كل شي وفرنااه لكن .. مافيه بيض

[صوغة]

السلام عليكم

ان شاءالله الجميع وماتملكونه بأحسن حال

عندي زوج طيور الحب

وفرت لهم كل شي

القفص البياضة مفروشة بتبن ناعم

واعواد من سعف النخل

وربع بيضة كل يوم

وجرجير

وقطعة تفاحة 3مرات بالاسبوع

حبوب مشكلة

وعلى يقين انهم زوج ذكر وانثى من الفحص لعظمة الحوض للانثى ولفتحة الاخراج للذكر

ووعزلتهم بغرفة كنت احتفظ فيها ببغائي وقت البرد

وطبعا زعلوا وكل يوم ينادون على الطيور الي كانوا معهم ببلكونه داخلية

تركتهم شهر مايشوفوني الا لوضع الاكل او رفعه والتنظيف

لكن مافرحوني ببيضة

مع انه اليوم شفت الانثى بالبياضة قلت بشارة خير

بس مالقيت شي

فما الحل؟


شاريتهم بشهر 12 _2011 يعني من 6 اشهر

لها صور هنا قبل لا نكتشف ان الذكر بغال وانغيره

http://www.2zoo.com/vb/showthread.php?t=249461

وقالوا انها فرخ

هل انتظر حتى يتخطى عمرها السنة؟

ام فيه حل أأخر؟؟

وجزاكم الله كل خير

[مـحـمـاس الـمـنـحـاس]

هلا والله وغلا بأختي الغاليه

اختي صوغه
في البدايه انتي عارف ان الانتاج والتخصيب وغيره هذه ارزاق بيد رب العباد سبحانه وتعالى

من الممكن ان تفعلي كل شي لراحه الطيور وينقصها التوفيق من الله ولا تنتج

ومن الممكن ان تهملي ولا تفعلي اي شي لكن يوفق الله ويتم الانتاج


انتي تقولين ان الطيور ذكر وانثى اكيييد من خلال الفحص

س- هل سبق ورأيتي عمليات تلقيح بين الطيور؟

س- هل رأيتي الطيور تنقل سعف النخيل الى العش؟

للمعلوميه بعض طيور الحب يتأخر لديها البلوغ الى عمر 8 اشهر او اكثر بقليل

وغالبيه المربين يفضلون تزويج الطيور بعمر السنه


انا ارى من الافضل حاليا اخراج التبن من البياضه مؤقتاا
وتركها فارغه ووضع قطع من سعف النخيل في ارضيه القفص مع ملاحظه الطيور هل تنقلها او لا

لأن نقل السعف الى البياضه وبناء العش هو اكبر دليل على قرب وضع البيض

وللعلم
الانثى هي من تنقل السعف الى البياضه وليس الذكر(يعني ممكن تتأكدي من الجنس ايضا بهذه الطريقه)

واذا لاحظتي الطيور تنقل السعف الى البياضه تستطيعين ارجاع التبن الى البياضه

للمعلوميه فقط
هذه قصه بسيطه سبق ان حصلت معي واقولها لك لأن فيها عبره ممكن تكون الحل
في يوم من الايام قررت ان اخذ احد الاجواز الروز من غرفه الطيور واخليه عندي فالبيت للتغيير فقط
واخترت احد الاجواز غزيرت الانتاج اللي اعرفها عد وحطيته في البيت وجهزت لك مكان مناااسب جدا في البيت بعيد عن الازعاج وموفر له كل شيء
بس المفاجئه ان الجوز توقف عن الانتاج مع اننا في الموسم والجوز كان ينتج بغزاره
وتوقف انتاجه في البيت لمده اربع اشهر ومارجع ينتج الا لما جبت جوز ثاني وخليته قريب منه
(اصوات طيور اخرى من نفس الفصيله تعتبر من اكبر المحفزات للأنتاج)

اسف جدا جدا على الاطاله
واتمنى تحصلي منها نتيجه

[صوغة]

اهلين مشرفنا

جزاك الله كل خير على ردك الوافي

وللحقيقة ماشفتهم يتزاوجون لانه ما اراقبهم حابه اعطيهم اماان بعيد عن العيون

بس شفتهم فترات يوكلون بعض وبنظفون بعض وفترات يتهاوشون

واعواد سعف النخل القاها مقطعه بارضيه القفص كانهم يلعبون فيها وبس

وهم مرحين جدا بهلوانيين يحبون يراقبون الناس بشغف غريب

قبل لا احاول اهيئهم للانتاج كنت اغطي القفص من كل الجهات الا من زاوية واحدة بارضية القفص اترك 3سم فقط

واجلس اسولف مع درتي يسمعوني بس مايشوفوني

فينزلون من المجثم لهالفتحة 3سم وماشوف الا وجيهم اطل واتراقبني ويتهاوشون كلن يبي يطل قبل

ولو اظل ساعه على هالحال يظلون ساعة ماشوف الا عيونهم ومنافيرهم وهم يتابعوني

مرحيين جدا كانهم اطفال

مع انه احس الذكر يبدل ريشه يعني كبير


ان شاءالله بسوي بنصيحتك وان شوف وش يصير

والتوفيق من الله

الف الف شكر

لاخلا ولا عدم

[مـحـمـاس الـمـنـحـاس]

صوغه

مدام قلتي ان السعف تحصلينه مقطع في الارضيه
من هالكلام اتوقع انك تعطينهم السعف وهو اخضر وهذا غلط

سعف النخيل يفضل ان يكون ناشف جاف ويغسل جيدا ثم يوضع للطيور

لأن الطيور في الغالب تعتبر السعف الاخضر نوع من الغذاء عشان كذا تلعب فيه
وتقطعه لأنها تتذوق العصارات الموجوده فيه

خيتو
راجعي موضوعي في القسم بعنوان
اساسيات التربيه والانتاج

[صوغة]

لا ناشف وقالب لوونه للاصفر

لو اخضر ماتكسر بسهوله

وشفت موضوعك مشرفنا يعطيك الف عافية

سويت الي قلت لي عليه

وننتظر

جزاك الله كل خير

[صوغة]

بعد ما ازلت التبن اجلكم الله من البياضة وخليتها فاضية

وصرت احط لهم سعف نخل يابس يلعبون فيه بس مايدخلونه البياضة

لكن لاحظت يطيلون البقااء بالبياضة

هل هذا معنااه بشارة خير ؟

ارجع التبن ولا انتظر بعد؟

اخاف يبيضون على خشبة البياضة

وجزاكم الله كل خير