هل هذا الشيء طبيعي...؟؟

[الطائر*الغامض]

السلام عليكم ورحمة الله وبركاته...

انا عندي ديك ودجاجتين 2 مربيهم من وهما صيصان كانت اعمارهم حدود الـ يومين
ودحين اعمارهم باقيلهم كم يوم ويصير عمرهم اربع شهور يعني ما كملوا الاربع شهور

انا مخليهم في حوش البيت من وهما صغار
والحوش كبييير مرة يعني ماخذين راحتهم ويشوفون الشمس ولعوبين وحبوبين
ونشيطين وحركتهم كثيييييييرة ماشاءالله عليهم
وانا ما امسكهم الا احيانا اتفقدهم واكلهم كل يوم اعطيهم وجبات
مفيدة لهم واعطيهم مويه كمان بكثرة وهما ماشاءالله نظييفين ويتروشون كثييييير
وريشهم نظييييييف وحلو ومرتب وطويل وجميل ولامع ماشاءالله عليهم....

دحين ندخل في الامر الغريب بعد هلامعلومات عنهم...
انا اللي اعرفه انو الديك يبدأ التلقيح في عمر 5 شهور والدجاج يبدأ التبيض في عمر 6 شهور....
بس الديك اللي عندي بدأت اشوفه يلقح الدجاج واحيانا يضربهم اذا سو سيء غلط
وماشاءالله عليه قائد ممتاااااز جدااا
بدأ يلقح وعمره حول 3 شهور ........!!
يعني قبل تقريبا شهر الا ربع ... ويوم الاربعاء هذا حصلت في الحوش بيضة
صغيرة حلوة بس محد عندها ....!!
ما ادري من ايات دجاجة من الثنتين ...
ابوي جابها ليا يقول حصلها في الحوش بس خلاص طبخناها مع اني ما كنت ابغى اطبخها...
ويوم الخميس سعني اليوم التالي ابوية كمان حصل بيضة ثانية وجابها
ليا وطبخناها برضوا بس خلاص هذي اخر بيضة بنطبخها....
ويوم الجمعة انا خفت ما يجلسون على البيض فسويت لهم قفص كبير شوي
ودخلتهم في الساعة 8 صباح
وفي العصر رحت عندهم حصلتهم طايحين بيموتون...!!
والله خفت يكونوا ماتوا بس الله رحمني ورحمهم وانقذهم جيت فكيت القفص وعلى طوول
قاموا وطلعوا برا القفص ولعبوا وكملوا حياتهم
بس انو امس ما شفت عندهم بيضة اتوقع بسبب انو انا دخلتهم في القفص
واليوم ما ادري ممكن يبيضوا وممكن لا ...


بس الالي ابغاه منكم تساعدوني هل الدجاجة ممكن تجلس على البيض
في الحوش ..؟؟
انا خايف ما يجلسون لانه كبييير وممكن ما تجلس

وكمان هل طبيعي انو الديك يلقح في هذا العمر والدجاجة تبيض في هذا العمر......؟؟


وآسف على الاطالة...