ماهو الغذاء المناسب؟؟

[masmas1001]

السلام عليكم

انا بحاول اسئل على نوع التغذية السليمة لجرو سانت برنارد عمرة 8اسابيع علشان يكبر ويكون بحالة صحية جيدة وايضا يكون بالحجم الضخم في جسمة اللي اشوفة برة في الدول الاوروبية وخصوصا ان ابوة وابمة كدا وهما من الخارج وايضا هو كفوفة ضخمة وصدرة عريض يعني هيساعدني قوي بس محتار في التغذية

ياريت اللي عنده خبرة بالموضوع او مربي سان برنار يفيدني في الموضوع ويجزاه الله خير

وانا عموما طريقة تغذيتي لو كالاتي

الصباح :
اديلة كالسيوم سائل في سرنجة 2سم وبعدها بشوية اديلة الوجبة
عيش اسمر بالردة + بيضتين + جبنة قريش , و مقدار 2 الى3اكواب لبن نيدو

الغداء :
طبعا مسلوق كلة ارز (او) مكرونة (او) بطاطس + خضار مسلوق من (كوسة ، جزر ، فاصوليا ، بسلة ) +قليل من العيش اسمر بالردة

وانا ساعات بحط في الوجبة لحمة مفرومة قليل جدا (او) قطع فراخ مخلية من العظم والجلد (او) ساعات بيكون عندي لحم ديك رومي او الجناحات باخد منها اللحم وارمي العظم (او) وساعات برضوا بحط بلوبيف معلب بعد ما احمرة على النار شوية كلة مستوي طبعا ودا مرة كل اسبوع او كل اسبوعين
** سبب اني احطلة لحمة قليل ان الدكتور اللي بطعمة عندوه قالي بلاش لحمة وهو في السن دا علشان ما يجبلوش دود في بطنة لانة معندوش الانزيمات اللي بتهضم الحاجات دي وهو صغير وانا بحاول اعمل بنصيحتة

العشاء :
عيش اسمر بالردة + 2 زبادي + فول (او) لوبيا
وساعات احطلة تقريبا 2الى 3 اكواب لبن

ياريت الاقي المساعدة من الاعضاء الكرام وللعلم انا ما بديلوش دراي فود خالص وعموما انا هنا بحاول ادور على دراي فوود نظيف للجراء بس مش لاقي ولو لقيت بلاقية غالي قوي على كمية صغيرة (هنا في مصر)

هل التغذية اللي قولتها كافية على بناء جسمة بالطريقة اللي انا محتاجها ولا اية ؟؟
ولو فية اي اضافة من اي عضوا خبرة واو عندوا السانت برنار يقدر يقولي انا اكون شاكر لية طبعا