراى فود للكيتن او لجميع الاعمار