أول كروان لي أتمنى استفيد منكم ( صورة )

[نظرتي]

السلام عليكم




..




هذا أول كروان اشتريه
قالي صاحب المحل انه ذكر والعمر تقريبا 8 شهور لكن حابه اتأكد

كم عمره ؟
وكم المفروض ينام من ساعه
وهل ينفع لو سميته اسم هل راح يتعود على الاسم
وهل اخلي الاكل دايم موجود بالقفص ؟ أم اخليه وجبات محدده في اليوم

هل أستطيع أن اجعله أليف في هذا العمر ؟ لانه متعبني مره وخواف


يأكل احيانا اذا مديت له حبوب

ولكن لا يصعد على اليد ويعض كثيرا

ولا يخرج من القفص ابدا

وكل ماحاولت اطلعه من القفص مافيه فايده يخاف كثير ويعض

انا تحسفت اني اشتريت كروان غير مدرب لانه هذا سبب لي احباط

أتمنى تفيدوني فيه

[ZEAD^_^]

هلا اخوي منور المنتدى بالنسبه للجنس هو أنثى العمر والله مادري ولازم تخليه اسبوع عشان يتعود ولا تطلعه الا بعد مأيمر اسبوع وبعد الاسبوع دربه

[موـوكلي]

الطييير باين انه انثى

[طير المملكة]

عليكم السلام ورحمة الله وبركاته

مبرووك عليك الطير

بالنسبة عن الجنس اعدل على الاخوة الي ردوا طيرك ذكر 100%
وما يحتاج تتحقق يكفي ان نوعه نورمل يعني هالنوع دام وجهه اصفر ذكر

وعن العمر اعطيه من 6 شهور الى8 بالفعل والطير في مرحلة البلوغ وهذا واضح من وجهه
لاكن ننتظر صور اوضح حتى نأكد لك احسن نحتاج صورة يكون فيها بالكامل من التاج الى الذيل
واهم شيء التاج

النوم يكفي من 9 الى 12 ساعة بحيث يرتاح الطير

حاليا خلي الاكل دايما لان الطير جديد وخايف

تقدر تخليه اليف بأذن الله بس تحتاج شوية جهد

وبالتوفيق

[ابو ريمان]

اختي الله يسعدك مثل ما افادك الغالي ( طير المملكه )

الطير ذكر يا اختي وااضح وما يباله اي نقاش ولا كلاااام
وعمر الطير ما يتجاز 8 شهور مثل ما افادك العضو ( طير المملكه )

وثانيا يا اختي الله يسعدك بخصوص انك اشتريت الطير علشان التدريب والترويض صعب جدا في هذه المرحله وهذا واقعي

لكن ما في شي صعب بعد الجهد يالغاليه مثل ما افادك العضو ( طير المملكه )

بـ الممارسه والتعود والجهد كل شي يصير

لكن نصيحه يا اختي لكي الطير حق انتاااج وياريت تستفيدين منه اكثر
يعني !!!!

ياريت تجيبين للطير انثى لون حلو يا اختي وتخليهم حق انتاااج وكلها ان شاء شهر بالكثر
ويجيبون لكي فروووخ تفرحين فيهم
تاخين لكي فرخ وتربينه على هواكي يا اختي يطير ويرجع لكي واحلى تربيه

هذا من وجهة نظري يا اختي في الافضليه وكسب الطير ,,^_^,,

[نظرتي]

يعطيكم العافيه ..


لكن استغرب من اللي يقول انه انثى !



أخوي طير المملكة الله يعطيك العافية

وهذي صور مع التاج اتمنى تكون واضحه ..




..




..

[نظرتي]

المشاركة الأصلية كتبت بواسطة ابو ريمان

اختي الله يسعدك مثل ما افادك الغالي ( طير المملكه )

الطير ذكر يا اختي وااضح وما يباله اي نقاش ولا كلاااام
وعمر الطير ما يتجاز 8 شهور مثل ما افادك العضو ( طير المملكه )

وثانيا يا اختي الله يسعدك بخصوص انك اشتريت الطير علشان التدريب والترويض صعب جدا في هذه المرحله وهذا واقعي

لكن ما في شي صعب بعد الجهد يالغاليه مثل ما افادك العضو ( طير المملكه )

بـ الممارسه والتعود والجهد كل شي يصير

لكن نصيحه يا اختي لكي الطير حق انتاااج وياريت تستفيدين منه اكثر
يعني !!!!

ياريت تجيبين للطير انثى لون حلو يا اختي وتخليهم حق انتاااج وكلها ان شاء شهر بالكثر
ويجيبون لكي فروووخ تفرحين فيهم
تاخين لكي فرخ وتربينه على هواكي يا اختي يطير ويرجع لكي واحلى تربيه

هذا من وجهة نظري يا اختي في الافضليه وكسب الطير ,,^_^,,

.............


الله يعطيك العافية

طيب الانثى تكون بنفس العمر 8 شهور ؟ او ماهو العمر المناسب للأنثى

[ابيض الخدين]

اول شي اخوي طيرك ذكر مليووووووووووووووون بلمئه

بنسبه للأنثى عادي خذ له انثى من عمره

بس افضل بعد اذا اخت انثى اصغر منه بشوي اب شهر مثلاً بس اذا كذا يبقالك تصبر لئنو طيرك عمره حول 8 شهور فائذا اخت انثى عمرها اقل من بتصير يعني 7 شهور يعني يبقالها وقت على ماتجهز

بس على العوم ماتفرق اهم شي خذ انثى جاهزه حق الانتاج او على مرحلة جهوزية وركبهم على بعض ومايصير جاهزين الى وهم متوالفين انشاء الله وبتووفيق انشاله لك

[طير المملكة]

المشاركة الأصلية كتبت بواسطة نظرتي

يعطيكم العافيه ..


لكن استغرب من اللي يقول انه انثى !



أخوي طير المملكة الله يعطيك العافية

وهذي صور مع التاج اتمنى تكون واضحه ..




..




..

عادي اختي الكل يغلط والبعض يقرأ معلومات ويفهمها خطأ
مثلا لما يقولون لك نقدر نفرق بين الذكر والانثى عن طريق الخد هذي كلام صحيح
ولاكن مو كل اواع الكوكتيل مثل الشيء واعتقد شافو الخد شوي فاتح فقالوا على طول انه انثى
والكل يخطئ

المهم بالفعل مثل ما اكد لك الخبير بو ريمان الطير ما يتجاوز ال8 شهور

وهذا واضح عليه ولاكن الي يبان انه في نهاية مرحلة البلوغ واظن انه يحتاج شهر زيادة
عشان يكون جاهز

وانا مع راي الغالي بو ريمان لو نيتك التدريب انتجي منهم ودربي فروخهم

تقدرين تروضين الحالي لاكن ما راح يكون مثل الطيور الي من يوم وهي فروخ مع صاحبها
لاكن بعد اقول ممكن ترويضه وتخلينه وليف لو تبغين والموضوع مو مستحيل ابد

وبالنسبة عن الانثى ما يحتاج تكون نفس العمر ولا ضروري تكون اصغر
اهم شيء انها بالغة واذا تبغين ضمان بأذن الله خذي انثى عمرها فوق ال10 شهور

[qassem]

طيرك ذكر 999999999999999999999999999%
مايباله كلام لان هذا النوع اذا مان انثى يكون راسه رمادي واذا كان ذكر يكون راسه اصفر مثل الي عندي