رد: اشتريت اغوانا و ابا نصائحكم
الايجوانه تبعتك كتير حلوه وبتجنن, بس لازم دير بالك عليها منيح,,
بالنسبه للارضيه مفضل انك ما تحطلها اياها نشارة خشب عنشان ما يفوت بمناخيرها وهادا بيخليها اتضلها تعطس, وكمان ما تحطلها جرايد عنشان ممكن الالوان تسكر المسمات اللي بجسمها,,
الايجوانه اللي عندك بعدها كتير صغيره وانك تربي كبيره اهون من انو تربي صغيره, جسمها بعدو نائصو كتير اشيا ولازم انتي توفرلها ياتو بالاكل اللي بتحطو,
اعملها سلطة فواكه وخضره مبروش وناعم- لانو اسنانها صغيره- ورائبها وشوفها الاكل اللي بتحب تاكلو اكتر شي, واللي ما بتئرب عليه ما تحطلها ياتو.. الايجوانه تبعتك لازم تعطيها اكل جاهز عشكل حبوب فيتامينات ومعادن ليساعد عنموها لانها صغيره, وكمان ما تنسى تعطيها وجبة حشرات لانو ما بيكفي الخضار والفواكه, متل يرقات صغيره او خنافس الطحين..
الايجوانا بتحب السباحه كتير عنشان هيكا مفضل انو تحطلها كمان وعاء واسع فيو مي نظيفه عنشان تفوت تسبح فيو.. حطلها بقاع الوعاء حجاره عنشان ما تكبو,
وكمان شغلي الايجونا بتحب انك تلاطفها وتحملها وتحطها عدراعك وكتفك. عنشان تتعود عليك ودير بالك ادا بدك تحملها لحدا غريب او لاولاد صغار انك تنتبه لذيلها عنشان لمن تخاف بتضرب وبتسلخ بذيلها.,
|