مشكلتين في الكاسكو ( العمر : 7 شهور ) !

[♥ Noor]

السلام عليكم ورحمة الله ..

عندي كاسكو له شهر وشويه عندي ..

مشكلته الاولى : انه صار نحيف وهزيل مررره , كان ياكل اي شي اجيبه له وانا كنت انوعله عشان لما يكبر يكون متعود ع جميع الاكل ..
الان ما صار ياكل الا بكمية قلييييلة ! حطيت جزر مسلوق وبطاطس وفواكه وحبوبه وخيار وخس وكل شي ..
كلها ما ياكلها بس ياكل شويه منها , ما ياكل غير الفصفص ( دوار الشمس ) حتى التفاح كان يحبه الان ما ياكله كثير .. ايش تنصحوني من فيتامينات لفتح الشهيه و فيتامينات للريش وكذا .. او شو اسوي !

مشكلته الثانيه : عمره صار كبير والى الان ما يطلع ع اليد ! جربت التجويع ما نفع , حطيت قماش ع يدي وبعدين شلته يمشي ويطلع ع الكتف , ياليت تفيدوني بطرق تدريب ع طلوع اليد ونزول القفص , اليوتيوب لفلفته ما نفعت معاه الطرق ( مع العلم اني بمجرد ما اقرب كتفي يطلع عليه ) !

واسسفه ع الاطالة , بس مرررت فترة ما فتحت المنتدى فيها بسبب الاختبارات !
ويعطيكم العافيه ..

[ابو على2]

اول شي اخوي ارجو ارفاق صوره علشان نحكم على الببغاء ثاني شي كان افضل تدربه وهو صغير بس مافي مشكله امسك اطير ووقفه على اصبع من ايدك وجيب ايدك اثانيه وحطها على رجليه هو طبعا مايبي احد يلمس رجليه لما تحط اصبعك على رجليه قله اطلع او هب فوق او تعالى الخ وانشاء الله في نصف ساعة راح يتدرب معك بس لازم التدريب المتوصل علشان يحفظ التدريب وماينساه وانا في انتظارك لكي تنزل الصوره بتوفيق

[saeed bahattab]

اخوي اذا تبى تدربه اعطيه جائزة كل مره يطلع اعطيه اي شيء ((حبوب دوار الشمس ))

[Arashi]

بالنسبه للمشكله الاولى والله اعلم يمكن شوي مريض..سمعت ان في فيتامينات تفتح الشهيّه لكن بترك الامر للخبراء ^^

مشكلة الطلوع عاليد ببغائي كان نفس الشي واخذ مني شهور عشان يطلع عاليد...بقول لج ايش سويت وممكن الطريقه تنفع معاج ^.^

اولا لما تركبينه على يدج الكوع 90 درجه عشان لايركب عالكتف
ثانيا جوعيه ولا تعطينه اكل الا وهو على يدج فقط
ثالثا اشغليه باللعب على يدج فلو كان ما يعض لعبيه باصبعج ولو كان عضاض لعبيه بأي لعبة أطفال..مششيها على راسه وخليه يحاول يصيدها (تخيليه طفل ^^)
رابعا كلميه بنبره حنونه وصفري له...لو كان م نالنوع المستمع ويحب يتعلم راح يركز على صوتج طول ماهو قاعد على يدج


وسؤال...ممكن اعرف عمره كم؟ @@


ياختي احنا البنات مادري ليش الطيور تغربلنا هههه XD

[Arashi]

اوه سوري توني أنتبه للعمر من العنوان ^^

7 شهور عمر جميل وممكن يتعلم بسرعه لو عطيتيه من وقتج كل يوم لو ساعه تدريب

[Mzajnji]

انا جربت طريقه مع ببغاء مروض خلال اسبوع وهو يطلع على يدي بس كانت عندي محاولات معاه من شهرين لكن لمن سويت الطريقه ذي ضبطت معاه
اول شي كنت اشيله بالقوه واحطه على يدي وهذي لطريقه خطأ بس كنت الفلف فيه بالبيت وهو على يدي. هذي طريقه وماانصح احد يسويها.
الطريقه الثانيه وهي خلال اقل من اسبوع والطائر صار يطلع على يدي كنت اخليه على العصايه فوق القفص واجيب اليدين على شكل اكس ومائل من اسفل الى فوق واخليه بين اليدين وادفه دفه بسيطه بحيث تخل توازنه على طول طلع على يدي وكذا مره حاولت معاه وصار اوكي.
مادري هذي الطريقه صحيحه او خاطئه بس انا مجربها تمام 100%.