لحقو علي

[رمان قطر]

السلام عليكم ورحمة الله وبركاته

شخباركم جميع وكيف طيوركم انشالله بخير

بصراحه قبل شوي شفت الكاسكو ينزل من خشمه مثل الماي

وحسيت انه مزكم او بداية زكام لان اول مره اشوف ينزل من خشمه

وطبعا تلاحقته بليمونه من الشجره وعصرت له كم نقطه فالماي واكلته منها

ولحفت القفص من ثلاث جهات اب بطانيه خفيفه

وبصراحه ابي نصايحكم في حال استمر الزكام لا قدر الله

مثل نوع دواء

لان بصراحه محتار اذا اوديه الطبيب لان ماشالله عليه يصفر ونشيط لكن هالسائل خلاني اوسوس .

وهل ممكن يكون هالشي طبيعي ؟؟ مع العلم ان السائل لاحظته من جهه وحده فالانف

وسامحوني عالاطاله ولا تحرموني نصايحكم

[طلع لي قرون]

متأكد انه ينزل من الانف ..

لا يكون ماي جا عليه وانت تحسبه ينزل من انفه ..

المهم اذا من انفه .. الله يشفيه وان شاء الله يطيب .. ربي يحفظه لك ..


واحسن ما سويت انك حطيت له قطرات ليمون بالمشربيه ..

بس لا توكله منها ..

حط خمس قطرات بالمشربيه او ست قطرات ..

والتدفئه زينه .. بس ابعده عن تيارات الهواء .. والمكيف ..

خله بمكان دافي ومافيه هوا ..

وراقبه كل شوي ..

اذا مافي تحسن ..

روح البيطري .. وخذ تايلان .. الله واعلم ان هالعلاج للزكمه .. ومفيد جدآ ونتائجه طيبه ..

واشتر ابرة انسولين .. طبعآ بدون الدبوس ..

واسحب من التايلان لحد 30 .. ممكن تكون الار قام 10, 20 , 30 . الخ ..

او تكون 1 , 2 , 3 , الخ .

عاد اسحب لحد 3 .. وحطها بالمشربيه لمدة خمس ايام ..


بس انصحك بالصبر وروح عيادة بيطرية وشوف وش يقول لك الدكتور .. ممكن ما يكون زكمه ..

او انتظر الاخوه ينصحوك بشي افضل ..


وربي يشفيه لك

[رمان قطر]

تسلم اخوي عالتفاعل والرد السريع

لا ما اعتقد انه ماي الله العالم انه مزكم

وانا ما خليته ياكل لا قصدي يتطعمها

وانشالله بصبر لين المسا واذا شفت حالته ساءت بوديه البيطري

[طلع لي قرون]

ان شاء الله يتحسن ..

والدكتور افضل حل ..

بس مو اي دكتور .. وده عياده ممتازه

[رمان قطر]

امين الله يسمع منك

انشالله لكن الطبيب بيكون الحل الاخير

بجرب معاه علاج للزكام بشوف هالعلاج اللي قلت لي عنه

واذا في علاج غيره او افضل منه اتمنى الاخوان يفيدوني

[ٌابوعمر]

مايشوف شر وصحيح الليمون زيين حقه عطه مره ثانيه ثوم + ليمون مفيد اكثر وهو مضاد حيوي طبيعي وان زادت معه الحاله استعمل التايلان بس اهم شي دفيه عدل لان ممكن يطيب مجرد مايلقى الدفى

[رمان قطر]

تسلم لي ابو عمر والله يبعد عنك وعن طيورك الشر

الحمدلله اليوم اشوفه مافيه الا العافيه

لكن ممكن تفيدني كيف احط له الثوم فالماي ؟

[صوغة]

ستجدين الشرح الوافي بهذا الرابط لخلطة الثوم والليمون

والله يشافي طيرك





http://www.2zoo.com/vb/showthread.php?t=83830

[رمان قطر]

تسلمين اختي صوغه

وعساج عالقوه

[بلاك بيري]

اضم صوتي لصوت الاخوان مع اني احبذ استخدام التايلان كحل سريع وعاجل

تحياتي