عندي مشكله أخاف انها تكرهني في الكاسيكو

[كاسيكوو]

عندي كاسيكو أفريقي عمره مابين العشر شهور الى السنه

والطير يتجاوب معاي ويركب على يدي الحمد لله


بس للمشكله انه يصارخ وخصوصا اذا بجوف شخص غيري

والمشكله الثانيه ان للحين ما تكلم معا أني القنه

ياريت احصل عندكم حلوول

[ٌابوعمر]

حلول لشنو ؟ يصارخ لمى يشوف غيرك خايف من غيرك الحل تخلينه بمكان عام الناس فيه بكثره عشان يطمان لهم ولا يخاف من احد وبنسبه لتلقين لقنيه باي وقت تشوفينه نشيط ومركز معك لقنيه كلام سهل مثل الو .. بابا.. تعال .. راسك
واتوفيق ان شاء الله

[كاسيكوو]

اول شي أنا مؤ بنت ههههههههههه

اخوي المشكله أنا حتا أنا لما اكون معاه بروحنه بعد يصارخ
بس على خفيف

واهو يصارخ حتى معا اهل البيت يعني الناس الي كل يوم

يجوفونه ويكلم نت ويلعبون معاه

[كاسيكوو]

وبعد في مشكله ان مايخليني امس عليه ولا المس راسه

[ٌابوعمر]

طبيعي مع التدريب بيخليك تمسح على راسه اول شي ابدا حك على منقاره شوي شوي انتج للخدود شوي شوي ارتفع لراسه وبيطيعك ويصير يحب تلعب براسه بس حاول وانت تحك على راسه تقوله راسك راسك عشان يربط بينها وبين الحكه ويصير اول ماتقول راسك يجيك وينزل راسه على طول وبتوفيق ان شاء الله

[بلاك بيري]

اضم صوتي لصوت ابو عمر

[فيوزي]

بس عندي حاجه بقولها اخوي ابو عمر واخوي بلاك بيري
انا استخدم لي حل الجغير والتعود على الناس
حط طيرك في استاند
في المكان الي فيه تشتمع العائله وتحط الطير عندكم فوق الاستاند
الرايح والجاي راح يجغر ومع الايام راح يترك الصراخ ويتوالف لي الناس وما يصارخ لي احد
وتقبل مروري

[بلاك بيري]

كلامك سليم اخوي فيوزي وانا استخدم هالطريقه من زمان وبصراحه نتايجها فعاله وحلوة مرة

[كاسيكوو]

مشكورين يا إخوان

وانا أخذ لي ٤ ايام أخليه على الاستاند ٢٤ ساعه

معا العائله وان شاء الله تكون نتايجها حلوه

[بلاك بيري]

ممتاز اهمشيء خليه بمكان فيه حركه كثرة وتلفزيون وكذا وراح تشوف نتائج مبهره

موفق