اشترك في نشرتنا البريدية ليصلك كل جديد

محمد التميمي · 16-07-2011, 12:54 AM

السلام عليكم ورحمة الله وبركاتة
الكاسكو له عندي سنتين
وهاليومين متغير علي
ماعاد يتكلم ولا يطلع اي صوت وقل تركيزه
ولا ياكل الا قليل جدا خلال هاليومين ما اكل الا عدد بسيط جدا من حبات دوار الشمس
واليوم جلس يشرب مويه بس لدرجه الحوصله حقته صارت اكبر من صحن المويه
وعين وحده من عيونه تفتح نصف فتحه بس لم اشد انتباهه بشي قوي يفتح عادي
ولما اخليه لحاله يجلس يهز راسه كنه واحد يبي ينام
وصار قليل التوازن (كنه يبي يطيح من الاستاند) وصار ينزل لصحن الاستاند
وخلال الساعتين الاخيرات صار يناظر الى الاعلى ويصحبه الخموووول

وشل الحل يا اعضاء
وان كان احد عنده خلفيه ياليت يفيدني
وياليت احد يوصف لي بيطري ممتاز في الرياض

ابو شيخه 11 · 16-07-2011, 12:58 AM

طيب كيف شكل برازه عنده اسهال شي الطير فيه شي من يوم ماتوقف عن الكلام وصاحبه خمول وشهيته قلت في بيطري بسوق الطيور بالرياض كووويس جداً مقابل لصرافة الي في مواقف السوق يكون على اليسار محله

محمد التميمي · 16-07-2011, 01:06 AM

هلابك ابو شيخة

برازه اعتقد زي الموية
وعينه اللي ماتفتح زين اعتقد قل نظرها

rayan09 · 16-07-2011, 01:23 AM

أخي العزيز

أنصحك تخليه بمكان دافئ الليله

وبكرا أول ما تصحى وده البيطري لا تخليه أبد

تحياتي

ابو شيخه 11 · 16-07-2011, 01:39 AM

وده للبيطري لا تهمله اكيد تعبان رح للبيطري وبيعالجه انشاء الله بس حقين المواشي لا تجيهم رح لمختص طيور

ابو نجد 999 · 16-07-2011, 07:16 AM

الله يشفيه ويخليه لك اخوي اعرف دكتور في مخرج 9 في حي الازدهار الدكتور من جنوب افريقياء لاكن الكشف بثمنين اريال وفي الاستقبال مترجم سعودي انا مره رحتله لاكن ماني متاكد من براعته

SILVER LOVER · 16-07-2011, 07:24 AM

الله يشفي طيرك يبو حميد , ومثل ما قالو الشباب

حط الطير في مكان دافي ولا تخلية عالمجثم

وجبلة سيريلاك بالفواكة وغرة عشان يجية شوي طاقة

ومدام الطير فيه اسهال وانتم بكرامة لا تخلية يكثر موية

واذا الطير مصر عالموية اطحن لك فصة ثوم وبعد الطحن اعصر عليه ليمون وحط كم قطرة بالمشربية

وخلة يشرب , والباقي على الله , دعواتكم يا شباب