كاسكو هولندي ...

[brho0om]

سلام عليكم ورحمه الله وبركاته ...
تم بحمد الله شراء كاسكو هولندي عمره تقريبا 6 شهور ولله الحمد جاهز امسح على راسه وعلى جسمه ويطلع على يدي واريد نصايح من اهل الخبراء وارجو مااحد يدخل ويبخل علي ولكم جزيل الشكر والطير له يومين معااي وحاط له دفايه على طول عليه وبالليل اغطيه وقت النووم ولكن هل القنه الان ولا انتظر الان ونصايح من ناحيه الاكل وتقويه المناعه لطير ولكم الاحترام والشكر ....

[brho0om]

نسيت اذكر انه يطقطق ويصفر لم اروح منه واذا جيت عنده يسكت ولم اقرب منه ينزل راسه يبيني احك له راسه ...

[A.Alansari]

حاول تلقنه من الحين

واعطيه فواكه او خضروات مسلوقه عشان تدعمه بالفيتامينات

واهم شي اههتم في التدفئة والاكل والماء يكون نظيف

واذا تحطه على استاند افضل دام انه اليف لانه القفص يخلي الطير يتوحش شوي وبنفس الوقت يحس انه مملكته الخاصه ومابيرضى احد يقرب من القفص

فخليه يتعود على ستاند افضل بيساعدك في التدريب

[the_gostman]

وعليكم السلام..

ألف ألف مبرووووك الطائر..

اخي الكريم اهم شئ الان الاهتمام في موضوع درجة الحراره..يعني لازم تتجنب التيارات الهوائيه وتقلبات الجو..

قدم له خلطة الحبوب المشكله + كل 3 ايام قدم له خلطة من الفواكه او الخضروات المسلوقه + مع تغير الماء مرتين في اليوم بماء نظيف وصحي.

الترويش:- لا تروش الطائر الآن الى ان يعتاد على المنزل وهو بحاجه الى اسبوعين على الاقل حتى يبدأ يكسب ثقتك ويتعلق فيك ويعتاد على البيت..

أيضاً يجب الحذر جيداً جيداً من الترويش في هذه الفتره لان الاجواء بااارده.


أتمنى لك كل التوفيق
أخوك رمزي

[brho0om]

يعطيكم العافيه اخواني من ناحيه التدفيه حاط له دفايه عنده على شان مايمرض من البرد وتلقينه امشي على كلمه وحده وهو على الاستاند افضل ولا هو داخل القفص الترويش ماني مروشه في البرد اخاف يمرض وتخبرون صغير..

[the_gostman]

عند التلقين يفضل وضع الطائر داخل القفص عشان يكون مركز معك..لانه على الستاند ما رح يكون مركز معك بسبب اللعب واللهو..

[SouD-kuvv-1998]

اخي الكريم اول شي مبرووك علا الطير اخوي حاول تعطيه خضراوات وفواكه واذا بيتك كبير حطه بغرفه هاديه ودافيه وحطله استاند بالصاله طلعه لمده 3 ساعات مو شرط متواصله وخله ينام لمده 12 ساعه واذا شقه خله بزاويه بصاله واحذر تحطه بممر او تحت الدرج.

[يعسوبة]

هالنوع وخاصة الفروخ مناعته ضعيفة
انتبه من تيارات الهواء ومن كثرة تقديم الوجبات له لانها تضر بامعاء الطير
اعمله جدول خاص للاكل مو تقدم له ماهب ودب مثلي اول << موت طيري بيدي
واذا نام غطي القفص واترك فتحه يتنفس منها
ابعده عن الهواء وتجنب نقله من غرفة لغرفة لان هالطريقة تمرضه
اتركه في غرفة واحدة دافئة وبعيد عن الهواء والمويا تكون معندلة لتبارده ولاحاره وياريت ماتكون من الحنفية
لاتكثر له فول سوداني << تراه موت طيري اول


وان شاء الـلّـہ‏​ يتربي في عزك ىيطول الـلّـہ‏​ بعمره

موفق