اشترك في نشرتنا البريدية ليصلك كل جديد

*الكاسكو* · 01-12-2012, 04:23 PM

السلام عليكم ...

يانااااااس وش السالفه ...

الانثى طلعت مجنونه ....

اللي صار ...

بعد مدة فصل اسبوع ... رجعت الانثى لقفص الذكر مع البياضه ... اول يوم : الهواش المعتاد تضربه اذا كان قدامها او تبعده عن الاكل ...

ثاني يوم مادخلت عليهم ....

ثالث يوم اللي هو اليوم ...

عيوني طارت ...

الذكر والانثى واقفين قدام بعض وقريبين اللي يشوفهم يقول هذولا عشقهم لاينتهي ... وهذا اللي حسيته ...

فجأه ...

فجأه ....

فجأه ...

الذكر المسكين تجيه ذيك السطره اللي طيرته ...

صارت الانثى تلاحقه وتضربه ( للعلم الذكر قوي وسريع ماتوصله الضربات )

صارت المرجوجه تصارخ وتطلع صوت رنين ناعم وقوي زي الجرس ... وتصفر وتطلع اصوات ماكد سمعتها ابدا من ذكر او انثى ( اصوات غريبه )

كأنه الهنود الحمر

ملاحظات :

الانثى تدخل البياضه كثير وتكسر خشب وتعضض بوحشيه ....

فضلاتها ( اعزكم الله ) زاد حجمها عن اول بكثير وغلظ ....؟؟؟؟؟؟

مرابي جديد · 01-12-2012, 04:33 PM

الانثي في وضع البيض
ويفيدوك الشباب

*الكاسكو* · 01-12-2012, 04:36 PM

وشلون وضع البيض وهي بس تلاحق الذكر المسكين وتضربه ؟؟؟

ولون الكير صار ابيض بيج غامق شوي ... اول كان ابيض مع سماوي ....

ممكن تفسرون اللي حصل ؟؟؟ ايش معناه ...
خايفين على الذكر والانثى ...

الكادي هواها · 01-12-2012, 07:11 PM

وعليكم السلام
طيورك مو متوالفين وهذا السبب
افصليهم مره ثانيه ثلاث ايام بحيث مايشوفو بعض
بعد كذا دخلي الانثى على الذكر في القفص
تكوني رافعه الاكل عن الانثى كم ساعه واذكر لا وقبل
ما دخلينها ارفعي الاكل من عند اذكر ودخليه عليه حتى
تكون جوعانه وراح تطلب من الذكر الاكل وبطريقه راح يتوالفو
ان شاء الله

*الكاسكو* · 01-12-2012, 07:14 PM

جاري التنفيذ ،...

لكن ماسبب كبر الفلضلات للانثى ؟؟؟؟

يوم كنت فاصلتها اسبوع كانت طبيعيه الان لا ؟؟!!

الكادي هواها · 01-12-2012, 07:20 PM

اسبب انها في مرحله الجهوزيه وقرب وضع البيض

الجوهرة هنادي · 01-12-2012, 07:45 PM

مثل ما تفضلت الاخت "الكادي هواها"

كبر حجم الفضلات يدل على قرب وضع البيض

بالنسبة للشجار اتبعي طريقة "الكادي هواها" وان شاء الله تنفع

وعلى فكرة:حتى الجوز الي عندي يتشاجر فانت محظوظة لان الذكر يستطيع الهروب من الانثى اما

انا لا يستطيع الهروب منها لكنه يدافع عن نفسه رغم انها اقوى منه

موفقة

*الكاسكو* · 01-12-2012, 08:50 PM

اقتباس:

المشاركة الأصلية كتبت بواسطة الجوهرة هنادي

مثل ما تفضلت الاخت "الكادي هواها"

كبر حجم الفضلات يدل على قرب وضع البيض

بالنسبة للشجار اتبعي طريقة "الكادي هواها" وان شاء الله تنفع

وعلى فكرة:حتى الجوز الي عندي يتشاجر فانت محظوظة لان الذكر يستطيع الهروب من الانثى اما

انا لا يستطيع الهروب منها لكنه يدافع عن نفسه رغم انها اقوى منه

موفقة

البادجي حقي الذكر ... اخترته بعنايه ... شي يتناسبمع الانثى الشرسه ...
سويت حرب بالمحل لين حصلت اللي ابيه ... سويت فحص للطير لحاله حطوه لي بقفص كبير ... وطلبت تخويفه عشان اشوف ردة فعله ... اذا سريعه ممتاز اذا بطيئه ماينفع مع انثى مقاته ....

*الكاسكو* · 01-12-2012, 08:59 PM

يعني التصريخ والازعاج هذا تقل هندي .. عشان تخوف الذكر ...

*الكاسكو* · 02-12-2012, 07:19 PM

بعد قراءة طويله البارحه ...

جوعت الانثى العصر والمغرب ....

ودخلتها على الذكر وهو شبعان ... وشلت اكله ...

جلست اراقب واراقب ...

مازالت تضرب الذكر لكنه ضعيفه ماتقدر تتابع ... (قريت انه اذا وصلت حدود الجوع القوي اكلها الذكر ) >>> لكني خايفه شوي ...

الانثى ماصارت تسوي شي منسدحه على ظهرها وتصلع صوت صفير خفيييف وطويل ...

... الذكر الان بجنبها كلهم فوق البياضه ... وهذي صوره ....http://i.imgur.com/icmdD.jpg

الانثى الان تدخل البياضه ...
رأيكم !