سؤال هن زيدة حجم قرص الـ c

[قودشي]

السلام عليكم
عندي قرصين في النظام السي والدي
وحم الدي اكبر بكثير من السي
فما هي الطريقة لزيادة حجم السي على حساب الدي وشكرا لكم

[Elham]

اخوي .. تبي الصج مافهمت سؤالك ..

انت احين تقصد الفري سبيس " Free space '' >>المساحة الفارغة في الاقراص ..؟..

قصدك المساحة الفارغة في الـ دي اكبر من المساحة الفارغة في الـ سي ..؟.

ياليت توضح عشــــــان اجاوبك ..

[قودشي]

ايه يالغالي انا عندي الـD فارغ ما فيه اي بيانات ومساحته كبيرررره مرة
والـ C قري يمتلي وصار النظام عندي بطيْ

المطلوب هودمج الـC مع الـ D
أو
تقليل حجم الـ D وجعل المساحة بـ C
وشكرااااااااااااااااااااا اليكــ

[صمت الأمل]

وعليكم السلام ورحمة اللهـ وبركاتهـ ..


أخوي ,, اذا ماتبي تحوس وتدمج القرصين سوا عندي لكـ اقتراح ..


شفت البرامج والصور والأفلام وأي ملفات أخرى موجودهـ على سطح المكتب ؟؟ هذي كلها تكون على القرص C وتاخذ من مساحتهـ .


عشان كذا يبدأ النظام يصير بطيء ويثقل ..


الحل انكـ تنقل كل هالملفات في مجلد بالـ D .. وتتركـ الضروري فقط على سطح المكتب .


واذا كنت تحمل أفلام أو برامج أو ألعاب ثبتها على القرص D ..


وراح تشوف الفرق الكبير بعد ماتنقل هالملفات .


وفيهـ أيضا طريقهـ الغاء التجزئهـ ,, لكن واللهـ ما أتذكرها لأن اللي عندي جزء واحد فقط .


لكن ما أنصحكـ تحوس بالنظام وممكن تحذف أو تدمج برامج بالخطأ ..


(( لاتتلقف مثلي ,, كنت أفتح الـ C وأشوف ملفات ماتعجبني ,, وأحذفها .. وفرحانهـ على بالي اني أخفف من المساحة .. مادريت الا بالكمبيوتر فاطس .. وورطت نفسي في مشكلهـ ماني قدها ))


بالتوفيق ,, وفي أمان اللهـ .

[Elham]

يزاها الله خير اختي صمت الامل ما قصرت ..

بس الي ابي اضيفه اهوا ..

انك سوي هالخطوات :

start -> control panel -> programs -> uninstall programs

او بالعربــــــــي ..

ابدأ -> لوحة التحكم -> البرامج -> مسح البرامج

رح تطلع لك البرامج كلها الي انت مثبتها على الجهاز ..

شوف البرامج الي ما تحتاجها .. واضغط عليها و اختار مسح ..

وانطر لين تمسح ..

لنه البرامج المثبته اهي الي تثقل على القرص الـ سي و تخلي الجهاز يصير بطيء ..

اما الاختصارات الي على سطح المكتب مالها تاثير ابد على بطء الجهـــــــــاز ..

وممكن بعد :

تروح لما القرص االـ سي ..

start -> computer -> C -> program files

او بالعربـــــــــــــي :

ابدأ -> جهاز الكمبيوتر -> القرص الـ سي -> مجلد اسمه " ملفات البرامج "

رح تلاقي لمن تفتح هالمجلد كل برنامج مثبت على الجهاز له داخل هالمجلد مجلد خاص

واسمه بيكون باسم البرنامج ..

روح سوي قص لمجموعة من المجلدات مال البرامج .. ورح لما القرص الـ دي

سوي مجلد يديد سميه " programs files " وافتحه والصق

المجلدات الي قصيتها من القرص الـ سي ..

بالاضافة الى انك لمن تبي تحمل اي برنامج على جهازك .. انتبه لهــ الشغلة ..

كل البرامج لمن تتحمل يسألك وين تبي تحفظها .. والوضع الافتراضي انها دايم تنحفظ

بالقرص الـ سي

بس انت تقدر تغيره و تحفظ بمكان ثاني على الجهاز عشان ما يصير القرص الـ سي ممتلى

انت لمن تحمل اي برنامج رح تطلع لك نافذة .. وبتلاقي فيها كلمة Browse

هالصورة مثال عليها .. طبعا رح تضغط على كلمة " Browse " وبتختار المكان الي تبي

تحفظ فيه البرنامج



بالاضافة انك اذا تبي الجهاز يصير سريع .. تقدر تزيد الذاكرة .. روح محل كومبيوترز ويزيدونها لك ..

واخر شي ممكن تسويه اهوا انك تفرمت الجهاز وبيصير سرعته خيالية ..,.

اتمنى اني افدتك .. واي استفسار حنا حاظرين ..

تحياتـــــــــــــــــــــي ..

الهـــــــ الكويت ــــام

[قودشي]

الله يعطيكم الف عافيه ع الشرح الوافي
لكن انا جربت طريقتك في عمل مجلد على الـD باسم programs files وقصيت بعض المجلدات من الـ C ونسختها فيه
لكن المشكلة لم تعمل بعض البرامج وصارت فيهامشاكل وكمان ذلك بعض الملفات ما تنقص .
اناحصلت برنامج لعمل ذلك وبأجربه وأردلكم خبر

والله يجزاكم خير ،،،