الــــدرس الســـادس ( لعبــة ترتيب الصور ) مدعم بالصور

[Elham]

بســـــــــــم الله الرحمـــــــــن الرحيـــــــــم

الســـــــــــــلام عليكم ورحمة الله وبركــــــــاته

الــــــــــدرس الســـادس

لعبــة ترتيـــــــــــب الصــــور

الصـــــــورة قــــبل تنفيــــــذ الدرس ..

النتيجة النهائية بعد تنفيذ الدرس

الخــطــــــــــــــــوات ..

نفتــــــــح بــــــــرنامج الفـــــــــوتوشوب ..

من قائمة ابـــدء --> Photoshop CS4 ..

نختــــــــار .. Open <------- File بالعربي ملف -----> فتح

نختار الصورة لي نبي نطبق عليها الدرس

هذه اهي اظهرت لنا بمساحة العمل

احين نروح عند قائمة View نختار منها Show وبنحط علامة صح يم Grid

شوفوا شلون صارت مساحة العمل ..

صارت مربعات عشان نقدر نقايس بالضبط ..

طبعا حنا نبي نقسم الصورة الى 9 مربعات متساوية ..

اذا حسيتم انها الصورة تحتاج الى قص .. تقدرون تسخدمون الاداة لي بالصورة

احين مثل مالصورة موضحة شايفين المسطرة لي فوق والي بالجنب ..

لي انا مؤشرة عليهم بالسهم ..

تروحون لما المسطرة لي فوق وتحطون السهم عليها وتسحبون عشان تقسمون الصورة

لمن تسحبون رح يطلع وياكم خط افقي سحبوه عشان تقسمون الصورة ..

طبعا حنا عشان نقسم الصورة الى 9 اقسام متساوية لازم نقسمها بالعرض

الى 3 اقسام وهم بالطول الى 3 اقسام .. يعني خطين افقيين وخطيين عموديين

احين يبيلنا عشان نقسمها ,,

نسحب المسطرة لي فوق مرتين :

المرة الاولى بنسحبها و بتلاحظون انه يظهر خط افقي.. سحبوها بحيث

انكم تحطونها بالمكان المناسب عشان تتقسم الصورة ..

وكرروا هالخطوة للمرة الثانية .. وحطوه بالمكان الثاني

عشان يصير تقسمت الصورة افقيا الى ثلاثة اقسام ..

نفس هالخطوات سوها ويا المسطرة لي عالجنب ..

الاختلاف بيكون انها بتعطيكم خطوط عامودية ..

احين ذي الصورة عقب ماقسمتها باستخدام المسطرة وذي الخطوط لي باللون السماوي

اهي الخطوط مال المساطر .. شوفو وين حطيتها ..

طبعا هني واضح انه التقسيمات متساوية .. طبعا تقدرون تحسبون عدد المربعات عشان

تصيرون دقيقين بالشغل .. واذا زاد مربع استخدمو اداة القص مثل ماخبرتكم قبل ..

احين عقب ماقسمنا الصورة .. نبي نقطعها .. يعني نبيها تصير 9 مربعات ..

كل مربع ابروحه .. بنروح عند الاداة 1 بنختار منه اداة 2 .. لي اهي slice tool

في بعض اصدارات الفوتوشوب تلاقون هالاداة ظاهرة من غير ما تضغطون على الاداة رقم 1

احين ذي الصورة بتوضح لكم شلون تستخدمو اداة slice tool لتقطيع الصورة ..

وللمعلومية انا هني مطبقتها على مربع واحد فقط عشان الشرح انتم بتطبقونها على

جميع المربعات ..ركزوا بالصورة من وين نبتدي والى وين ننتهي

احين عقب ذي الخطوة .. بنحفظ الصورة

احين بنروح بنختار Open <----- File بالعربي ملف -----> فتح

ومثل مو شايفين بتلاقون الصورة تقطعت الى 9 مربعات ..

بتحددون كل المربعات وبتختارون فتح ..

عشان تحددون كل المربعات اذا كانوا بمجلد بروحهم يعني ماكو صور ثانية وياهم بنفس المجلد

ضغطوا CTRL + A وبتحدد كل الصور لي بنفس المجلد ..

اذا كان في صور ضغطوا على CTRL وحددو الصور وحدة وحدة ..

