همستري مأت : (

[صرت أحبـہ]

هلـا !

وأحد من البيبز مات !!





أول مرهہ أخليهم فـ البيت وأروح عنهم يوم كأمل . .

أول مأ رديت ، ع طول سرت آشوفهم
شفت العجلـہ طأيحـہ عليـہ وهوهـہ تحتهـا
شليت العجلـہ وركبتها فـ مكانهـا ، وأننأ أتحرآه رأقد

حركتـہ ، مأ قـام !!
شليتـہ فـ أيدي . . يـأبس

العجلـہ فيهأ فتحات !! يقدر يتنفس . .
عندهـہ المأي والأكل ! وهوه أمتن وأحد من البيبز !!

والحين سرت أشوف أمـہ ، ضعففأنـہ ><
وربيَ الأكل عندهم [ خيأر ، خس ، جزر ، تفاح ، جبن ، حبوب ] !!!

[FrEe LeGeNd]

يمكن العجله ثقيله عليه وضربته في راسه يوم تطيح

على العموم ربي يعوضك في غيره ان شاء الله

[صرت أحبـہ]

لأ هيـہ خفيفـہ !

أنزين وببأتي !
ظهرت من القفص ، وتركض فـ الغرفـہ !
رحت بحطهأ فـ الكورهـہ ، شفتهأ منسدحـہ ع ظهرها !!
حركتهأ ، مأ تتحرك !!
وريولهأ وأيدينهأ يتحركن بخفيف ! وعيونهأ مفتوحـہ !!

يأربيــہ مأ أدري شفيهن مرهـہ وحدهـہ !!

[medo_osama]

يمكن كان جوعان

[بائع الهامستر]

احتمال ما تكون العجلة هي سبب موت الصغير

بس عندي سؤال

هل فيه اعراض مرض عليه من قبل ؟

مثلا ذيل رطب او تساقط فرو او اي شي ما كان طبيعي

[صرت أحبـہ]

أهلا بآئع الهامستر :

لـأ أبد ما ما كان فيـہ شي

بس مره شكيت أن ف عيونـہ شي ،
حطيت صورتـہ والاعضاء قالو سليم !

[صوغة]

اذا الام ضعفانه يمكن فيها مرض وانتقل لهم

لاحول ولا قوة الا بالله

الله يعوضج

[بائع الهامستر]

عموما ، وبحكم خبره

فترة الصيف والحر يكثر موت الهامستر

وبعضها بدون سبب والله

انا كمربي لها من سنوات اعاني من هالمشكله

بالشتاء الوضع اوكي ونادر يموت عندي هامستر حتى لو كان صغير

بالصيف العكس ، يكثر موتهم

ومرات ما يكون الهامستر صغير ، اصحى من النوم القى زوج ميتين بقفصهم وهم امس سليمين ميه بالميه

وصارت لي اكثر من مره

لكن ان شاءالله الهامسترات الباقيه تعوضك عن اللي ماتوا

[Mad Mood]

اهلين صرت احبه

الله يعوضك في هامسترك

يحصل معي كثير الاقي هامستر ميت بدون سبب

وياما تعبت في البحث عن تفسير مقنع لهالحالة بدون فايدة

في الغالب لما اشك بأن واحد من هامستراتي تعبان اتفاجأ بموته بعدها بأيام.. وهنا أتكلم عن ضعف عام في الجسد مو مرض واضح

وكان الحل اللي نصحني فيه البيطري مضاد حيوي بودرة يخلط مع ماء المشربة ويعطى للهامستر لمدة خمسة ايام فقط.. وفعلا كان له اثر كبير وأنقذ كثير من هامستراتي من الموت المفاجئ باعتقادي ورجع لهم صحتهم وقوتهم بحمدلله

وأنصحك تستخدمينه مع باتي ومع اي هامستر تحسين بضعفه.. اسمه Cyclovit-m 5% وهو بودرة توضع في السقاية لمدة خمس ايام فقط.. الجرعة: ملعقة صغيرة في كوب ماء

[Bedor]

الله يعوضك انشالله