وش تنصحوني

[ولد امس]

بسم الله


السلام عليكم


كيفكم يا اخوان

انا متردد مدري اشتري محاكر حديد او خشب وش تنصحوني لأن الحديد يمديني اغسله بس الخشب ما اعتقد اقدر اغسله انا لقيت المحاكر الخشب في محلات جرول في مكه بس الحديد ما انتبهت لها مدري في ولا مافي بس انتم وش تنصحوني خشب ولا حديد وانتم اللي يربي في محاكر وش حاط حديد ولا خشب انا اشوف الخشب احسن لأنه رخيص وتواجده كثير ومدري وش اشتري حديد ولا خشب

[ابو ايمان]

الخشششب افضل بكثير ، وكمان مَ يحتاج غسل : امسسح المنظقةة وبس

وغير كذا لو طول عندك ، غيرةة بجديد

[ولد امس]

مشكور اخوي ماقصرت اجل ابي اخذ خشب بس انا يمكن اخذ 2 او 3 اخاف مايطول عندي وما ابي اخسر فلوس ارجع اشتري واحد ثاني يعني هو كم ياخذ وقت ويخرب يعني يطول كم سنه ممكن

[ولد امس]

وانا اللي لقيتها 8 محاكر وفي 6 محاكر بس ان شاء الله بكرا اشوف بكم سعرها وابي اسألكم يناسب سعرها ولا غاليه

[ديراوي خطير]

اناا انصحك بالحطب ,, سعر المحاكر عندناا ( الحطب ) الواحد فيه 3 تقسيمات بــ 120 ريال و ( الحديد ) 3 تقسيمات بــ 500 ريال

يعني تاخذ 4 محاكر حطب من الــ 500 ريال

هذي الأسعار عندناا بس انتوا مادري والله بكم عندكم يمكن رخيص

اذا رحت خبرناا بأسعار المحاكر ,, وبالتوفيق

[@$عاشق الدرة$@]

اخوي على حسب ميزانيتك واللي يناسبك والمحاكر تنصنع من كل شئ حتى يمديك تسويها بنفسك

[العتيبي2011]

الخشب

[ولد امس]

مشكور يا اخوان ماقصرتوا وان شاء الله بكرا اروح اشوف بكم الأسعار واقلكم

بس بغيت اسألكم انا بحط المحاكر يعني في السطح بس يعني اذا جاء امطار وش اسوي اخاف المطر يدخل عليهم ويغرقهم يعني وش اسوي

[@$عاشق الدرة$@]

غطي الصندقة بالفراش الفضي اللي يحطونه تحت الفراش او غطها بكيس وانشاء الله ما يجيها شئ