طريقتي في ترويض الكاسكو بتاعي من الالف للياء

[wal___eed]

السلام عليكم ورحمه الله وبركاته


صباح الخير / مساء الخير للجميع


راح اشرح لكم بالتفصيل طريقتي الي روضت فيها ببغائي من الالف للياء

معلومات :

الكاسكو شريته يوم الاربعاء تقريبا له الحين عندي قرابت 7 ايام

عمره 9 شهور مو اليف يجعر ومايطلع ع اليد وعنده كلمه وحده الي سمعتها منه الي هي اسمه يعقوب

اوما العض ماصادني الى الان الحمد الله بس اتوقع ان عضته خفيفه بحكم صغر سنه

=======================================


اول مادخل الطير البيت حطيته بمدخل البيت بين ا لصاله والمقلط والمجلس يعني مكشوف عنده البيت كامل تقريبا

رفعته قرابه المترين وتركته لمده ثلاثه ايام بس اعطيه الاكل وانظف القفص يومياً كل ظهر

بديت معاه بالفواكه والخضروات يومياً من الظهر احطها لها واشكل فيها بين حين واخر يعني مره تفاح وبرتقال مره موز وخوخ مره جزر ومرات بطاطا مسلوقه مع بيضه مسلوقه مرات خبز مخمور في ماء دافي مرات بليله مسلوقه مع ذره ومن هـ القبيل طبعاً تقريبا كل يوم صنفين

وفي الليل قبل مادخله ينام ع الساعه 9 احط له الحب المشكل + الفيتمينات والظهر يبدا البرنامج الغذائي وع هالحال ....

طبعا بديت اروضه من امس اول ماسويته شلته بالقفص لغرفه هادئه نسبياً طلعته من القفص وخليته يطلع ع غطاء القفص بعدين بشويش قربت فوق رجولي وقريب من صدري

بعدها بشويش ومع الكلام والمنادات بأسمه بهدوء رفعت يدي فوق راسه ومع الجعير ومحاولت العض لحد مالمست راسه مره ومرتين وثلاث وبديت احك راسه بشويش

بدايه حلوه جلست معاه تقريبا ً ربع ساعه بعدها حطيته بالقفص واكرمته بالفول السوداني ثلاث حبات

وخليته ينام ....


اليوم الظهر بديت معاه الترويض لليوم الثاني طلعته بنفس الطريقه بس بالصاله وحطيت غطاء القفص بالارض طبعاً جلس يتمشى شوي بالارض

قربت منه شوي شوي ومعاي عصا نفس العصا الي يجلس عليها بالقفص وبهدوء تام حطيتها تحت رجوله وقلت له اطلع ومع الجعير الخفيف الحمد لله طلع ع العصا .. طبعا انا مجهز معاي قطعت تفاحه عاد اهو يحبها حيل قدمتها له وهو ع العصا بشويش وبدا يأكل منها انتقلت للخطوه الثانيه

بدال ماكنت جالس صرت واقف علشان مايطير ويهرب ومع الجعير والصراخ بديت اهديه بالكلام والتصفير وامدحه واثني عليه بعدها بشويش بديت احك راسه والحمد لله تجاوب معاي

وصار هادي بعدها نزلت يدي الى الاسفل راح اهو دايركت وطلع ع يدي وبديت احك راسه مره ثانيه

جلست معاه مايقارب النص ساعه بعدها اتجهت يم القفص وانا امشي وهو ع يدي ودخلته مع الباب واكرمته بالفول السوداني والفواكه

والحمد لله الان اهداء من اول بكثير وتروض تقريبا لما يقارب 80% بس باقي التكرار معاه بنفس الطريقه لحد مايستوعب الدروس

======================================


هاذي قصتي من البدايه للنهايه انشاءالله تستفيدون من هالتجربه

وتروضون طيوركم بكل يسر وسهول


ودمتم بود

[mur1415]

