شورو علي محتاااره حيييل

[HaiDy]

السلام عليكم


ابشركم الحمدلله راحو ثلاثه كيتنز تبني وباقي ثنين منهم (ذكور) كنت محتاااسه فيهم اكل وتنظيف

وغير القلق اخاف يجيهم شي وماعندي قيمة العلاج وكذا يعني.. يروح يومي كله تفكير بين هل جاء

موعد الوجبة هل واحد فيهم جاه شي غير دوامي والمطبخ وغسيل ثيابي كل يوم ... كل جوي

قلللللللللللق .. لا هذا عدا امهم حامل بعد

الحين باقي عندي ثنين كيتنز ذكور .. امهم الحامل .. وابوهم .. طبعا الابو حق البيت لايمكن اتخلى

عنه لكن الي محتاره فيهم الام وعيالها .. كلهم احبهم بس لازم يروحون لان ماعندي وقت لهم

مجرد بس اعطيهم وجباتهم .. يروح يومي بين دوام, نوم, مطبخ, غسيل, كوي. وبالي مشغول بالقطط

جاء موعد وجبتهم, ياربي لايصير فيهم شي .. واهلي طبعا مافي تقدير صارلي فترة مو قصيره

اترجى اخوي يجيب لي تراب الي عندي ماباقي فيه الا شوي وانا عندي 2 لتر بوكس وعشان اوفر

التراب احطه يومين كذا بالشمس عشان ينشف وارجع احطه مره ثانيه وش اسوي لين ربي يفرجها

تكلمت كثير بس وربي مااااادري وش اسوي هل انا اصرفهم كلهم الام وعيالها قالت امي حرام

عليك القطة مرتاحه بالبيت خليها تولد هنا وحركت عاطفتي بكلامها لانه انا بتخلى عنها عشانها

وربي هالحين هي تبي كذا وجبه ومشكلة مافي احد يغطي مكاني لازم انا اعطيهم كل شي ولا

يقعدون عشان كذا بس بالي مشغول عليهم وغير ماعندي احد يجيب دراي فود كلما خلص وماقدر

اشتري كمية بوقت واحد

يعني من جهه ابيهم ومن جهه ماعندي وقت لهم متأكده بندم اذا تخليت عنهم بس وش اسوي

محتااااااااااره حيل قلت مالي الا تو زوو استشريهم يمكن عندهم حل غايب عن بالي

ايه نسيت الكيتنز حبوبيييييين حيل وربي بفقدهم وببكي عليهم مافيها كلام بس انا اذا فكرت

انهم بيبلغون ويطلبون تزاوج عاد انا من وين اجيب لهم لاني مابي انثى وحمل وكيتنز وين اوديهم

لاني تعذبت على بال ما اصرف الكيتنز مانباعو وعرضتهم تبني ويالله لقيت ناس تاخذهم

جيت اليوم قلت لاخوي شيلهم كلهم لاتخلي الا ليلى اللي هو الذكر (الابو ) قال اخوي لا نبي

واحد من الكتنز (وانا اقول بنفسي اصلا انا ابيهم كلهم ) ويوم اشوف الكيتنز اليوم منسجمين مع بعض ينامون جمب بعض وكل واحد يضم

الثاني (هذا من بعد ماراحو اخوانهم عنهم يمكن فقدوهم !) المهم تقطع قلبي قلت حرام افصلهم

بس هذي هي والعلاج لو يمرضون والتراب من يجيب والانثى اذا بلغو ياربي مادري وش اسوي

[لوسيانو]

عزيزتي بالنسبة لفراقهم صحيح صعب جدا لاكن مثل ماقلتي يبغالهم اهتمام عندي لك حلين جربيها ويمكن انك جربتيها الحل الأول نزلي صورهم في المنتدى يمكن احد يحن عليهم. الحل الثاني روحي محلات القطط وأعرضيها عليهم سواء بسعر أو أنهم يأخدونها ببلاش واغلب شي أنهم يقولون لك مانشتري علشان تقولين لهم ماأبغى فيها سعر بس خدوها وتصرفوا فيها صدقيني راح يستقبلونها بكل صدر رحب وخصوصا لو نوعها جيد لأنها ببلااااااااااش.

