جناح الكاسكو مقصوص قصه غلط

[أحلى حلم]

السلام عليكم ورحمة الله وبركاته
رمضان مبارك عليكم جميع وكل عام وانتم بخير,, والدي العزيز الله يعطيه الصحه والعافيه اشترى كاسكو لاخواني الصغار مسوي لهم مفاجأه المهم اشتراه صغير عمره ست شهور تقريبا وقال للهندي اللي يشتغل بالمحل قص جنحانه عشان ماينحاش لانه من قبل اشترى واحد وطار,,المشكله اللحين القصه بالمقص ومخربه شكل جناح الطير وبالاخص اذا الطير تعب من الحر ينزل جنحانه يطلع شكل الجنحان قبييييييح من شكل القصه,, مدري شالحل هل فيه شي يرجع الريش طبيعي والا لازم نتف الريش المقصوص واذا لازم انتف الريش المقصوص بعد مشكله لان الريش المقصوص كثير مو ريشتين تقريبا نص الجناح يعني على الاقل من كل جناح سبع ريشات!!! واخاف انتفه ويطلع دمممممممم وينزف وتجيه صدمه عاطفيه بعد ما وثق فينا وحبنا وبصراحه الطير طيب ومحترم وكاسر خاطري شكل جنحانه وقصتهم ودي اساعده باي طريقه مسكين حتى مايقدر يرتفع نص متر عن الارض,, عاد اللحين شرايكم انتو شالحل هل ممكن مع الايام الطير ينتف ريش جنحانه وينمو من جديد وهذا الشي ما اتوقع يصير او اوديه بيطري ينتف الريش وبحيث انه لو نزف دم يقدر يتعامل مع الموضوع بس اخاف ينزف ويمرض ويموت من الوضع النفسي لان الكاسكو مسكين حساس ومايتحمل شي ومابي اعذبه,, مدري اذا احد عنده حل مناسب اقتراح من واقع خبره او تجربه. شكرا جزيلا لكم والمعذره على الاطاله

[لوسي.]

بالنسبة لقصته في عمر الست شهور غلطُ لانه بيرجع يبدل ريشه بس الجنحان قبل فترة
سئلت شخص وقال يحتاج له كورس فيتامينات ووالخ . .
الحل الصبر والانتباه للطير ووضع الجزرُ . .
قطع صغيرة بحيث يقدر ياكلها ارجعي لفوائد الجزر للتاكد

[malik1997]

أظن قص الريش حل من الحلول
ﻷنه كان عندي بادجي جناحه مقصوص نتفت كل الريش وطلع بداله ريش جديد
و أظن انه لازم تعطيه شوية من اﻷحماض اﻷمينية وهذا دواء تحصلينه عند الطبيب البيطري
مع تمنياتي بالتوفيق

[شرارة]

نزل صورة لجناح الطير عشان نقدر نساعدك
ممكن تكون القصه صحيحه بس الطير مابعد تعود عشان كذا يهدل جنحانه

وممكن تكون غلط

الافصل صور لنا الجناح لان النتف اخر الحلول ولا انصحك بنتف في الوقت الحالي

[أحلى حلم]

المعذره على التاخر في الرد تعرفون الصيام وانشغلت شوي,, الله يعطيكم العافيه على التفاعل والرد جميعا وماقصرتو ان شاء الله احاول اصوره اذا نزل جنحانه واوريكم الصور