كاسكوي ماياكل :( لحقوني

[habona]

السلام عليكم
سالت اكثر من شخص بسالفته و بستشيركم ياريت تفيدوني

ماياكل من اسبوعين كلش و يتكلم شوي و يرد ينام وايد ينام و اذا اكل ياقل شووووووية تقريبا نص قفشة الوسط يعني ولا شي

وديته للبيطري الدكتوره قالت ان مافي شي لان خروجه زين و ريشه زين و مومبين ان مريض

سوتله تحليل دم لقت ان الشكر نااااازل بدمه و uric acid بعد نازل

تقول طبيعي لان ماياكل و عطته دوا للكبد legalon 70 لان مرض بالتسمم شهر 11 اللي فات و صارت في نوبات تشنج و اسهال و ترجيع بسبت انه اكل سمك معاي و صار في فايروس السالمونيلا ..بس الف الحمدلله اللي عافاه و شافاه

الحين مادري ليش عطته هالدوا مره ثانيه و كل يوم قاعده اوكله بايدي قصب و مادري شنو اسوي
الله يخليكم فيدوني وايد احبه و مضايقه على هالسالفه

[فيوزي]

دام طيرك ما ياكل وصله لي بيطري ثاني
وراح يفيدونك الاخوان
تحياتي
ابو سدران

[بلاك بيري]

اهلا وسهلا

بخصوص ما تفضلتي هل الطير يعطس وكم عمره

[habona]

مشكور اخوي فيوزي

انشالله بشوف بيطري ثاني

اخوي بلاك بيري

مايعطس مافي ولا شي واضح غليه بس خشمه شكيت فيه صاير مثل وردي بس كلش مايعطس ولا يطلع منه ساىل ولا شي

[habona]

يايرت تساعدوني
الكاسكو بدا يرجع لما اوكله
للحين اعسه بس ساعات ياكل شويه مني و كل ما يبلع لقمه يرجعها و يرد ياكلها
مافي اسهال للحين و اذا صار في اسهال شسوي الله يخليكم ساعدوني

[habona]

ليش محد معبرني

[alsindrella]

بالنسبه للاستفراغ دايما بلاك بيرى و غيره من الاعضاء الافاضل ينصحون بماء الارز المغلى
تجيب الارز و تغليه و تأخد هذا الماء تبع الارز و تتركه يبرد و تضعه للطير يشرب منه و لا يشرب ماء غيره
هذا ما استطيع مساعدتك بيه لحين دخول المتخصصين و الرد عليك

[eaglesa38]

اختي عطيه حبوب الكنكر

احيانا الطيور يكون عندها كنكر داخل معدتها او فمها او حلقها
بعض الاطباء ما يقدر يشخص المرض
اشتري حبوب الكنكر وعطيه يومين
كل يوم حبة
دقيها وخليها تصير ناعمه وضيفي عليها ماء قليل واسحبيه بالابرة وغريه بفمه

ويوجد نقاط فيتامينات وفاتح شهية تقدرين تعطينه منها


ياليت تسوين له خلطة اكل مكونة من ذرة مثلجة وبازاليا خضراء وبسكوت الشاي وصامول او خبز مجفف تطحنينهم كلهم مع بعض في خلاط العصير حتى يصير اشبه للفول متماسك
وغريه بها لان الطير يحتاج الى تغذية


تحياتي