اشتشارة في شراء فرخ اي طير

[السمكة الحمراء]

السلام عليكم ورحمة الله وبركاته


..


>>كيف ابدأ


..


من حوالي 3سنوات بدأت هواية تربية الاسماك والحمد لله وصلت الى مرحله ممتازة


لكن هالسنه حبيت ادخل عالم تربية الطيور وبالذات الامزونيات او الببغاوات


لكني محتارة في أي نوع اربي من هالطيور


لاني ابي اربي فرخ يعني طيور صغيرين


وان شاء الله بشتري لي في شهر ذي الحجة او شهر ربيع

فاللي عنده خبرة عن اسعار الفراخ في المنطقة الشرقية بالسعودية (الدمام او القطيف) لايبخل بها


واي نوع تنصحوني اشتري<<اخوي صار عنده كاسكو و درة يعني مو اول مره اربي طيور

ان شاء الله الاسبوع الجاي بروح سوق الخميس وبشوف الطيور هناك


فقبل ما اروح ابي آخذ شوي خبرة منكم
قبل اسبوع شفت فرخ فيشر عجبني شكله كنت باخذه(حسبته صغير ببغاء)
لكن الفيشر مايتكلم مثل الببغاوات

فاتمنى انكم تفيدوني باللي عندكم

..


دمتم بخير

[مجننهم]

ياغاليه انا بدأت على الدرة

وبعدين على الغيني والمينا والكروانات والبلابل

يعني ابدأي على الدرة

السبب:الدرة طير رخيص سعره من100ــ250 هندي

والنيبالي وهو متكلم:من500_1000


وسهل جدا على الترويض

وهاذاا موضوع يدفيدك

[بحريني خطير]

البحرين فرخ الدرة النيبالية لازم تغره اخضر 7 دينار 70 ريال بس غير موجود

ودره نيبالية عمر 5 شهور وفوق 15 دينار اخضر 150 ريال
والزرقة 30 دينار 300 ريال
والصفرا او البيضة 40 دينار 400 ريال

كلهم محجلين ماعدا الخضر

[MR.F]

المشاركة الأصلية كتبت بواسطة بحريني خطير

البحرين فرخ الدرة النيبالية لازم تغره اخضر 7 دينار 70 ريال بس غير موجود

نيبالية او هنديه؟ و وين هالاسعار؟

[السمكة الحمراء]

اهلا اخي مجننهم
مشكور على المساعده
لو كنت بشتري درة ايهم افضل الهندي ولا النيبالي؟
ولاني ابي آخذ فرخ لكن فيه ريش كم يكون عمره؟
وكم سعر الفرخ الهندي وكم سعر النيبالي؟
وكل اسمع كلمة محجل ومو محجل وش معنى هالكلمة؟
واشوف في الوان للدرة غير الاخضر هل يختلفو في التربية ولا بس في الشكل يختلفو؟
والمعذرة على كثرة الاسئلة
ومشكور مرة ثانية
..
اهلا اخي بحريني
مشكور على المعلومات والاسعار
..
اتمنى تفيدوني اكثر عن اسعار فراخ الببغاوات والامزونيات
..
دمتم موفقين لكل خير

[السمكة الحمراء]

من اسبوع اطلعت على انواع الأمزونيات والببغاوات
عجبوني الماكاو واجد لكنهم خطيرين بس يكبرو ومايتكلمو عدل
واليوم لقيت الأمزونيات وقرأت عنهم فعجبني البلو فرونتد
وقرأت اكثر عنه وعرفت ان اسعار الفراخ من 3000 الى 3500ريال
تتوقعو القى في سوق الخميس فرخ فرونتد ب2000ريال او 2500
ما ابيه مدرب ولا مروض
لانه عجبني واجد واحس تربيته احلى من الكاسيكو الافريقي وشكله أجمل من الدرة
..
اتمنى ماتردوني خايبة
...
..
.
دمتم بخير

[الولد الذي كويس]

السلام عليكم ورحمة الله وبركاته
كم سعر الدره منجدي
داخل عرض ههههه.

[بادجي 2009]

بالتوفيق زي ما خبروك الاخو انا افضل الدره

[محبـه الكوكاتيـل]

الامــااازوون الفـرخ من 3000 الـى 15000 الـف تقريبــا
والـدره من 200 الـى 1500
والصـن كنيور من 400 الـى 2000
والكـاسكو من 700 الـى 4000

طبعـأـ كل هذي ببغاوات

[مجننهم]

المشاركة الأصلية كتبت بواسطة السمكة الحمراء

اهلا اخي مجننهم
مشكور على المساعده
لو كنت بشتري درة ايهم افضل الهندي ولا النيبالي؟
ولاني ابي آخذ فرخ لكن فيه ريش كم يكون عمره؟
وكم سعر الفرخ الهندي وكم سعر النيبالي؟
وكل اسمع كلمة محجل ومو محجل وش معنى هالكلمة؟
واشوف في الوان للدرة غير الاخضر هل يختلفو في التربية ولا بس في الشكل يختلفو؟
والمعذرة على كثرة الاسئلة
ومشكور مرة ثانية
..
اهلا اخي بحريني
مشكور على المعلومات والاسعار
..
اتمنى تفيدوني اكثر عن اسعار فراخ الببغاوات والامزونيات
..
دمتم موفقين لكل خير

النيبالي افضل في الكلام والسعر يكون من 500 الى 1500
من3شهورالى8شهور
وتعرفيه من الندبة الي في الجناح بالون الاحمر
الهندي من150الى200غير اليف
والاأليف من الهندي 250الى400حمااااامه
الحجل هو مثل الخاتم ينحط على ارجل الطيور ولا يخرج منها ابد الا لمن يموت
وهو مايجي الا لمن يكون الطير غير مصيود وهو افضل شي
وهاذي صوره له


وعن الالوااان مافي اي فرق في التدريب