متى نقدر نقول يامن شرى من حلاله علّة ..!!

[NICE COCO]

مساء الخير

الموضوع هذا نقاش وكل واحد يعطينا من خبرته وتجاربه



كثير من مرتادي هالقسم يحبون الطيور ولكن تواجهنا كمربين بعض المشاكل
وانا من خلال تجربتي لتربية طير الكروان ان واجهتني صعوبات مثل ازعاج الطير و الصرااااااخ المتوااااصل
تخيلو معي احطه معي بالغرفة وانام واصحى على صراخه قبل الظهر ..
انزل انا وياه تحت بالصالة ويصارخ .. والاهل يطردوني لفوق فأضطر اني ارجع فوق من حيث اتيت ينزعجون اللي نايمين فوق ويقولون نزليه بالصاله تحت في هذا الموقف يخطر على بالي المثل اللي يقول يامن شرا من حلاله علة
الحلول اللي تطرأ علي أظطر اني اغطي القفص طيلة الوقت حتى يسكت
هذه المسألة الاولى وهي الازعاج




المسألة الثانية اللي تواجه المربي وهي مشكلة السفر
الاجازة الصيفية اغلب الناس تسافر من بلد لبلد و يبتلشون بهالطير وانا كنت اعاني من مشكلة صراخه داخل السيارة مما يسبب احراج وقلق وازعاج فيعكر مزاجي واصير مثل هذا--->
وكنت اتمنى استقبال محلات الطيور في مكان مخصص من المحل لطيور المسافرين ..




المسألة الثالثة واللي خلتني انزل كيلوات <-- ريجيم جديد
وهو طيران الطير من ستارة لستارة وانا ألحقه من هنا لهنا ادري بتقولون (وش حادك؟ ليه ماتقصين جناحة) بس اللي عندي كبير متعود على الطيران واحس حرام اقص جناحه وهو كان يطير كل يوم .. والا ماتوافقوني الرأي؟




ـــــــــ سؤال داخل عرض ــــــــــــ
قبل انهي الموضوع بالنسبه للإزعاج انا ناويه على كاسكو او بلوفرونتد هل هم مزعجين مثل الكروان ؟<-- لاتقولون اشدّ إزعاج من الكروان



تشااو

[رهام الغلا]

هههههههههههههههههه

والله مثل حالتي انا ودرتي ..

ماما كله تغطيها عشان اازعاج واضطريت احطها بالمطبخ والله حرام ابي احطها وياي بالغرفه

بس اوووت وبلوك وكل شي يعطوني

حتى تخيلي ماما قالت ماتبيها قلت لالالالالالالالالالالا

مستحيل استغني عن اينو

شوفي لي صارخت سوي طريقتي لما تصارخ قولي لها لالالالا عيب عيب
وكرري لين تسكت لما تسكت قولي لها شاطره وعطيها اي شي تحب تاكله

انا هذي نفعت وياي لما تشوفني تسكت ماتصارخ بس لما اطلع عنها وي تعالي سمعي ازعاجها

الله يحفظهم لنا يارب

[أبو راشد]

مساء الرضا والعافيه


بجاوب من الأخير < تغيير روتين



بالنسبة للكاسكو والامازون .. لو مو متروضين لك كل ماتقربين منهم رح يجعرون زي مايقولون الاعضاء يعني يصرخ وصراخه اشد من الغراب




بالنسبة للمسألة الثانية .. فيه محلات تحتفظ بالطيور بمبلغ وقدره "فندق 5 نجوم" بس العيب الوحيد ان كل من دخل المحل يجي يتفرج على طيرك " اهم شي لا ينخرش "
بالرياض مثلا فيه محل اسمه واحة الحيوان .. في شارع الاحساء





المسألة الثالثة والأولى....
بما انه يصارخ في قفصه يعني يبي يطلع من القفص ولو طلع يقعد ينطط بين الستاير يعني انه خايف منك .... لازم اول تروضينه لك ويصير يحبك ويلاحقك وين ماتروحين وينام وانتي ماسكته بعد
اذا انتي شاريته كبير بالعمر فهو محتاج ترويض ابحثي عن طرق بالمنتدى في قسم الكروان ممكن تلاقين ..

