أهداء ل " ابـ اروى ـو ول بقية الاعضاء"

[عآفك آلخآطر]

بسم الله الرحمن الرحيم
شخباركم ان شاء الله بخير
.
-
.

أول شئ الحمدلله على سلامتي واسمحولي غبت عالمنتدى اسبوع لاني كنت مسافر
وبالاسبوع هذا وكلت اخوي انه يهتم بالحيوانات حقي من هامستر وسمك ودواجن
وماشاء الله بالاسبوع 9 بيضات من الدياي بالاصل 8 بس يوم رديت من السفر حصلت وحده
وابوي عطا المزارع 4 بيضات

وبعد الفري معاناة معاه يمكن 4 او 5 اسابيع ولا باضو واليوم الحمدلله يوم رديت من السفر لقيت بيضتين حجمهم صغييييييييييير

وحبيت أبارك حق اخوي ابـ اروى ـو على اللون اليديد وان شاء الله تكون قد المسؤولية وتبيض وجه الادارة . .

وهذي صورة البيض


بيض الفري ما يبين ههههههههههههههههه

عندي سؤال : /
الحين انا ابا الدجاج يبيض ويقعد على بيضة كيف ؟
أتمنى تعطوني جواب
انا حطيت لهم دلو حق الصبغ
وحطيت لهم العفش من جذع النخيل بس لونه بني عشان يسوون العش
ينفع كذا ولا ؟


يلا مع السلامة

[عآفك آلخآطر]

>>>>>>>>>>>>>>>>>>>

[صمت الأمل]

أهلين وسهلين (( ما )) عافكـ الخاطر >> على قولة أبو اروى ..


حمد اللهـ على السلامهـ ..


خلاص بما ان أخوكـ اهو اللي اهتم بهم هالأسبوع فالبيض لهـ .. أمزح كلكم سوا ..


ماشاء اللهـ باض السمان ..


ياللهـ عقبال التفريخ وتشوف الفراخ تسرح وتمرح بالمزرعهـ .

عندي سؤال : /
الحين انا ابا الدجاج يبيض ويقعد على بيضة كيف ؟
أتمنى تعطوني جواب
انا حطيت لهم دلو حق الصبغ
وحطيت لهم العفش من جذع النخيل بس لونه بني عشان يسوون العش
ينفع كذا ولا ؟

ايهـ ينفع وممتاز ,, الحين لازم تنتظر الدجاجات يعجبهم المكان ويستقرو فيهـ .


ولو تقدر تضع سطول الصبغ في أماكن بعيدهـ عن النظر يكون أفضل حتى تأمنهـ الدجاجات أكثر .


الرجن ما احد يقدر يحدد لكـ وقتهـ بالضبط ,, لكن ان شاء اللهـ ربي يرزقكـ وماتعدي هالسنهـ الا والدجاج مرجن .


اللهـ يوفقكـ معهم وكل الشكر لكـ .

[عآفك آلخآطر]

صمت الأمل

خخخخخخخخخخ لا لا ما بعطيه البيض < طماع خخخخخ
اها مشكورة بس انا حاط الدلو داخل على آخر القفص

[سميح]

السلام عليكم
الحمد لله على سلامتك يا أخوي الغالي
ما شاء الله اللهم زد وبارك
أن شاء الله الفرخ 100

[ابـ اروى ـو]

هلا حبيبي ( ما ) عافك الخطر مشاء الله لقطتها صمت
وعليكم السلام ورحمة الله وبركاته
الحمد لله على السلامه
افتقدناك كثيرا واشتقنا لك اكثر
لم تخبرنا انك ستغيب فحزنا عندما لم نشاهدك بيننا
شكرًا على هالاهداء
مشاء الله تبارك الله
اللهم زد وبارك
انت على اجر فتاكد ان ما اكل العامل سيكون لك عليه اجر
لا تنسى اخيك اشركه في أمرك يبارك الله لك في مالك
جميل ما صنعت طبق ما قلته اختنا صمت
اتمنى ان ترجن دجاجتك بأسرع وقت ممكن
وان كنت مستعجل على مشاهدت إنتاجك اشتر فقاسه صغيره جداً
شكرًا على التهنئة وارجو من الله ان يعينني واكن عند حسن ضنكم وضن الادارة بي
تحياتي وتقديري
دمت سالما

[ابو عبدالله**]

مبرووووك عليك

والله يبارك لك في حلالك وانا انصحك

تاخذ لك فقاسه صغيره

وتبدا تحط البيض فيها ويبدا الانتاج

ويتكاثورن عندك

بالتوفيق

اخوك\ابو عبدالله

[عآفك آلخآطر]

تسلمون على المرور انا حصلت فقاسة 24 بيضة
بس أبوي ما رضا قال لازم تهتم فيهم ومادري ايش
راح احاول معاه

[امير الديكي]

ان شاء الله الله يباركلك ويزيد