وصفات شهية لأطباق قططك الملكية ..

[somky]

هلابك اختي
انا توني جديده
واخيرا لقيت المنتدى اللي يحمس

موضوعك مره حلو
وعندي كم سؤال..
اذا ممكن تجاوبينها

1) عندي قطوه انثى وقطو ذكر
الذكر كان سميييييييين وفضيع بسم الله عليه
دخل المستشفى وجلس فيه سنه كان مجرد عنايه فندقيه

لما اخذته تفاجأت بشكله مرررررررررررررررره نحيف وشكله يخوف
......
سؤالي كيف ارجعه سمين زي اول
واحلى مافيه انه ياكل كل شي ...
اذا تعرفين جدول معين لاكله
أكون لك من الشاكرين
عمره سنه و8 شهور
..................................

2)الانثى اللي عندي عمرها سنه و3 شهور
لها شهرين واهي تاكل معلب
(دجاج وديك رومي وخضار - غنم -بقر - تونه-دجاج )

هالاسبوع بديت معاها
الدراي فود
بس لاحضتها انها تستفرغ اللله يكرمك
وش السبب هل هو تغير الاكل ؟؟
اذا تعرفين علاج
برضوا مشكوره
.........................................


هالمره سؤالين
المره الجايه بيقفل المنتدى

[Dominique]

بس بس

تدري صدقت عبالي صج ذقته .. لوووووووول عاد الحساء على قولتك أحلى شي بالموضوع كله


*********************

قطة كوووول

العفو الله يخليلج الدلوعة لا تقطعين

*********************

سموكي

هلا فيك معانا صديقة وحبيبة وانشالله تستفيدي كثر ما تقدري ... والعفو حبوبة عيونك الحلوة

بالنسبة لأسألتك

أولا حرام ليه خليتيه بالمستشفى سنة مدة طويلة كثييييير بالنسبة حق قطوة متعودة عليك وعلى حنانك.. القطط بالذات إذا تعودوا على شخص يراعيهم ويحن عليهم ويحبهم سبحان الله إذا انحطوا في مكان عام مثل المستشفى مهما يهتموا فيهم ما راح يكون مثل حضنك اللي تعودوا عليه يوميا وفي أي وقت يحبوا يجلسوا فيه ..

علشان كذا نحف كثير مثل ما تقولي.. يعني سبب نفسي

المهم إن أول شي :

لازم تعوديه إن الأكل والماي ينحط كل مرة في نفس المكان وهالكلام أعتقد قلته لعضو في المنتدى من فترة قصيرة.. يعني إذا حطيتيله صحون الأكل والماي في زاوية غرفة معينة لازم كل مرة يكون في نفس الزاوية

القطوة ما تتكلم وتقول ترى جوعانة .. إذا تعودت على مكان أكلها خلاص لما تجوع تروح توقف عند الصحن وتماوي.. وفي بعض المرات تلاقي القطة تلحقك من مكان ليمكان خصوصا إذا كان في يدك أكل .

ثاني شي :

صحن الدراي فود وصحن الماي لاااااااازم دايما يكونوا full علشان إذا قطك عطش يلقى الماي موجود وإذا حب يقرقش يلقى الدراي فود موجود كمان .

ثالث شي :

بالنسبة للدراي فود أعتقد إن عندكم بالسعودية نوع رويال كانن وهذا مرة يسمن ومجرب من كذا عضوة بالسعودية وتقدري تسألي قطقوطة ..
بالنسبة للأكل المعلب هو إللي لازم تجربيه لقطك ، من كل نوع علبة وتشوفي أي نوع يحب ويفضل وتداومي على إعطاءه إياه مرتين باليوم أو مرة مبدئيا علشان لا يصير فيه اسهال وانتي بكرامة لأن معدته تكون لسه مو متعوده على الأكل الكثير .
فنبدأ بصحن الدراي فود المتواجد دائما وكل يومين نزيد كمية المعلب من علبة إلى علبة ونص إلى علبتين يعني بمعدل يومين نزيد نص علبة .

بالنسبة للحليب آنه ما أفضل بكثرة ، يعني بالأسبوع مرة تمام إذا لزم الأمر لأن الحليب يعمل اسهال للقطط البالغة .


بالنسبة للسؤال الثاني :

ما أنصحك بالتونة أبدا .. لأنها تطيح شعر القطة ولو على مدى بعيد.. وزيتها مضر لمعدة القطة. أفضل السمك العادي إللي حنا ناكله ( يعني من طبخ البيت ) هذا أفيد وطازج أكثر . أما باقي الأكل فهو عال العال .

