ღ..::اطفال الارانب؟!شلون اعتني فيهمـ؟!::..ღ

[AnGeL Of LoVe]

السلامـ عليكمـ ورحمهـ اللهـ وبركاتهـ

اول موضوع لي السموحهـ بس انا بحااجهـ الى جواب السؤال

عندي ارنوبهـ جابهـ 3صغار واهملتهمـ فالتراب وراحت عنهمـ

خذتهمـ وغسلتهمـ والحين الامـ ماتروح عندهمـ كلش

شاسوي؟؟! شلون ياكلون اخاف يموتوون؟!

لوسمحتوا ردوا علي بسرعهـ اذا تقدرون

[twety]

والله للاسف ماعندي فكـره

بس ان شاء الله اهل الخبره يفيدونك ..

يتربوون بعزك يااارب :d

العذر والسموحهـ

[تو zoo]

حياك الله اخوي معانا بلمنتدى
وانشالة تستفيد من المنتدى
بس بغيت اسألك جم عمر الارانب الي عندك ؟
و الارانب ما يتسبحون لان يصيبهم حمى ومرض
وليش الام اهملتهم ابحث عن السبب عشان تتجنبة مرة ثانية

[Withered Rose]

المشاركة الأصلية كتبت بواسطة تو zoo

حياك الله اخوي معانا بلمنتدى
وانشالة تستفيد من المنتدى
بس بغيت اسألك جم عمر الارانب الي عندك ؟
و الارانب ما يتسبحون لان يصيبهم حمى ومرض
وليش الام اهملتهم ابحث عن السبب عشان تتجنبة مرة ثانية

حياك الله معانا بالمنتدى
بس هالموضوع المفروض يكون بقسم القوارض
الارانب يعتمدون امهم الى عمر الشهر و لما انت تمسكهم الام ماراح تتخلى عنهم و لكن في سبب ثاني يمكن يكونون مرضى او شي اخر ... اهم شي المره اليايه تحط لهم العش و مكان ملائم للوضع و جو هادي بعيد عن الحيوانات المنزلية الاخرى ... و ان شاء الله تتوفق

[AnGeL Of LoVe]

المشاركة الأصلية كتبت بواسطة تو zoo

حياك الله اخوي معانا بلمنتدى
وانشالة تستفيد من المنتدى
بس بغيت اسألك جم عمر الارانب الي عندك ؟
و الارانب ما يتسبحون لان يصيبهم حمى ومرض
وليش الام اهملتهم ابحث عن السبب عشان تتجنبة مرة ثانية

عمرهمـ اليومـ انولدوا يمكن نص يومـ تقريبا اعمارهمـ

شسوي كانوا وصاخهـ ولان كان يغطيهمـ الطين ومايتنفسون فنظفتهمـ شوي

وسبب اهمالها لهمـ مادري اولدتهمـ فالحديقهـ وراحت عنهمـ يمكن خلتهمـ نص او ربع ساعهـ تقريبا

[AnGeL Of LoVe]

المشاركة الأصلية كتبت بواسطة twety

والله للاسف ماعندي فكـره

بس ان شاء الله اهل الخبره يفيدونك ..

يتربوون بعزك يااارب :d

العذر والسموحهـ

لا عادي يالغاليهـ وترى انا بنت هههههـ

معذورهـ يالشيخهـ مشكورهـ ع الرد

[AnGeL Of LoVe]

المشاركة الأصلية كتبت بواسطة Withered Rose

حياك الله معانا بالمنتدى
بس هالموضوع المفروض يكون بقسم القوارض
الارانب يعتمدون امهم الى عمر الشهر و لما انت تمسكهم الام ماراح تتخلى عنهم و لكن في سبب ثاني يمكن يكونون مرضى او شي اخر ... اهم شي المره اليايه تحط لهم العش و مكان ملائم للوضع و جو هادي بعيد عن الحيوانات المنزلية الاخرى ... و ان شاء الله تتوفق

اللهـ يحييج اختي وانا بنت

بس اعمارهمـ نص يومـ تقريبا

انا الحين حطيت لهمـ مكان وجبت الامـ وحطيت لها الاكل واطفالها حذاها

وان شاء اللهـ مايصير الا كل الخير

بس صار لها فترهـ يعني ماتتقرب منهمـ
فقلت اذا يعني اقدر انا اعطيهمـ حليب من البيت يعني؟!ولا؟

[tsm]

بص ياعم بص فيهم كويس وافحصهم علشان يمكن يكون فيهم عيب خلقى وهى خايفة منهم وربنا يكرمك كمان وكمان

[MrLiOn]

وش تقولين غسلتيهم
أكيد الأم خلاص معد تبيهم لأن ريحتهم تغيرت عليها

والي أعرف أن الأم تولد عيالها ثم تروح عنهم ما تجيهم إلا مره باليوم غالباً يكون في الصباح الباكر أو بآخر الليل مره .. ترضعهم وبس .

يعني طبيعي إنك ما تشوفينها عندهم .

والأم قبل لا تولد تبدأ تصلح لها عش لعيالها وتنتف شعر فخوذها من الداخل وشعر بطنها وتسوي لهم فراش وبعد ما تولدهم تحطهم فيه ثم تنتف شعر زيادة وتغطيهم به ..

إذا الأم ولدت عيالها ونثرتهم في الأرض ولا اهتمت فيهم !! يمكن يكون السبب أنها غشيمة وهذي أول ولادة لها .. أو تكون الحضيرة مزحومة وفيها أناثي كثير ولا لقت مكان مناسب ... أو يمكن فيه أسباب ثانية .

والله أعلم ،،

[فطوم]

لازم كنتي تنطرين عليهم شوي تشوفين الام شتسوي دامج مسكتيهم وغسلتيهم ريحتهم تغيرت عالام هذي مشكله

القطط والكلاب احنا نعطيهم قطره ماء وسكر كل ساعتين عشان طاقتهم وتدفيهم اذا مارضعتهم الام اول كان حليبها ضعيف (طبعا بالاضافه الى الحليب الصناعي\)لكن الارانب حساسين جدا فمادري اذا تنفع هالطريقه معاهم مادري والله شقولج انشالله يساعدونج الخبراء بس ارد اقولج الارانب حسااسين جدااااا