( جرو ) وعدة آسئله لو تكرمتوا

[آنـــــو]

.
.


السلام عليكم

آن شاءالله الكل بخير

طبعاً مانستغني عن إستشارتكم وخبرتكم ,,


عندي جرو تقريباً عمره 4 شهور مو لي بس متكفله فيه مده معينه لسفر آصحابه

وعندي إستفسار بخصوص آكله ,, هل كل يوم لازم آطبخ له ؟!

لأن آحياناً ماآلقى وقت هو معاه كيس رويال كانون يصير آعطيه على طوال الآسبوع

ومتى ماصار عندي وقت طبخت له شي ؟!

نظامي مع القطط اللي عندي كذا آعطيهم على طول دراي فود و 3 الى 4 مرات بالأسبوع آطبخ لهم شي

فـ ماآدري هل يصير آتبع معاه نفس النظام !!


آمس عطيته بس دراي فود لاغير ,, واليوم سلقت له سمك بس ماآكله ولاحبه ورحت عطيته

صدر دجاج مسلوق مع مكرونه وحبه كثيررر وقضى عليه ,, ومالمقدار اللي آعطيه من الأكل ؟!



شي ثاني

الجرو عضاض بهذلني يحاول يعض آيدي ورجلي ومتخوفه لأن ماآعرف الى آي مدى عضته تعور

هو اللي آعرفه آن الجراء تعض لعب وتسنين ,, عطيته آشياء يلعب فيها ويعض عليها بس كله يضيعها

ياخذها ويدفنها ,, كيف آتصرف مع العض ؟!

تعاملي معاه كل ماحاول يعض رجلي شديت الرسن بعيد عني وآلاحظ آنه يستجيب يجلس شوي

بس يرجع يسويها مره ثانيه يتصيدني .. آو آحط لعبته مقابل وجه عند فمه يعني تبي تعض هنا مو آيدي يعض شوي فيها

ويرجع علي آنا ,, وحاولت آعنفه لكن مايفهم


سؤال ثالث

اليوم الوالد الله يهداه وآنا نايمه آعطاه حليب بدون علمي والحين الكلب مُصاب بأسهال ( عزكم الله )

كلمت البيطري وقالي آعطيه كابتين للأطفال من الصيدليه البشريه 1مل ,,

وهالدوا دايم آعطيه لقططي سواء صغيره وكبيره لما تُصاب بالأسهال ونتايجه حلوه ومامنه ضرر ..

فـ ماآدري يصير آعطيه للجرو ؟!


سؤال آخير

هل البرد يأثر عليه بدرجه كبيره !! عندي بوكس كبير للكلاب حطيته له بس مو راضي يدخل ينام فيه

كيف آحميه من البرد ووش آقدر آسوي له ؟؟


وآسفين على الأطاله جابوا اللي تقدرون عليه ^^"

ومشكورين مقدماً آخواني

.
.