صورة بغبغائي الكاسيكو مع استفسارات

[جوري محمد]

السلام عليكم
اشتريت اللي كاسيكو قبل اسبوع وماعندي خبرة بالصراجة بس اشتريته لحبي لهذا الطير
قولوا ماشاء الله



ماعرفت اصورة صورة واضحة لان مو راضي يثبت بمكانه
طبعا مارحت شخصيا لما شريته وصيت اللي احد يشتريه وجابه اللي غالي
قال اللي هولندي وصغير وتوه مفطوم وياكل لحاله
ماكنت اعرف وش يعني هولندي اللي اعرفة ان الكاسيكو افريقي
اشتريته صغير عشان لا اتعذب معاه بس لما جابوه اللي بالبيت انصدمت كان حجمة كبير
ولونه رمادي غامق وذيله احمر
بالعادة اللي اشوفه يكون رمادي فاتح
مايعض واليف بس اظافيره عذاب
مسكين يحب يطلع من القفص ويركب فوقنا بس اظافيره تعذب بشكل مو طبيعي
صوته مو صوت الكاسيكو اللي اعرفه صوته مثل المخنوق حتى احنا نقول انه يشبه صوت الفقمه ههههههههه
والاحظ عليه لما اغر فرخ الكيروان اللي عندي يجي يفتح منقارة
واعطيته من الابرة صار اياكل ومتلذذ بعد
انا ااكل الكيروان خبز منقوع بماء
برازه اخضر واحس انه معاه اسهال هذه الصورة ان شاء الله تكون واضحة



استفساراتي

هل الهولندي يفرق عن الافريقي ؟ وهل هو اقل ذكاء ولا يتعلم الكلام ؟
وش الحل مع اظافيره؟؟؟؟؟
هل يضرة اكل الكيروان ؟؟؟
هل معاه اسهال ؟؟
اذا كان معاه اسهال وش الحل ؟؟
هل تنفع له خلطة الثوم بالليمون وهو توه صغير ؟؟
هل صوته طبيعي بصفته فرخ او عنده مشكلة ؟؟

[سمسم746]

ما شاء الله طير رائع و اختيار موفق
الهولندي لا يفرق عن الأفريقي كلهم واحد عدا انه من مزارع و مناعته ضعيفه
و لا يوجد اسهال هذا طبيعي
عليك بالتنويع بالأكل الحب الشمسي اساسي و الفواكه لكن بشكل قلبل مرتين بالاسبوع
و عوديه ياكل رز و ذره
و اهم شي انتبهي لمناعته من الجو البارد و المكيف
و بالتوفيق

[جوري محمد]

مشكور اخوي على الرد
وش بخصوص صوته هل هو طبيعي ؟
وهل اظافيرة لما يكبر تقل حدتهم او لازم ابردهم ؟؟

[نور زايد]

لازم توديه البيطري عشان يقص ظفورة حادة

مشاءالله عليه

مو اسهال هذا من تغير الاكل والفواكة

عطه حب الشمس




اكله المفضل

[جوري محمد]

مشكور اخوي نور زايد
اوكي الفواكه بقطعها مرة وحده بالاسبوع لاغير
اظافيرة اخاف عليه البيطريين اللي عندنا مو شاطرين داك الزود هههههه
اخاف والله يعوروه وهو توه صغير مسكين
بالنسبة للاكل اللي حطيته ما اشوفهم يبيعونه عندنا
الفول السوداني هذا اللي اشوفه بس
يبي لي ادور في محلات الطيور عن اكلات للكاسيكو غير الفول السوداني والحب الشمسي

[أتعبني غلاها]

تحصلي الاكل

قولي لهم اعطيني اكل بلجيكي مشكل للببغاء

بعضة يجيكي بقطع الفوكة و بعضه بدون قطع الفوكه و كلها تمام و كويسه

تحياتي

[جوري محمد]

مشكور اخوي اتعبني غلاها
ان شاء الله الليلة الزحف يكون لمحلات الطيور ادور اليه عن الاكل البلجيكي

[وليف العود]

وديت ببغاء لبيطري علشان أقص اظافيره وجناحهً ..

البيطري قالي ي ولديً لو ايش ما تعملً م اقدر اقص اظافير وجناح الطير ً ..

قلت له ليشً .. طيب علشان لمى اروضه ما يطير ويتعورً ..

قاليً الله سبحانه وتعالى اعطى الطير ريش علشان يطير فيه واعطى الطير اظافير علشان يتعلق فيهآ .. لمى انا اقصهآ له الطير راح يجلس اسبوع كاملً ما ياكلً ولا يشرب حالته النفسيه تتعبً ! .

تعجبت من هذا الدكتورً ..

والله قالي الخمسين ريال والمئة ريال انا اولى بهآ من دكتور اخرً لكن ما اقدر ارضي نفسي وما ارضي ربيً ..


بصراحه اقنعني كلامهً وقلت له ليت كل الدكاتره نفسكً ..

وشلت فكرة اني اقص جناح الطير واظافيرهً .. أذا صار اليف الطيرً م راح يئذي احدً فقلت ليش اقصهآ واخلي الطير تجيهً نفسيه لمدة اسبوعينً .

علعموم حبيت انقل الي صار معاي يمكن احد يقتنعً من كلام الدكتورً ,,


بالتوفيق للجميعً ..

[rahma_majed]

السلام عليكم اقلك مشان الاضافر بكرة تتعود عليها عادي بعدين هوه الي يقصهم لما يطولو لا تخاف عليه واذا كتير بدايقو اربط منشفة على يدك لا تعود تحس بيها ومشان ريشة قص له اطرافها يعني افرد الجناح وقص اطرافهم بالمقص العادي بس قدر 1 سم بس هيك ما يتوجع اولا وتانيا باكل وما تخاف علية
ومشان صوته كل ببغاء له نبرة محددة لما يكبر يصير صوته يشبة الباقي لاتخاف المهم لا تعميه سكر او شي بيه كافيين ولا عضم مشان ما يفترس عباد شمس و فواكه بس

[ابو حواش]

ما شاء الله اختيار موفق الله يخليه لكم والاضافر مو مشكله وبسيطه قصها انت وبدون بيطري البس قفاز وامسك اضافر وقص نهايتها وانتبه لا يطلع الدم قص فقط اطارفه الحاده وراح تتعود مع الوقت وتصير خبره بالقص وشكرا....