مشكوور على الموضوع بجد موضوع مفيد
وانا توي شاري تمنه بجرب معه الطريقة قريبا ان شاء الله

[wal___eed]

المشاركة الأصلية كتبت بواسطة mur1415

مشكوور على الموضوع بجد موضوع مفيد
وانا توي شاري تمنه بجرب معه الطريقة قريبا ان شاء الله

الف شكر لك حبيبي ع المرور وانشاءالله تستفيد من التجربه

[مجنون بالببغاء الرمادي]

تسلم هاايدين الي كتبت الموضووع الحلو مثل الي كتبه
مشكور وماقصرت انا بانتظار جديدك..
تحياتي :مجــ ن ــون بآإآإآإآإآإإآإلبـ،،،،،بغآإآإآإآإء آإآإإآآإلإفرييــــــقيــ,,,,

[wal___eed]

المشاركة الأصلية كتبت بواسطة مجنون بالببغاء الرمادي

تسلم هاايدين الي كتبت الموضووع الحلو مثل الي كتبه
مشكور وماقصرت انا بانتظار جديدك..
تحياتي :مجــ ن ــون بآإآإآإآإآإإآإلبـ،،،،،بغآإآإآإآإء آإآإإآآإلإفرييــــــقيــ,,,,

تسلم حبيبي ع الكلام الحلو والمرور الاحلى

ودي وتقديري لشخصكم الكريم

[عآآشق الهآمستر]

مـاشـاء الله تبآركـ الله..اقولكـ انت مدرب رآئـع
7 ايـام فقط ماشاء الله يعني ما امدآهـ ما شاء الله
بس المشكـلة انا ودي اقنع احد اقربآئي...عآد انا مأخذ ببغآء من احد آقربآئي يقول ترى عآدي الحبوب الشمسية وزي كذا بالحـالها قلت لا عاد هم ما اقتنعوا وبرنامجكـ مرهـ رآئع ماشاء الله والله يطرح لك إلي فيه الخير والبركـة
تحيتيـ لكـ اخوكـ ..عآآشف الهآمستر..

[wal___eed]

المشاركة الأصلية كتبت بواسطة عآآشق الهآمستر

مـاشـاء الله تبآركـ الله..اقولكـ انت مدرب رآئـع
7 ايـام فقط ماشاء الله يعني ما امدآهـ ما شاء الله
بس المشكـلة انا ودي اقنع احد اقربآئي...عآد انا مأخذ ببغآء من احد آقربآئي يقول ترى عآدي الحبوب الشمسية وزي كذا بالحـالها قلت لا عاد هم ما اقتنعوا وبرنامجكـ مرهـ رآئع ماشاء الله والله يطرح لك إلي فيه الخير والبركـة
تحيتيـ لكـ اخوكـ ..عآآشف الهآمستر..

تسلم حبيبي عاشق ع طلتك الحلوه وتكفيني قولتك ماشاءالله

ياقلبي ااهم شي تغير له في الاكل وتجبره ياكل منه حتى لو يجوع ضروري التغير والتنويع بالاكل

علشان الفوائد الي بالاغذيه الاخرى ...

[راينو]

طريقة حلوه و سهلة
بس حبيت استفسر وش سلبيات هالطريقة ؟
معليش لا تزعل من سؤالي
لان ان شاء الله راح اجرب الطريقه

[ღ الـوفـا كلـهـ ღ]

مآشآءالله عليك يآولييد ..

طريقتكـ حلووهـ ,, وجآبت نتآيج .. وأحسن شي تعويد الطير على الفوآكهـ من البدآيهـ ’’’

الله يخليهـ لك ويحفظهـ ,,

[طير جديد]

اول شي على البكره الطير الجديد
مشاء الله تبارك الله
مبروك نسبة الترويض عقبال ما يصير تب التب
والطير حلو انك تنوع له بالاكل الله يخليه لك ويحفظه ربي من كل شر
تمنياتي لك بالتوفيق والاستمرار الايجابي