1 - احين بتروحون لما الـ History وترا مو اي History لا الـ History

حق مساحة العمل الي اشتغلنا عليها وبتضغطون على لي انا مؤشره..

عليه بالسهم يعني بيعيدنا من اول ويديد وبينحذف كل شي ولا كاننا اشتغلنا ..

2- مثل مو شايفن ذي المربعات الـ 9 لي قطعناهم وادرجناهم من اشوي ..

بنروح عند كل مربع بنضغط عليه وبنضغط CTRL + C عشان ننسخه ..

وبنروح لما مساحة العمل الي من شوي حذفنا كل شي منها وبنضغط CTRL + V

عشان نلصقه .. وبنسوي هالخطوة مع كل المربعات الـ 9

احين ذي الصورة عقب ما لصقناهم بمساحة العمل ..

طبعا ماعليكم امبين انه مربع 1 لكن الصج اهوا 9 مربعات بس كلهم فوق بعض = )

احين بنرتب المربعات ... بنحط كل مربع بمكانه الصحيح .. شوفو شلون الصورة

احين بنختار واحد من المربعات بنشيل من يمه العين عشان يختفي ..

لانه لازم يكون في مربع ابيض عشان تتحرك الصورة ..

انا هني اخترت ذا لانه ماياثر على الصورة ..

احين انا هني رقمت المربعات عشان الشرح فقط يعني لاحد يرقم مثلي

عقب مارتبنا الصورة وعرفنا اماكن المربعات ..

احين بنغير الاماكن لكن لازم تكونون عارفين شلون تردون ترتبونها من اول ويديد ..

وهم لازم يكون تغير اماكن المربعات على حسب المربع الابيض ..

يعني شوفوا هني كان المربع الابيض رقم 1 .. احين عشان نغير الاماكن ..

عندنا خيارين اما نخلي المربع رقم 2 مكان المربع رقم 1 او نخلي المربع رقم 4 مكان المربع رقم 1

انا هني اخترت الخيار الثاني ..

احين عقب ما غيرت الاماكن صار عندي خيارين ..

اما اخلي المربع رقم 5 مكان المربع رقم 4 او اخلي المربع رقم 7 مكان المربع رقم 4 ..

ان شاء الله اوصلت الفكرا .. انه مايكون غيير الاماكن باسلوب عشوائي ..

احين ذي الصورة عقب ما غيرت الاماكن كاملة ..

ابروح لقائمة Animation <--- Windows

ذا الصورة توضح شريط الانميشن ظهر وفيه فريم واحد ..

احين بنضيف فريم .. واعتقد كلكم تعرفون من وين نضيف الفريمات

لني شارحتها بالدروس السابقة ..

ونحرك مربع واحد فقط مثل مالصورة موضحة ..

يعني باختصار بتكررون هالخطوات بالترتيب لين ما تترتب الصورة من يديد ..

- اضافة فريم يديد

- تحريك مربع واحد فقط لاعادة ترتيب الصورة .

يعني مع كل اضافة فريم نحرك مربع واحد ونحطه مكان المربع الابيض

عشان نرد نرتب الصورة من يديد ..

اهني عقب مارديت رتبت الصور كاملة .. يعني لازم بعد الترتيب يصير عندكم 9 فريمات ..

كل فريم المربع الابيض فيه يختلف عن الفريم لي قبله

+ ممكن يكون المربع الابيض بالفريم الاخير في نفس مكانه بالفريم الاول

مثل عندنا اهني بالصورة وممكن يكون يختلف وهالشي

يعتمد على طريجتكم في تغيير الاماكن .

اهني تعرفون نغير مدة التنقل بين الفريمات .. يفضل انه اخر فريم تخلون المدة اشوي

طويلة وباجي الفريمات تكون المدة فيهم متساوية ..

انا الفريمات خليت مدتها 1 والفريم الاخير خليته 5

احين نروح عند قائمة View نختار منها Show و نشيل علامة الصح من يم Grid

وهذه اهي الصورة

وهني تحفظون الصورة من ..save for web and devices <-- File

تـــــــــــــم بحـــــــــــمدالله

المـــــــــوضــــــــوع من مجهـــــــودي الشخصي ..و اي ســـــــــــؤال انا حاضـــــــرة

فـــــــلا تنسوني من صالح دعــــائكم .

