ممكن تعطوني فكره عن اسعار الاحواض في الاردن

[jordan1]

السلام عليكم

انا من الاردن سكان عمان

بس ممكن تعطوني فكره عن اسعار الاحواض هون في الاردن يعني انا ناوي اشتري حوض كبير شوي

بس يكون مرتب يعني الو قعده وكل شي

يعني تقريبا بهل مقاسات

150*80*60

200*60*60

كم اسعارهم هيك ...وياريت تكون الاسعار حديثه رح اغلبكم معي بعرف

بنتظركم حبايب

[Dr Khaled]

أخي الكريم
رجوعاً لما أعرفه عن الأحواض
قتقسم قسمين جاهز و تفصيل
و دعنا نقول لك عن الجاهز.

الجاهز السعر التي يتحكم به هو ماركة الحوض. فهنالك ماركات ضعيفة ك sunsun و ماركات قوية أمثال Jebo.

لكن إختصاراً للوقت تبدأ الأسعار من 190-200 فما فوق.

[jordan1]

شكرا دكتور .... بس السعر 190 - 200 الحوض لحاله يعني بس قزاز وواقف ولا حوض جاهز وكامل من قاعده والخ ....

وطيب واذا كان تفصيل كم بكلف اجمالا يعني مو انا اسويه اخلي واحد يسيو تفصل كم .؟!

واسف غلبتك معي

[basil-ramahi]

لكن تفصيل حوض المتر ونص رح يكلفك من 70-90 دينار زجاج فقط غير القاعدة الخشب

[jordan1]

صراحه مو مثل ما انا كنت متوقع

منت متوقع لححد 150 دينار .. لاني قبل فتره شفت حوض 120*30*40 وكان سعره 60 دينار

[basil-ramahi]

شوف السعر يلي حطو الدكتور للاحواض الجاهزة والتي تاتي مع غطاء و اضاءة بكبسة و خزانة بس ممكن تدور على مستعمل لكن انت وحظك

[jordan1]

اها .. طيب اخوي باسل بتعرف محلات ببيعو مستعمل ؟؟

[basil-ramahi]

شوف انا دورت فترة منيحة على احواض مستعملة لكن لم اجد يعني الشغلة صعبة شوي بالنسبة للمحلات فنادرا ما تلاقي محل ببيع حوض مستعمل الا اذا باعك واحد من الاحواض يلي حاطها لعرض الاسماك اما اذا اشترى حوض من احد وهذا يحدث نادرا فانو رح يطلب فيه سعر تقريبا مثل الجديد ممكن تترك خبر عند المحلات يلي بتتعامل معها في حالة انو اجي حد يعرض عليهم حوض وما اشتروه برنو عليك وانا هيك سويت تركت خبر عند محلات الوحدات وكانو يرنو بس اشي مبهدل واشي صغير وهكذا لكن احدى المحلات يلي بتعامل معها خدمني خدمة دلني على المشغل يلي بتعامل معو هو في الوحدات ببعتلك اسمو عالخاص هو اختصاص تفصيل احواض وفلاتر سامب و فصلت حوض عندو 150 ب 70 ب 50 كلفني 75 دينار تقريبا وفصلت غطاء مع برواز و خزانة و اطراف خشب على الزاية ب 250 دينار


فامامك عدة حلول:
تشتري حوض جاهز جديد
2-تستنى وتشوف حظك يمكن يطلعلك حوض مستعمل
3-تترك خبر عند المحلات
4-وانا بشجعو انك تفصل حوض ورح ابعتلك اسم المحل و المشغل
بالتوفيق

[jordan1]

طيب يا اخ باسل انت بتقول تفصيل 75 مع القاعده الخشب 250 يعني 325 دينار ..
طيب سعر 325 ديتار بتشتري احسن حوض جاهز واسهل واضمن وبوصلك بنفس اليوم

[Dr Khaled]

أخي خيارات في الأردن
أما أن تلجأ إلى الجاهز الكامل كما سبق و أخبرتك و هنالك الجديد و المستعمل لكن أفضل الجديد
أو إن تلجأ إلى التفصيل و هنا عليك بالتفكير في أن التفصيل ليس فقط فكرة الحوض فهنالك نظام الإنارة و الغطاء و القاعدة طبعاً أيضاً سماكة الزجاجة فكلها نقاط متشعبة فعليك من البدء تحديد وجهة ذهابك هل تريد الجاهز المصنع أم التفصيل ....؟

مثال حوضي كان تفصيل لأنني أميل للتفصيل لتلبية رغاباتي
فكان 100*40*40 سماكة 10ملم كلفني لوحده 50دينار و الغطاء على ذوقي فكان 10 دنانير
و القاعدة حديد كلفتني 20 دينار و هنالك نظام الكربون و خلافه و الإنارة أي أن الحوض قارب أن يصل بدون أي شيء داخله إلى 200-250 و هذه أسعار خاصة لي لأنني أعرف أناس هنا و هنالك و ليست أسعار السوق و حالياً أعمل غطاء أحدث تطوراُ و لن يكلفني كما يكلف الغير .... أما الجاهز يمكنك القفز عن كل هذا و دفع سعرة لقطعة فنية كاملة.