عادي أغير نشارة الفضلات للأم الوالد ؟ (أعزكم الله )

[صوغة]

السلام عليكم

ان شاءالله الجميع وماتملكونه بأحسن حال

هالحين الام الوالد أعرف وين زاوية حمامها بالقفص وانتوا بكرامة

يصير أغيره اشيل هذا الجزء من النشارة وأحط لها اللتر بوكس تبع الهمسترات ورمل وفوقه شوي من النشارة الي فيها فضلاتها عشان تعرف ان هذا حمامها؟


وماراح أغير الا هذا الجزء من النشارة

هذا التصرف فيه خطورة على الصغاار ؟

شرايكم؟

والف شكر

[Mad Mood]

وعليكم السلام اهلين صوغة

اي يصير.. والطريقة اللي ذكرتيها برأيي هي الطريقة الوحيدة الصحيحة لتعليم الهامستر على اللتربوكس

ولا ابد مافيها خطورة بالعكس فايدتها كبيرة لأنها تعزل الفضلات عن بقية القفص والنشارة اللي يمشون عليها وهذا يعطيك وقت اكثر قبل تغيير النشارة وتنظيف القفص.. وأساساً أخطر شي على الهامستر وأكثر ما يصيبه بأمراض ويسبب الرائحة الكريهة هو مكان البول اذا طول ما تغير وتكونت عليه فطريات تكرمين

تنظيف القفص بشكل عام لا يؤثر على نفسية الأم سلباً ما دام صغارها كبروا ونما فروهم مثل اللي عندك.. الخطر يكون لما يكونوا توهم والدين.. وقتها فقط يصير تغير رائحة القفص والنشارة سبب ممكن يدفعها لأكل صغارها

[صوغة]

الله يجزاك كل خير

تم التنظيف الحمدلله وانا اشغلها بقطع أكل عشان ماتستغرب يدي والقفاز

اشوفها مبسووطه على رمل اللتر بوكس كأنها ودها تاكله هههههه



الف الف شكر لاخلا ولا عدم