بفضل الله أشتريت كاسيكو و بلوفرونتد فرخ

[عابر سبيل 2]

السلام عليكم ورحمة الله أعضاء هذا المنتدى المتميز والمرجع الشامل لهواة ومحترفين تربية الحيوانات ، أخواني قبل عشرة ايام قررت اشتري كاسكو افريقي وبعد البحث في اكثر من محل عندنا فالبحرين لقيت واحد فالمحل عمره تقريباً سنة وشوي جامبو وقالي راعي المحل ان صاحب الطير جابه من البيت وخلاه عندهم يبيعونه وانه اليف ومتكلم ويركب ع اليد من برا القفص فقط وقام طلعه وركب ع اليد قدامي وبعدين مديت يدي وركب ع يدي فالمحل وتوكلت على الله وخذته ب 260 دينار لكن لم وصلنا البيت استوا وحش و يرفض يركب ع اليد ويرفض يطلع من القفص لكن متكلم بارع ويلقط الكلام و التصفير بسرعه ، المهم امس قلت اروح سوق الطيور اخذ له استاند وكان معي بنتي الصغيره ولمن دخلنا محل وكان عندهم فروخ امازون كثيره كنت اتكلم مع العامل وبنتي كانت تتكلم مع فرخ صغير بلوفرونتد هي تقول شي وهو يلحق وراها بالكلام انل اندهشت حتى العمال استغربوا وكان الطير يحوس ويتحرك بسرعه كأنه يبي يطلع وتمد يدها وتمسح عليه المهم سالت العامل بكم هذا قالي 330 نهائي والبنت تترجاني تبي الطير وانا تحمست له بسبب ذكائه المهم اخذت الطير وابي منكم بعض النصايح خاصة البلوفرونتد شنو أعطيه الاكل الرئيسي هل هو نفس الحب المخلوط اللي نعطي الكاسكو ؟ اكثر شي محيرني الاكل بالرغم انه ياكل كل شي نعطيه ما يقول لا مثل الكاسكو المتزمت وسامحوني ع الاطاله و بخصوص الكاسكو ليش فالمحل يركب ع اليد وفالبيت لا مع اني استخدمت طريقة العصا ونجحت لكن انا ابيه يكون طبيعي ويركب دايركت وشكرا لكم اخواني الاعزاء .

[AVOCADO]

الطيور عادة تحتاج الى وقت حتى تعتاد على المنزل الجديد لها

اتركها اسبوع في مكان مرتفع نسبيا تتعرف على البيت وتعتاد عليكم وعلى اجواءكم

[روجيادا]

مبروك عليك الطيور اخوي ربي يعطيك خيرهم ويكفيك شرهم
الامازون والكاسكو ياكلو نفس الاكل
الطير يحتاج وقت ت يتعود ع الناس والجو
مثل عيالنا لما نشلهم عند ناس مايعرفوهم ف البدايه يجلسو هاديين ما احلاهم بس شوي يتعودوا ع الناس والجو يصيرو جن ههههههههه

[وايت ليون]

ياخوي شنو اسم المحل ووين بالضبط

[مجنون فلته]

السلام عليكم

مبروك عليك الطيور وعلى فكره الأمزون ب 320 بس الهندي شافك متحمس عطاك السعر الثابت وشكلك رايح سوق واقف
صوب محل الطيور الأفريقيه

المهم الشباب ماقصرو وفيهم كل الخير

خل الطير يتعود على المكان بالأول ويحس معاك بالأمان وان شاء الله امورك طيبه

وتراني من البحرين واذا تامر على شي حاضر لك

بالتوفيق

[عابر سبيل 2]

المشاركة الأصلية كتبت بواسطة AVOCADO

الطيور عادة تحتاج الى وقت حتى تعتاد على المنزل الجديد لها

اتركها اسبوع في مكان مرتفع نسبيا تتعرف على البيت وتعتاد عليكم وعلى اجواءكم

مشكور خوي ع مداخلتك ، الكاسكو صارله اكثر من اسبوع و عاجبني ذكائه و يلقط الكلام بس معاند ما يبي يفارق القفص ولا يطلع ع اليد و انا حاطهم بمكان مرتفع وانتظر النتائج

[عابر سبيل 2]

المشاركة الأصلية كتبت بواسطة روجيادا

مبروك عليك الطيور اخوي ربي يعطيك خيرهم ويكفيك شرهم
الامازون والكاسكو ياكلو نفس الاكل
الطير يحتاج وقت ت يتعود ع الناس والجو
مثل عيالنا لما نشلهم عند ناس مايعرفوهم ف البدايه يجلسو هاديين ما احلاهم بس شوي يتعودوا ع الناس والجو يصيرو جن ههههههههه

الله يبارك فيك عزيزي ويجراك خير ع الافاده لاني كنت محتار شنو ياكل الفرخ لاني اشوف عضته ضعيفه والحبوب اللي ياكلهم الكاسكو يحتاجون منقار طاحون زي الكاسكو هههه على قمت اعطيه في ثلاثه اوعيه حق اكل واحد حبوب مشكله والثاني ذره و خضراوت مسلوقه واحط له في الثالث فواكه يعني عنب وتفاح وارجو تفيدوني لو هذا غلط وفيه ضرر ع الطير

[عابر سبيل 2]

المشاركة الأصلية كتبت بواسطة وايت ليون

ياخوي شنو اسم المحل ووين بالضبط

والله يالغالي هو يصير خلف سوق الخضره مباشرة مو حافظ اسم المحل لكن هو اكبر محل لطيور الامازون في سوق واقف والبحرين اظن لان عنده كميات كثيره و انواع منها الكوكاتو قالا و الكوكاتو الابيض و المكاو بالاضافة للبلوفرونتد اللي هم اكثر شي فالمحل ، فيه محلات غيره لكن هذا المحل تميزه بكثرة الامازون المعروض وبالتوفيق خوي

[عابر سبيل 2]

المشاركة الأصلية كتبت بواسطة مجنون فلته

السلام عليكم

مبروك عليك الطيور وعلى فكره الأمزون ب 320 بس الهندي شافك متحمس عطاك السعر الثابت وشكلك رايح سوق واقف
صوب محل الطيور الأفريقيه

المهم الشباب ماقصرو وفيهم كل الخير

خل الطير يتعود على المكان بالأول ويحس معاك بالأمان وان شاء الله امورك طيبه

وتراني من البحرين واذا تامر على شي حاضر لك

بالتوفيق

الله يبارك فيك خوي ، هو قالي 330 ولما حاولت افاصله قالي بعطيك القفص الظاهر مثلما قلت حسب السعر 320 و10 قفص
وانا ما رحت عشان اشتري ولكن شفت هالطير يتكلم مع بنتي ويردد الكلام اللي تقوله فتوكلنا على الله وخذيناه ، مشكور خوي ما تقصر

[وايت ليون]

المشاركة الأصلية كتبت بواسطة عابر سبيل 2

والله يالغالي هو يصير خلف سوق الخضره مباشرة مو حافظ اسم المحل لكن هو اكبر محل لطيور الامازون في سوق واقف والبحرين اظن لان عنده كميات كثيره و انواع منها الكوكاتو قالا و الكوكاتو الابيض و المكاو بالاضافة للبلوفرونتد اللي هم اكثر شي فالمحل ، فيه محلات غيره لكن هذا المحل تميزه بكثرة الامازون المعروض وبالتوفيق خوي

شكرا اخوي

اعتقد تقصد اللي يصير على الزاوية قبال المشاتل

والله يبارك لك في طيورك ان شاءالله