قطتي ما تثق فيني :'(

[Rucjo10]

السلام عليكم

حدخل بالموضوع على طول
انا اول مره اربي قطه
فما اعرف كيف اتعامل معها
هي جاتني هديه وعمرها شهرين
مرره لعوبه بشكل بس ماكانت تخرب لسا صغيره
بس كبرت صارت 4-5 شهور تقريباً
الا صارت تخرب وتكسر صحون ووووالخ
فسألت مربيتها الاولى كيف اتعامل معها
بحكم اني لسا ما اعرف ولا شي عن القطط
فقالت لي اضربها و اصرخ بصوت عالي
لو سوت شي غلط وللاسف سويت مثل ما قالت
بعدين لاحضت اذا دخلت عليها بمكان ولا ناديت باسمها تموء وتنزل راسها ..
واذا كانت فوق طاوله تموء وتركض خايفه
حسيت انها تخاف مني او اني مربوطه بالكره والضرب
وفعلاً اذا بمسح على راسها تغمض عيونها وتنزل راسها ومرره واضح انها خايفه من يدي
ولما اكون ماشيه وهي بطريقي احيانا تشرد وتدخل تحت اي شي واحيانا عادي تظل واقفه
بس مره أنبني ضميري وبكل مره اشوفها خايفه من يدي اتنكد نكد الله اعلم به
بس الحمدلله المرات اللي ضربتها تنعد عالاصابع .. صح انها على فترات متباعده .. يعني ممكن شهر ضربتها كم مره ولما لاحظت انها تغيرت بطلت اضربها
كانت من امنياتي انها تنام معي وعلي
بس الحين اشوف هذي الامنيه مستحيله
فصرت انا اشيلها واضمها بالقوه وتعصب مررره وتشرد بمجرد ما اتركها
يعني دايم انرفزها بذي الحركه
واحس انو اذا اجبرتها ازيد الطينه بله
بس ايش اسوي ابغا تكون زي البسس العاديه تنام مع مالكها وتشاركه حياته
الحين هي عمرها 6 شهور فما اعرف كيف اخليها تحبني وتثق فيني لدرجه تنام علي
قلت لمالكتها انو ضربتها وجات نتيجه سيئه جداً
تمنيت لو تكسر الصحون ولا تتعامل كذا اذا شافتني جايه او بلمسها
قالت المربيه اسهجها وما اديها وجه ولا المسها فتره طويله ممكن شهر
وهي تجي تتلزق
بس انا خفت اسمع كلامها وتنقلب نتيجه عكسيه
زي الضرب .. عشان كذا سألتكم
اذا عندكم حل فعَّال اتمنى ما تبخلون علي
لاني مره ضايق صدري ومتنكده بكل مره اشوف تعاملها معي ..
اتمنى اتمنى يكون في حل لاني مررره احبها بشكل
واتمنى اخليها تحبني وتثق فيني ..


انتظر ردودكم ..