مشكلة تساقط الريش للكاسكو

[albaik7]

السلام عليكم ورحمة الله وبركاته

اسعد الله اوقاتكم بكل بخير

الكاسكو اللي عندي الاحظ عليه هالفتره صاير ريشه يطيح بزياده واوقات اشوفه ينتف فيه وفي بعض الريش لما اطلعه من القفص ويحرك جناجاتها يطيح ريش منه واوقات اشوفه كانه متضايق و يسحب في الريش اللي في جناحه

وهذي صورة المزيون (زيكو)

..:: (( مشاء الله تباركـ الله )) ::..




..:: (( مشاء الله تباركـ الله )) ::..




وهذي صور الريش اللي شفته طايح منه وغير الريش اللي يكون صغير ويطيح مع الطيران














ارجو ممن لديه خبره في هالموضوع يفيدني وجزاه الله الف خير

[بكاتشو]

ما شاء الله تبارك سبحانه
اخوي انا ما اعرف هل هذا وقت تبديل ريش للكاسكو او لا ممكن يفيدوك الاخوان الاكثر خبره
لكن انت احرص على ترويش الطير بشكل دوري وشمس مده عشر دقائق او الصباح او قبل الغروب لانها مفيده حيل للطير
واذا الريش اللي يطيح ما فيه اثر دم في طرف الريش اعتقد انه تساقط طبيعي اما اذا فيه دم معناه ان الطير هو اللي يسحبها بقوه ويطيح الريشه وهذا مو طبيعي
طبعا تحليل هذا مو متأكد ميه ميه من كلامي بالتوفيق

[albaik7]

مشكووور اخوي الغالي بكاتشو على التجاوب السريع

وان شاء الله راح احطه كل يوم بالشمس قبل المغرب بشوي عشان انه بيصادف رجعتي من العمل واشيله للشمس

وان شاء الله يفيدونا باقي الاخوان


ويعطيك الف عافيه

[صوغة]

وعليكم السلام

ماشاءالله الله يحفظه لك

اذا طيرك عدا السنة فهو فعلا بمرحلة تغيير الريش

مثل الي عندي حاليا راح نص وزنه مع تغيير الريش

وفعلا الطائر ساعات يتخلص من ريشه معينه بنفسه

تقدر تتأكد بالبحث بين ريشه عن ريش جديد كأنه شوك تو طالع

لاتقلق واهتم فيه

وعطه فيتامينات بالمشربية ان ماكان ياخذها من مصادرها الطبيعية

والله يوفقك

[albaik7]

مشكلته ان حطيت له فيتامينات بالمشربية الله يكركم يهده سهال الاحظ عليه مع ان قبل هالفيتامينات يشربها بدون اي مشاكل

وصرت الحين كل مره اعطيه نوع من انواع الخضار والفواكه


بس اتمنى الافادة بالنسبة للريش الموجود بالصور هل هو تعبان او انه من تبديل الريش يعني وش سالفته بالظبط

ومشكورين على التجاوب

وان شاء الله نشوف باقي الاراء

[فيصل المبارك]

نفس المشكله اعاني منها

اتمنى من الخبراء الافاضل

التكرم بالتوجيه الصحيح

[بلاك بيري]

انا الاحظ ان الريش المتساقط اولا نازل من الجذر وهذا ممتاز الشي الثاني انه الريش فيه عيب واحد مكسور واحد متقصف وهذا شي ممتاز ان الطير يتخلص من كل ماهو معيب لشكله ولجماله

اظن انه عادي جدا ولكن غسل طيرك وشمسه ونظف قفصه وانشاء الله مافي خوف

موفق بكل خير

[albaik7]

المشاركة الأصلية كتبت بواسطة بلاك بيري

انا الاحظ ان الريش المتساقط اولا نازل من الجذر وهذا ممتاز الشي الثاني انه الريش فيه عيب واحد مكسور واحد متقصف وهذا شي ممتاز ان الطير يتخلص من كل ماهو معيب لشكله ولجماله

اظن انه عادي جدا ولكن غسل طيرك وشمسه ونظف قفصه وانشاء الله مافي خوف

موفق بكل خير

الف شكرررررررر اخوي بلاك بيري على التفاعل وجزاك الله ووالديك الجنة

ووضحت اللي كنت ابي اعرفه

عساك ماتنحرم من احبابك وماينحرم المنتدى من امثالك الطيبين والرائعين

[albaik7]

والحمدلله كل يوم او يومين انظف قفصه بس الترويش يعتمد على الاجواء مره غبره ومره هواء


واذا في احد عنده معلومه زياده يحب يضيفها لايبخل علينا عشان الكل يستفيد