[ala7med]

اختي اذا انتي مب مهتمه فيهم عطيهم ناس تهتم فيهم راح يكونون اسعد

ممكن اختي الحين تودين الكتيز اذا صار عمرهم 3 شهر وتبيعينهم وتاخذين الفلوس و تهتمين في الحامل ع الاقل بييب كل واحد 300 ريال يعني 600 ريال كامل اهتمي بهاذي الفلوس الام الحامل والتراب لين تولد اذا ولدت وكبروا بيعي منهم خلي 2 بس يعني الاب والام واذا ماتبين يهال من الام ممكن تودينها البيطري يعطيهم عدم حمل

[ala7med]

اختي اذا انتي مب مهتمه فيهم عطيهم ناس تهتم فيهم راح يكونون اسعد

ممكن اختي الحين تودين الكتيز اذا صار عمرهم 3 شهر وتبيعينهم وتاخذين الفلوس و تهتمين في الحامل ع الاقل بييب كل واحد 300 ريال يعني 600 ريال كامل اهتمي بهاذي الفلوس الام الحامل والتراب لين تولد اذا ولدت وكبروا بيعي منهم خلي 2 بس يعني الاب والام واذا ماتبين يهال من الام ممكن تودينها البيطري يعطيهم عدم حمل

[azo0ozi-658]

اختي بقولك حل ممكن يعتبره الناس مو كويس بس مافيه غيره

وهوو خصي الذكور وشيلي رحم الانثى

بكذا تبقين اللي تحبينهم ومايزيدون ولا يطلبون تزاوج ولا شي

[دلوعةقطوتي]

الله يعينك مادري وش اقولك طيب فيه احد يقدر يجيبهم للرياض لا فيه المحل اللي قلتلك عليه ياخذ تبني لاني سالته عن الكيتز اللي عندي وقالي اوكي بس صوريهم واكتبي انهم بالمحل عندي وللحين ماانفطموا وقلبي يوجعني مابي افارقهم الله يعينك طيب بما ان امك تبي القطوه الام خليها تساعدك وانا لوبيدي شي اسويه لك سويته

[HaiDy]

مشكووورين ماقصرتو اقلها وقفتكم معي

والله للحين حوسه كلما جيت اطلع الكيتنز اتردد اخاف ابكي عليهم واندم زي ماطلعت اخوانهم

والام مادري هي بأي اسبوع حامل بس شكلها قربت ولادتها ماشاءالله كبر بطنها وصارت طول الوقت تنام ومالها خلق تقوم ورحت حطيتها بغرفتي اريح لها وجهزت الكرتونه وباقي بجهز البيتادين والادوات

الله يسهل يارب واحد من الكتنز الي بطلعه والثاني كلنا حبيناه ودي اخصيه هو وابوه اقلها ارتاح من طلعته للشارع كل شوي بس عاد مادري متى اجي الرياض الله يعين

مشكلة الحمل والولاده ان المربي يتعلق بالكتنز وبنفس الوقت مضطر انه يصرفهم اذا كبرو وقلبه بيتقطع

دلوعة حبيبتي امي حنت عليها تقول خليها تولد عندنا بس ماتعرف لها عشان تساعدها يالله ان شاءالله ربي يساعدها ويسهل لها ان شاءالله

[دلوعةقطوتي]

الله يعينك ويسهل على قطوتك ويقومها بالسلامه
هو المشكله انك تتعلقين بالكيتز ولاتقدرين تخلينهم

[sisi_moon]

هلا هايدي

تحبينهم وتموتين فيهم وماتبين تفارقينهم , اوكي

بس تضغطين على نفسج . على حالتج النفسيه والماديه عشانهم..؟

لا كذا مايصير

مشكلتنا احنا هالتفكيرر

كل نقول لا لا نفرقهم عن بعض

وهم والله يومين ثلاثه وينسون الموضووع . تراهم يتأقلمون بسررررعه

وانتي اكيد بتصيحين وبتحزنين عليهم لكن بعد انتي مضطرره

خلي الابو عندج واكتفي

الكيتينز لاكبروا ماتدرين يمكن يرشوون وذيك الساعه شوفي كيف بتتعبيييييييين صح

وغير الام الحين حامل وكم اسبوع وبتولد وارجعي ربي كيتين من جديد

غير انه مممكن تجيب اكثر من خمسه بالاضافه الى الابو و الذكرين يعني بيصير عندج 9 ..!!

لا مرررره كثييييرر

اهم شي انج تربين حيوانج وانتي مبسوووووووطه وماتحاتين شي

وبهالظروووف مستحيل تكونين مرتاحه

ماعليه حبيبتي لازم تضغطين على عاطفتج شووووي . ولاتحاتينهم والله مابيدروون عن شي

اانا الكيتين يوم بعت امهم يومين بس شفتهم هادييين بعدها فلّوها من جديد ونسوا الموضوع

اعرضيهم للتبني هم مع الام واكتفي بالأبـــــو دامج تحبينه اكثر شي والله يهنييييييج فيه

توكـــــلي على الله ^_^