يمكن تستفرغ قطتك مثل ما قلتي من تغير الأكل بس راح تتعود عليه.. أو يمكن تبي تتخلص من الشعر اللي وصل معدتها عن طريق لعق نفسها يوميا.. عموما القطة تستفرغ من مرة إلى مرتين شهريا للتخلص من الشعر في معدتها هذا شي طبيعي.. أما إذا تستفرغ أكثر فهذا لازم توديها الطبيب يمكن يكون فيها فايروس نزلة معوية .

ولو حبوبة احنا فخدمتك أي وقت

تحياتي
.
.
.

[somky]

يعطيك الف عافيه دومينيك

اول شي فوفو ماكان تبعي وكان غصب عليه يحطه في مستشفى

ثاني شي

بالنسبة للدراي فود أعتقد إن عندكم بالسعودية نوع رويال كانن وهذا مرة يسمن ومجرب من كذا عضوة بالسعودية وتقدري تسألي قطقوطة ..
بالنسبة للأكل المعلب هو إللي لازم تجربيه لقطك ، من كل نوع علبة وتشوفي أي نوع يحب ويفضل وتداومي على إعطاءه إياه مرتين باليوم أو مرة مبدئيا علشان لا يصير فيه اسهال وانتي بكرامة لأن معدته تكون لسه مو متعوده على الأكل الكثير .
فنبدأ بصحن الدراي فود المتواجد دائما وكل يومين نزيد كمية المعلب من علبة إلى علبة ونص إلى علبتين يعني بمعدل يومين نزيد نص علبة .

يعني عادي لو اعطيه داري فود مع الاكل المعلب؟؟
يعني وجبه وحده معلب؟
والباقي كله دراي

الله يوفقك ...

[Dominique]

سموكي

الله يعافيك حبيبتي

شوفي لنفرض ان هذا جدول غذائي ليوم واحد :

صحن الدراي فود موجود طوال اليوم ولا ينتزع من مكانه

الساعة 12 ظهرا تقدمين وجبة معلب وبكمية نص علبة وإذا أنهاها وأصدر مواءا طلبا للمزيد نضيف كمان نص علبة وعند الانتهاء ينشال الصحن لأن المعلب يفسد إذا ترك غير مغلف أو غير مغطى وتصيبه المايكروبات والجراثيم .

نتأكد من وجود ماء كافي في الصحن ( لأن الدراي فود يعطش )

الساعة الرابعة أو الخامسة عصرا نضع له كمية أخرى من المعلب بنوع آخر ثم ينشال الصحن .

طبعا بين الوجبة الأولى والوجبة الثانية تلعبين القطة علشان تحس بالجوع وتاكل الوجبة الثانية بشراهة .

( إذا كنتي تبين القطة تاكل المعلب كله.. شيلي صحن الدراي فود قبل بساعة ونص ولعبي قطتك حتى تحس بالجوع )

كذا راح تضطر تاكل المعلب لأن الدراي غير متوفر .

وبالليل على الساعة 10 أو 11 تعطينها وجبة أخرى ( وهذي اختيارية يعني مو ضروري وجبة أخر الليل ونكتفي بالدراي فود لغاية الصبح )

انشالله يكون هالجدول عجبك ويمشي مع قطتك


تحياتي وأي خدمة آنه حاضرة
.
.
.

[somky]

يعطيك العافيه
تعبتك وياي

[Dominique]

لاتعب ولا شي تعبك راحة

آنه في الخدمة أي وقت

تحياتي
.
.
.

[مخاوية قطاو]

مشكووووووووووووووووووووووره دومينيك
بس جودي معوره راسي مدري وش تبي بضبط
سويتلها الخلطات اللي قلتي
بس ماكلت
ماتاكل الاخبز تخيلي
عمرك شفتي قطوه كذا

[Dominique]

قطوتج ماتحب تصرفين فلوس

لووووووووووووووووول

اقتصادية
لووووووووووووووول

آنه دومينيك هم ما يحب كل الأكلات بس الذرة، الروب، البطاطا المقلية يعني بروكلي على المزاج، يحب البطاط المسلوق بدون ملح ولا بهارات ( وهذا اكتشاف جديد )

مو شرط تعطينها كل شي بس جربيلها المهروس( خضراوات مشكلة و بطاطا مسلوقة ومهروسة ) طبعا بكمية صغيرة علشان تجربين أول مرة
ورديلنا خبر
.
.
.

[مخاوية قطاو]

اوكييييييييييي راح اجرب اللي قلتي وانشالله ينفع
المشكله ان الكل ياكل الا هي تنااضر فيني مدري احس انها تبي شي بس مدري وشو
وشكر فيري متش

[Dominique]

يمكن ليش ان هي الكبيرة تقول أبي من برجر كينج وللا ماكدونالدز

لوووووووووووووووووووووول
.
.
.