انا والله مالي اسبوع ونص شريت كروان عمره شهر ونص ... جنحانه مقصوصه بس مو كامله على النص يقدر يطير شوي والحين والله ماتصدقين وش يسوي يقعد يصارخ بقفصه لاجيت انام

افتح غطا القفص واخليه مفتوح .. يجي طاااير جنبي واقعد امسح عليه شوي وينام

اصحى الاقيه بوجهي يتفرج علي


والحين يحاول يتعلم التصفير مسيكين توه مايعرف

ولما امسح عليه يقعد عاقل وعموما لسى صغير مابعد بان خيره من شره

بس العيب انه لابغى شي مايعرف يتكلم فلازم ينادي اللي عندي يسكت اول مادخل الغرفة يقعد يصفر لين اجيه اشوف وش عنده بس انتبهي من الدلع الزايد ترى دلعه ماصخ هههههههههههه







بالتوفيق لي ولك يارب

[أبو راشد]

في شي اخير نسيت اقوله

الا وهو الالعاب .. جيبي له كم لعبه بالقفص ويفضل القفص يكون كبير شوي عشان ياخذ راحته ويتمغط

الالعاب بتشغل وقته لاصار ماعنده احد ويلهى شوي

[NICE COCO]

رهام الغلا ياهلا وغلا فيك

والله انا شاريته كبير واصلا ما اتوقع بيفهم علي
الله يعيينا الكل معاني هنا

اشكرك على تجاوبك السريع

[legend Boss]

والله انا عندي بدل الكروان كروانين وكلهم ذكور وما شاء اللع بس صراخ وصفير بس ايش اسوي كذا طبيعتهم

والشي الثاني مساله الببغاء النيجيري او الامزوني

لو بتشتري اليف ما يفرق اذا امزوني ولا نيجيري كلهم هاديين

اما اذا بتشتري مو اليف اشتري امزوني احسن لانه النيجيري المتوحش جدددددددددددددددا مزعج

ما شاء الله جعيره مو طبيعي بس لمن تقربي منه يسمع البيت كله صراخه*_*

وبس دا اللي عندي

تقبلي طلتي^_^

[NICE COCO]

أبو راشد
ياهلا فيك
اللي اقصده مو التجعير الصراخ القوي لا ..
يعني عند خالتي كروان مربيته وهو فرخ وصراخه مزعج فهمت كيف ؟ <-- ابغاه على الصامت او الهزاز


صدقت يابو راشد هو يصارخ بس عشان اطلعه
بس ما اطلعه الا بغرفتي لأن باقي البيت صعبة تعرف الدرايش و الابواب مفتوحه وانت عارف وش بيصير لو اطلعه وقتها بهز براسي و اقول خرج ولم يعد <--


احيانا افكر اقص جناحه واخليه برى القفص على طول فأي مكان
وبالنسبه للدلع الزايد صدقت والله اللي عندي اول ماشريته مؤدب بس من تالي صاير غثيث ..

شاكره مرورك اخوي ..

[S7R]

بالله سؤال .. ولو انه خارج عن الموضوع

تخلينه ينام معك بالغرفه وانتي مشغله التكييف ؟؟؟؟ لان ودي اخذه معي بالغرفه .. بس اخاف عليه من المكيف
اللي عندي ( كاسكو )

[NICE COCO]

legend Boss
حياك الله

ادري طبيعتهم كذا بس وش تسوي لو اللي عندك ينزعجون..!!
والطيور حلاتها بتصفيرها وكلامها مو بصراخها المزعج

اشكرك على ردك ..

[NICE COCO]

S7R

هلا فيك

ايه اغطي القفص واخلي جهه مفتوحة
بس الكاسكو مادري عنه يمكن يأثر عليه ..