الكيتن والمكيف؟؟

[Tagreed]

عندي في البيت كيتن عمره اسبوعين وأربع ايام
وهذي اليومين سايرة مشكلة معاه الا وهي ان امه تبغى تغير مكانه
(المكان اللي ولدت فيه) ومن اول حاطه بالها على غرفتي
وغرفتي هي ابرد غرفه في البيت كله بس هي مصرة كل ما رجعت النونو مكان دافي
تقعد شوية الا وهي جاية تجري وهو في فمها ماتبغى الا غرفتنا غيرت مكان الولادة الاصلي لمحل دافي وكل شي بس كمان ماتبغاه.
انا ذحين محتارة ايش اسوي معاها؟ الغرفة مو بس لي لحالي فالمكيف لازم يكون شغال اغلب الوقت
يمديني اكيد اخفضه بس ماعرف اذا كيتن في هذا العمر بيتحمله؟ انا فاتحه له الدرج اللي تحت سريري وحاطة له بطانيات والعاب محشوة عشان ينام معاها اذا امه خرجت
ومخفضة المكيف لاخر شي تقريباً ونام عندي في الغرفة كم ساعة
ابغى اتأكد اذا في امكانية اخليه ينام عندي في الغرفة حتى لو درجة حرارتها منخفضة شوية؟
انا تعبت من عناد امه والله

[نواف برق]

مو مشكله ياتغريد
بس لازم تغطيه كويس
وثاني شئ ليش المكيف في الشتاء
وانتبهي المكيف مضر للكبار مو بس للصغار
لا يكثر النووم في غرفتك
تقبلي مروري

[Tagreed]

احنا في جدة ياهاوي وجونا صيفي بدون مكيف حرررر

[نواف برق]

هههههههههاي شويه علينا
خلاص فهمنا انه حررر

[Octopus]

اول شيء فكرت اعطيكم معلومة مفيدة وخاصة الاخت تغريد إجابة سؤالك فيها

المعروف ان القطط تتحمل درجة الحرارة مالتها 39 درجة و إذا احتمال ما تتحمل البرودة

و بالنسبة ل حالة الكيتن الصغير في العمر فالمفروض تخفيض درجة الحرارة المكيفلان القط الصغير مناعته تكون ضعيفة لانه تكون قدرته ضعيفة و لل القطط الام لها شوارب تستطيع من خلالها الاحساس بدرجة البرودة

[Tagreed]

المشاركة الأصلية كتبت بواسطة Octopus

اول شيء فكرت اعطيكم معلومة مفيدة وخاصة الاخت تغريد إجابة سؤالك فيها

المعروف ان القطط تتحمل درجة الحرارة مالتها 39 درجة و إذا احتمال ما تتحمل البرودة

و بالنسبة ل حالة الكيتن الصغير في العمر فالمفروض تخفيض درجة الحرارة المكيفلان القط الصغير مناعته تكون ضعيفة لانه تكون قدرته ضعيفة و لل القطط الام لها شوارب تستطيع من خلالها الاحساس بدرجة البرودة

ايوه انا اللي مستغربه منه كيف تجيب الكيتن في غرفة باردة يعني هي ماتحس ان ممكن خطر عليه؟
او ممكن عشانها متعلقة فيني ولازم تكون معاية
مافهمت قصدك لما تقول اخفض درجة حرارة المكيف؟ مو برد عليه والا كيف؟

وشكراً

[Octopus]

المشاركة الأصلية كتبت بواسطة Tagreed

ايوه انا اللي مستغربه منه كيف تجيب الكيتن في غرفة باردة يعني هي ماتحس ان ممكن خطر عليه؟
او ممكن عشانها متعلقة فيني ولازم تكون معاية
مافهمت قصدك لما تقول اخفض درجة حرارة المكيف؟ مو برد عليه والا كيف؟

وشكراً

اقصد بيكون برد عليه واحتمال ضعيف ان يموت بسب البرودة حتى ان وصل عمره الى شهر ونصف بتكون مناعته ضعيفة جدا و ممكن تكون متعلقة معاكي لان اتذكر قطوتي ام لوسي كانت تجيب قطوتي الصغيرة لوسي عندما كانت في عمر الكيتن مالك لحد عندي لانها لن تنسى صنيع المعروف ولها قصة جميلة جدا معاي ذكرتها في مواضوعي السابقة

[Tagreed]

المشاركة الأصلية كتبت بواسطة Octopus

اقصد بيكون برد عليه واحتمال ضعيف ان يموت بسب البرودة حتى ان وصل عمره الى شهر ونصف بتكون مناعته ضعيفة جدا و ممكن تكون متعلقة معاكي لان اتذكر قطوتي ام لوسي كانت تجيب قطوتي الصغيرة لوسي عندما كانت في عمر الكيتن مالك لحد عندي لانها لن تنسى صنيع المعروف ولها قصة جميلة جدا معاي ذكرتها في مواضوعي السابقة

ههههه ياناس لكيفة لما تسوي ذي الحركات. انا كمان اتوقع عشان تقعد معايه لانها تبغى تحطه على السرير وننام احنا الثلاثة سوا

شكراً مسيو اكتوبس

[Octopus]

المشاركة الأصلية كتبت بواسطة Tagreed

ههههه ياناس لكيفة لما تسوي ذي الحركات. انا كمان اتوقع عشان تقعد معايه لانها تبغى تحطه على السرير وننام احنا الثلاثة سوا

شكراً مسيو اكتوبس

العفو يالغاليه لا تنسين تمرين على صورة قطتي وبنتها الوحيدة في قسم الألبوم القطط