لعبة حلوة وسهلة من إبتكاري

[ابو التواريخ]

السلام عليكم
اليوم وأنا قاعد في الحوش وميت من الملل وقعت عيني على نخلة صغيرة وقررت أصنع من أغصانها لعبة لطيوري
والأشياء الي راح تحتاجها موجودة في كل بيت وهي كالتالي
1. محش مدري وش اسمه بالعربية الفصحة بس هو الي يعدلو به النخيل الصغيرة حجمه أصغر من العكفة بشوي
2. سكين
3. نصف متر خيط صوفي المستخدم في الحياكة
الآن نجي للتنفيذ
أولا نتوجه للنخلة وناخذ منها غصن صغير
[IMG][/IMG]

بعد كذا نقص الغصن ونخلع منه السعف حتى يصبح بهذا الشكل
[IMG][/IMG]

وتالي نقطع الغصن قطع صغيرة ونحفر فيها حفرة صغيرة بالسكين حتى مايتحرك الخيط لاحظ الصورة وتعرف قصدي
[IMG][/IMG]

بعد كذا نربط القطع الصغيرة مع بعضها بهذا الشكل
[IMG][/IMG]

وأخيرا نركبها في القفص وهذا شكلها النهائي وشوفو بوبي متحمس أول ماركبتها تقرب منها يبي يلعب فيها
ماشاء الله
[IMG][/IMG]
ملاحظات خفيفة
* التصوير كان بالجوال فأعذروني على رداءة الصور
* الموضوع كتبته على الطاير و أعذروني على القصور
*تقدر تستبدل أغصان النخيل بأي نوع آخر مثل أغصان التوت ولكن أنتبه لأن في بعض النباتات سامة
*هذا الموضوع من مجهودي ولا أسمح بنقله إلا بذكر المصدر
*وأخيرا إن أصبت فمن الله وإن أخطأت فمن نفسي ومن الشيطان