ابغى مساعدتكم في تصميم حوض لثعبان

[$ثعبان$]

مرحبا شباب

انا اليوم سجلت بالمنتدى وانضميت لكم>>>>> باركو لي

ابي مساعدتكم وما ادري انا بالمكان الصح او الغلط >>>>> اقصد مكان الموضوع

راح اشتري ثعبان ارقم طولو يمكن متر وشوي وابغى تصميم حلو حق الحوض تبعه

يعني ابغى واحد سهل التنقل من مكان لمكان - واي احد يقدر يشوف الثعبان بوضوح وشكله حلو وغير مكلف ماديا - ولا انسى ابغى يكون محكم اغلاقة بمفتاح او شي لان فيه ملاقيف بالبيت هههههههه وخايف يفتحونه

من واقع خبرتكم في التربيه ابغى استفيد ومعليش على الاسلوب شوي ملخبط>>>>عاتي واحد فرحان بثعبان

انتظركم لاتفشلوني

[خالد414]

السلام عليكم ورحمه الله وبركاته

اهلا بك بين اخوانك

لقد احسنت الاختيار , الارقم من اجمل الثعابين في التربيه ويتميز دائماً بشراسته وهذا مفضل لدى البعض وانا منهم

بسم الله نبدأ

الحوض لازم يكون كبير نسبياً لان الارقم يحب الحركه والتسلق (ثعبان فضولي)

القياس يكون قريب 100 × 50 سم تقريباً او اكثر او اقل بقليل .

وانت مخير اما انك تشتريه جاهز او تفصيل بالشكل الذي تريد افضل لك

((مكونات الحوض))

اولا : الارضيه ,الارقم يعيش غالباً في الاراضي الشبه صحراويه
يعني الارضيه بتكون رمل مع شوي شجيرات صغيره (يفضل صناعيه) .
.......................................................................
ثانياً : يجب وضع صخره او جذع شجر لكي يحتك فيها الثعبان اثناء تبديل الجلد .
......................................................
ثالثاً : يجب وضع اناء ماء متوسط الحجم لكي يشرب ويسبح .
............................................................
رابعاً : يجب وضع بيت للثعبان لينام داخله سواء كان كهف او او خشب مجوف او او الخ ...
..................................................
ولا تنسى التشميس لأن الارقم يخرج في النهار ببيئته اي انه يحتاج للشمس اكثر من غيره
او من الممكن ان تبدل التشميس بلمبه الـ Uv

والغذاء : الارقم من الثعابين الصحراويه ويأكل ما يجده في بيئته
طيور , فئران , جرابيع , سحالي , وشاهدته ذات مره يأكل صغير ضب .

وبالاسر من الممكن ان يتعود على فئران التجارب والهامسترات
لدي ارقم من سنه ونصف او اكثر لم اقدم له سوى فئران بيضاء وصغار السمان (الفري)
وهو بأتم الصحه ولله الحمد

وأعتذر اذا نسيت شيء لقد كتبت على عجاله
اذا كان لديك اسئله اخرى
حياك الله

[so0osi]

ما راح ازيد اخوي خالد ما قصر معك

بس مثل ما خبرك حلاوته بعضه

وانا من محبين الارقم الوانه وعضاته لذغاته

وحبيت انبهك

ادا بتغير الماء له انتبه لا يعضك واذا عضك حاول تفكه بخفيف بدون خوف او سحب لان ممكن تخلع اسنانه بيدك


ولا تخاف او توسوس لما يعضك الارقم غير سام

والله يوفقك

[MARSHAL]

ما أزيد على كلام الأخوان ماشاء الله عليهم ماقصروا


الا ان اقول حاول تنتبه من عضة الأرقم لأنها شديده شوي



والله يباركلك فيما رزقك

[$ثعبان$]

الله يعافيكم ياشباب ماقصرتو

بس مافي صور لأشكال الحوض - أبي ديكوات حلوه وقليلة التكلفة

[|| PyTHoN ||]

الديكورات مو مهمه ..

هاذي اشياء اضافيه خصوصاً لو الحوض كبير
اما لو حوضك على قدها ماله داعي ديكورات
اكتفي حتى بفرش الحوض بكلنكس او زرع صناعي
او اي شي

بس لو حوضك كبير و حاب تسوي فيه حركات عندك
هذا مثلاً





بتسألني شلون مسوينه ؟

هذا فلين مصبوغ و لازقين عليه رمل و مثبتينه

ممكن حوض عادي رمل ناعم و صخور كبار شوي
فوق بعض و تسوي كهف

.
.