اغراض سداح يستاهل

[waleed11]

السلام عليكم ورحمة الله وبركاته

والله انزل المواضيع على شان العالم تستفيد وانا بعد استفيد من ردودكم وتعليقاتكم


الزبده


نزلت وشريت له فيتامين ويقول راعي المحل تحط له مع المويه ,, ويقول انه يعطي الطيور الي عنده كل يوم منها حماية لها من الامراض بعد مشيئة الله سبحانه وتعالى


قيمته 30 ريال




وشريت له حبار الي هو ظهر الخثاق يقولون عنه كالسيوم قيمته 5 ريال والي يروح للبحر يلقاها مرميه بس مافضيت





وشريت له لعبه هو ووجه مسوي بزر

قيمتها 25 ريال








وشريت له هذي من قبل اسبوع يقولون كالسيوم والله مدري عنها ب 10 ريال





واخيراً سداح اقلق دين اهلي كل شوي وهو عند الولد مايروح من عنده يقعد ساعه ساعتين والله مايتحرك والولد نايم صاحي وهو يطالع فيه


احسهم نفس العمر ويسولفون


ههههه







بس خلاص عطوني ارائكم حول الي شريته وهل فيه شي بعد اخذه والي شرى طيره شي يزودنا بسعره واذا استفاد ولا لا




اخوكم ابو خالد

[ساكو2011]

مشاءالله
سداح يستاهل

[نيمو ببغائي]

ماشاءلله تبارك الله الله يحفظ طيرك وولدك او اخوك او ولد اخوك الي هو الله يحفظة لاهله

[بصمات الزمن]

حلوه المشتروات وعجبتني اللعبه كثير بس من وين شاريهم هالاغراض ؟
كم عمر سداح المزيون ؟

[صوغة]

ماشاء الله تبارك الرحمن

مشتريات حلوة ومهمة

باقي طارد للدود عشان تعطيه كل شهر ولا كل اسبوعين للوقاية

والصورة الاخيرة رهييييييييييييييييييبه

الله يحفظ لك النايم والمراقب

[waleed11]

الله يسلمكم جميع

شريتها ياطويل العمر من محل بالخبر


الاخت صوغه طارد الدود من وين اجيبه وشو اسمه بالضبط

وفيه شغله ثانيه سداح يوم جاه جرح برجله رشيت عليه دوا ازرق ولا راح اللون من الريش وش اسوي

[الكاكي]

العلاج الاول :
شامل لكل شي لكن استخدم الاشياء الطبيعيه افضل مثل الزنجبيل والعسل الاصلي.
الكالسيوم:
هذي يوجد بها الوان صناعيه عضمة الحبار افضل من هذا لكن خذ عضمة الحبار القويه علشان تدوم.
الالعاب :
لا تستحسن بهذا السن لانها تلهيه عن التركيز تعلم الكلام.
وبالتوفيق

[ابو جسار]

مشاءالله تبارك الله الله يخليلك طيرك وولدك
انا بقلك عن الون الازرق الي حطيته على طيرك
هذا طبعا مطهر للجروح وانا استخدمته يجلس
تقريبا 3 اسابيع ويروح

[تشآرلي]

ماشاء الله تبارك الله

اهتمام رائع

[صوغة]

تلقى هنا اسم طارد الدود وبعض العلاجات الي لو تشتريها للطوارىء يكون افضل

واذا مالقيت هذا النوع من طارد الدود فيه بدائل اسأل الصيدلي

وبالنسبه للرش على الريش روشه مره كل اسبوع وبيروح مع الوقت ان شاءالله
http://www.2zoo.com/vb/showthread.php?t=228093