اختـــــكم في الله : الهـــــــــام

[الـــــــرازم]

يعطيك العافيه على المجهود الا محدود

نحن نتابع كل درس يطرح وللأمانه كفتي

ووفيتي لماتقدمينه من طرح مفيد لهذا

القسم >> سلسله دورات تجعل القارئ

والزائر والذي يبحث عن الطرق وكيفية التعليم لها

يستفيد ويتعرف اكثر على البرامج والتطوير

فما بالنا ان كان المصدر منتدى توزوو

اخت الهام بارك الله فيك ولك كل الاحترام

والتقييم قليل في حقك والقادم افضل

واصلي مجهودك فكل شي موثق هنا في توزوو

ابوخليفة

[soul2006]

يا سلام عليج
عيني عليج بارده
يا دكتورة الفوتو
ما في اروع عن الدروس اللي تقدميها
كل درس احلى عن الثاني

ربي يجزيج الخير

[soul2006]

حلو درس عمل بزل

احين بنروح بنختار Open <----- File بالعربي ملف -----> فتح

ومثل مو شايفين بتلاقون الصورة تقطعت الى 9 مربعات ..

ليش طلعت لي 3 صور وما متساويات مع اني تابعت خطوة بخطوه

[Elham]

المشاركة الأصلية كتبت بواسطة الـــــرازم

يعطيك العافيه على المجهود الا محدود

نحن نتابع كل درس يطرح وللأمانه كفتي

ووفيتي لماتقدمينه من طرح مفيد لهذا

القسم >> سلسله دورات تجعل القارئ

والزائر والذي يبحث عن الطرق وكيفية التعليم لها

يستفيد ويتعرف اكثر على البرامج والتطوير

فما بالنا ان كان المصدر منتدى توزوو

اخت الهام بارك الله فيك ولك كل الاحترام

والتقييم قليل في حقك والقادم افضل

واصلي مجهودك فكل شي موثق هنا في توزوو

ابوخليفة

تســـــــــــلم بـــــوخليفــــة .. = )

ربـــــــي يعطيــــــك العافيـــــــــــــة ..

عالمتابعة الدائمة لجميــــــع الاقسام ..

ومشكور وايد ماقصــــــــــــرت بالتقييـــــــم

اسعـــــــــدني تواجـــدك في الموضوع ..

لا تحــــــــــــ‘ــــرمنــــــــــــا ~

[Elham]

المشاركة الأصلية كتبت بواسطة soul2006

يا سلام عليج
عيني عليج بارده
يا دكتورة الفوتو
ما في اروع عن الدروس اللي تقدميها
كل درس احلى عن الثاني

ربي يجزيج الخير

يا هــــــــلا فيــــك اخوي ..

مــــــرورك الاروع ..

تســـــلم عــ الــــــرد = )

[Elham]

المشاركة الأصلية كتبت بواسطة soul2006

حلو درس عمل بزل

ليش طلعت لي 3 صور وما متساويات مع اني تابعت خطوة بخطوه

ههههههههه .. اشدعوة عاد اكيد انك قطعت الصورة ليه 3 اقسام ..

رد ابدء من اول ويديد وخل المربعات نفس المقاس ولا تنسى لمن

اتيي تقطعهم لازم تقطع كل مربع ..

يعني انا موضحة طريجة التقطيع بالصورة المتحركة على مربع واحد

انت لازم تسويها 9 مرات على كل المربعات ..

موفق اخوي وناطرة تطبيقك = )

[soul2006]

تم التطبيق

اكثر من كذيه خلاص ما قدرت ادري ان تطبيق مو مضبوط

[marshmallow]

مـآشـآء الله .. دروس رآئـعة ومفيـدة ..

ووآضح انك تـآعبه عليـهـآ ..

تسلم يـدينك خيتوو ..

ووآصلي ابدآعك وتـألقك ..

[Elham]

المشاركة الأصلية كتبت بواسطة soul2006

تم التطبيق

اكثر من كذيه خلاص ما قدرت ادري ان تطبيق مو مضبوط

لا تقول ماقدرت ..

تقدر .. و تقدر .. وتقدر ..

صج انه تطبيقك فيه اخطاء لكن يعتبر صحيح ..

اخطائك ..

- في واحد المربعات .. رفعته شوي

- ومادري جنك مقطعها 8 موب 9 .. او يمكن لانك ماغيرت مكانه

لو تعيد ذا الدرس ..

صدقني بتطلع بنتيجة افضل من جذيه ..

موفق اخوي ..