مشكلة الفروخ والطيور السابقة والحالية

[جورجي]

السلام عليكم ورحمة الله وبركاته
قبل مدة ربيت ثلاثة فروخ لطيفة غر ..
الكبير كان خواف واخذ وقت ليتعود على الغر وتعود بالنهاية .. الفرخين الصغار بسرعة تعودوا
لكن بعد الفطام الفروخ تمردت وصارت ماتطير لي لما اصفر لها وصارت تهرب وتطير بعيد .. وبعدها صارت تعض .. والان تعض بقوة " حالياً الفروخ اعمارهم اقل من ثلاثة اشهر "
ولما اطلع واحد منهم .. يسكت ويجمد مكانه وبعد دقيقة يصرخ كأنه ينادي اخوته ويطير جهة قفصهم
ماادري ويش تمرد الفروخ .. مع اني اعتنيت بهم زين وكنت اطلعهم واخليهم على كتفي او يدي
هل السبب لان احدهم كان كبير وهو اللي بدأ بالهرب والعض واخوته قلدوه ؟
مستقبلاً لو ربيت فروخ جديدة غر .. يحتاج انه افصل الفروخ ؟ .. كل واحد بصندوق او عادي لو كانوا جميع ؟
سؤال اخر ..
طيوري السابقة والجديدة مايصيروا طيبين مع بعض ... بالرغم انهم كلهم اليفين
لان عندي ذكر اليف جداً لوحده بقفص .. لكن هو والفروخ يتهاوشوا من وراء الاسلاك .. ولما يكونوا كلهم خارخ القفص - بغرفة - يخاف منهم الذكر وخصوصاً لو الثلاثة قاموا يطيروا وراه ههه
واذا احدهم على ايدي - الذكر يغار ويجي يحاول يطرده
فيه طريقة اخلي الطيور سواء الجديدة والسابقة لطيفين مع بعض ؟ سواء الان او بعدين بعد فقس الفروخ الجديدة

[جورجي]

ممكن احد يرد عليي من اصحاب الخبرة .. او اللي جربوا تربية مجموعة من الفروخ

[مـحـمـاس الـمـنـحـاس]

اختي الغاليه
صراحه لم يسبق لي جمع الفروخ اثناء التوليف والتدريب

لكن
من المعروف انه اثناء تدريب الطيور يفضل ان لايتم جمعها سويا
لكي لا ينشغلون ببعض ويطنشون المدرب

يعني
اعزلي كل طير بروحه ودربيه بروحه عشان ماينشغل مع غيرك ابد
وبهذه الطريقه بيعتبرك الطير كل حياته ويتعلق بك اكثر واكثر

[ذكريات بادجي]

اختي صراحه انا غريت طيور حب بس انوا طائر حب غر

يعض هذا شئ غريب جدااا بس يمكن لسبب مثلا لو طلعتيه وبالغرفه في

5 اشخاص اكيد بيخاف او مكان ازعاجج وغيره بس غريبه يعض ودايما طلعي كل واحد لحاله لعيبه ورجعيه

وبالتوفيق لك واذا اهتميتي فيه هو بيحيك ويهتم فيك

[جورجي]

مشكورين اخواني .. الله يعطيكم العافية
ان شاء الله بالمرة القادمة اخلي كل فرخ لوحده
انا سبق ربيت ودربت فرخ وحيد .. وصار اليف جداً ويلاحقني من مكان الى مكان .. وطلع ذكر " الذكر اللي يتهاوش مع الفروخ من وراء الاسلاك "
اخوي ذكريات .. الفروخ وهي غر ماكانت تعض .. من صارت تأكل وتشرب بروحها ابتدأ الفرخ الكبير بالعض وبعدين قلده الثاني .. اصغرهم فقط هو اللي مايعض
مع ان ماحد يخوفهم ولما ادربهم اكون لوحدي .. لكن مااستجابوا لي
اعتبر هذا درس لاكتساب الخبرة
شكراً لكم

[Aze]

المفروض بالتدريب يدرب كل واحد لحالة بقفصه. الغرض من التدريب تقربه منك واستغنائه عن بني بفصيلته..
لما ترجعينهم سوا بينسون اللي علمتيهم لان هذي حياتهم.

يفضل انك تربين واحد او اثنين وتتركين البقية.. اذا كان غرضك انتاج
اما اذا بيع وتربية الله يعينك على تدريب كل واحد لحاله..

الله يبارك لك فيهم

[جورجي]

مشكور اخوي على النصيحة
ان شاء الله بالمرة القادمة اتجنب الاخطاء ..
انا اربي الطيور هواية للحصول على طيور اليفة ومطيعة وليس للتجارة او بيعهم